ក្រុមហ៊ុនឱសថ ជប៉ុន នឹងសុំការយល់ព្រមលើការព្យាបាលវីរុសកូរ៉ូណា ក្រោយថ្នាំ Avigan សាកល្បងរួចរាល់

ក្រុមហ៊ុនឱសថ ជប៉ុន នឹងសុំការយល់ព្រមលើការព្យាបាលវីរុសកូរ៉ូណា ក្រោយថ្នាំ Avigan សាកល្បងរួចរាល់

ក្រុមហ៊ុនផលិតថ្នាំប្រឆាំងនឹងជំងឺគ្រុនផ្តាសាយ Avigan បានឱ្យដឹងកាលពីខែ កញ្ញា ថា ខ្លួននឹងដាក់ពាក្យសុំការអនុញ្ញាតប្រើប្រាស់ថ្នាំនេះសម្រាប់ការព្យាបាលអ្នកជំងឺកូរ៉ូណា បន្ទាប់ពីការសាកល្បងបង្ហាញថា វាអាចពន្លឿនពេលវេលានៃការជាសះស្បើយ។

ក្រុមហ៊ុនឱសថ ជប៉ុន នឹងសុំការយល់ព្រមលើការព្យាបាលវីរុសកូរ៉ូណា ក្រោយថ្នាំ Avigan សាកល្បងរួចរាល់ ảnh 1

ថ្នាំ Avigan កំពុងត្រូវបានដាក់ពាក្យសុំការយល់ព្រមព្យាបាលសម្រាប់អ្នកជំងឺកូវីដ១៩

នៅក្នុងសេចក្តីថ្លែងការណ៍មួយ ក្រុមហ៊ុនផលិត Fujifilm Toyama Chemical បានឱ្យដឹងថា ការសាកល្បងដំណាក់កាលទី ៣ របស់ខ្លួននៅក្នុងប្រទេស ជប៉ុន ដែលបានចាប់ផ្តើមនៅក្នុងខែ មីនា ពេលនេះបានធ្វើរួចរាល់ហើយ។

ក្នុងចំណោមមនុស្ស ១៥៦ នាក់ដែលត្រូវបានពិពណ៌នាថាជា “គោលដៅវិភាគ” ពេលវេលានៃការជាសះស្បើយជាមធ្យមគឺ ១១,៩ ថ្ងៃចំពោះអ្នកដែលទទួលថ្នាំ Avigan ធៀបទៅនឹងរយៈពេល ១៤,៧ ថ្ងៃចំពោះអ្នកជំងឺដែលលេបថ្នាំសាកល្បងផ្សេងមួយទៀត។

ការជាសះស្បើយឡើងវិញត្រូវបានកំណត់នៅក្នុងការសាកល្បង ព្រោះពេលនោះវីរុសកូរ៉ូណាលែងត្រូវបានរកឃើញនៅក្នុងការធ្វើតេស្ត PCR និងនៅពេលរោគសញ្ញាទាក់ទងនឹងសីតុណ្ហភាព អុកស៊ីសែនក្នុងឈាមនិងសួត ត្រូវបានធ្វើឱ្យប្រសើរឡើង។ 

ក្រុមហ៊ុនបាននិយាយថា ឥឡូវនេះខ្លួននឹងធ្វើការវិភាគលម្អិតនៃទិន្នន័យដែលទទួលបាននៅក្នុងការសាកល្បងនេះហើយនឹងធ្វើការដើម្បីដាក់ “ពាក្យស្នើសុំការផ្លាស់ប្តូរដោយអន្លើ” ដើម្បីរួមបញ្ចូលការចង្អុលបង្ហាញបន្ថែមនៅដើមខែ តុលា។

ថ្នាំដែលមានឈ្មោះទូទៅថា Favipiravir នេះត្រូវបានអនុម័តឱ្យប្រើប្រាស់ក្នុងប្រទេសជប៉ុនក្នុងឆ្នាំ ២០១៤ សម្រាប់គ្រុនផ្តាយសាយ។ ថ្នាំនេះមិនមានលក់នៅ លើទីផ្សារទេ ហើយអាចផលិតនិងចែកចាយបានតាមការស្នើសុំពីរដ្ឋាភិបាល ជប៉ុន។

ថ្នាំ Favipiravir ដែលអាចលេបជាថ្នាំគ្រាប់មានប្រសិទ្ធភាពរារាំងសមត្ថភាពរបស់វីរុសក្នុងការចម្លងនៅក្នុងកោសិកា។ ក្នុងការសិក្សាលើសត្វ ថ្នាំ Avigan បានបង្ហាញផលប៉ះពាល់ដល់ការលូតលាស់របស់ទារក ដូច្នេះវាមិនអាចផ្តល់ឱ្យស្ត្រីមានផ្ទៃពោះនោះទេ។

ប្រទេស ជប៉ុន បានគាំទ្រថ្នាំនេះយ៉ាងខ្លាំង ដោយស្នើសុំឱ្យក្រុមហ៊ុន Fujifilm បង្កើនផលិតកម្មសម្រាប់ការប្រើប្រាស់នៅក្នុងស្រុកនិងផ្តល់ជូននូវការចែកចាយដោយឥតគិតថ្លៃដល់ប្រទេសរាប់សិបដែលបានស្នើសុំ៕

ដកស្រង់និងកែសម្រួលពីរស្មីកម្ពុជាដោយ៖  ទេវី

កាសែតរូបភាពជនជាតិនិងតំបន់ភ្នំ/ទីភ្នាក់ងារព័ត៌មានវៀតណាម

អ្នកប្រហែលជាចាប់អារម្មណ៍