បញ្ហាសក់ស្កូវមុនអាយុអាចជាបញ្ហាគួរឱ្យបារម្ភ។ សក់ស្កូវមុន វ័យអាចបណ្ដាលមកពីបរិមាណនៃមេឡានីនដែលផលិតដោយ ឬសសក់ធ្លាក់ចុះទាប ជួនកាលសារធាតុគីមីដែលអ្នកបានប្រើប្រាស់លើសក់ក៏ធ្វើឱ្យស្ថានភាពកាន់តែអាក្រក់ឡើង។ទោះជាយ៉ាងណា កុំបារម្ភ យើងអាចប្រើវិធានការដូចខាងក្រោម៖
ខ្ញី
អ្នកកោសខ្ញីលាយជាមួយនឹងទឹកឃ្មុំ ១ ស្លាបព្រាបាយមុនពេលទទួលទាន។ សមាសធាតុក្នុងខ្ញី និងទឹកឃ្មុំនឹងជួយឱ្យសក់រឹងមាំមានសុខភាពល្អ ដូច្នេះបញ្ហាស្កូវមិនលេចឡើងលឿនពេកឡើយ។ អ្នកគួរទទួលទានល្បាយនេះជាប្រចាំ។
កោសខ្ញីលាយជាមួយនឹងទឹកឃ្មុំទុកសម្រាប់ទទួលទានអាចព្យាបាលបញ្ហាសក់ស្កូវ
កាហ្វេ
អ្នកឆុងកាហ្វេ ១ កែវនិងទុកឱ្យត្រជាក់សិន សឹមចាក់លាយជាមួយក្រែមបន្ទន់សក់ ២ ពែង រួចអ្នកអាចបន្ថែមកាកកាហ្វេខ្លះចូលផងដែរ។
ក្រោយពីកក់សក់រួច ចូរលាបល្បាយក្រែមបន្ទន់លើសក់និងរង់ចាំសម្រាប់ រយៈពេល ១ ម៉ោងមុនពេលលាងសម្អាតចេញ។
ប្រេងដូង
អ្នកលាបល្បាយទឹកក្រូចឆ្មារ និងប្រេងដូងលើសក់ ព្រមទាំងស្បែកក្បាល ហើយត្រូវអនុវត្តជាប្រចាំ។
ប្រេងដូងអាចទប់ស្កាត់ស្ថានភាពសក់ស្កូវដ៏ប្រសិទ្ធភាព
សំបកដំឡូងបារាំង
អ្នកចាក់សំបកដំឡូងបារាំង ១ ពែងក្នុងទឹកធម្មតា ២ ពែង និងដាក់ដាំ ឱ្យពុះ។ ជាបន្តត្រូវត្រងកាកចេញ និងទុកឱ្យត្រជាក់សិន។
បន្ទាប់មកចាប់ផ្ដើមកក់សក់និងប្រើប្រាស់ក្រែមបន្ទន់ដូចពេលធម្មតា។ ក្រោយពីវែកចែក សក់រួច ចូរលាបទឹកសំបកដំឡូងបារាំងលើសក់ផ្នែកទាំងសងខាង រួចលាង សម្អាតចេញ។
ខ្ទឹមបារាំង
អ្នកបកសំបកខ្ទឹមបារាំង និងកិនសាច់របស់វា។ បន្ទាប់មកម៉ាស្សាខ្ទឹមបារាំងដែលកិនហើយលើស្បែកក្បាលនិងសក់របស់អ្នក ហើយទុកចោលសម្រាប់រយៈពេល ៣០ នាទី។
អ្នកអាចគ្របក្បាលជាមួយមួកផ្លាស្ទិកពាក់ងូតទឹក ដើម្បីការពារកុំឱ្យខ្ទឹម ហៀរចូលភ្នែក លាងសម្អាតសក់ជាមួយនឹងសាប៊ូកក់សក់ ដើម្បីកម្ចាត់ក្លិនខ្ទឹម។
អនុវត្តរូបមន្តនេះរាល់ថ្ងៃ សម្រាប់រយៈពេលយ៉ាងហោចណាស់ ១ សប្តាហ៍ទើបទទួលបានប្រសិទ្ធិភាពប្រសើរ៕
ដកស្រង់និងកែសម្រួលពីរស្មីកម្ពុជាដោយ៖ ទេវី
