រយៈពេលកន្លងទៅ ក្រុមគ្រួសារប្រជាជនជាច្រើននៅឃុំតំបន់ឆ្ងាយដាច់ស្រយាល អៀតឹន ស្រុក ក្រុងណាំង (ខេត្ត ដាក់ឡាក់) បានបង្វែរផ្ទៃដីចម្ការកាហ្វេមួយចំនួនដែលចាស់ៗ ទិន្នផលទាបមកដាំត្រប់វែង ជប៉ុន ផ្តល់ប្រសិទ្ធភាពសេដ្ឋកិច្ចយ៉ាងច្បាស់ក្រឡែត។
បង ង្វៀនវ៉ាន់ថាញ់ នៅភូមិ ថុងញ៉ឹក ឃុំ អៀតឹន ស្រុក ក្រុងណាំង (ខេត្ត ដាក់ឡាក់) ថែទាំចម្ការត្រប់វែង ជប៉ុន
បច្ចុប្បន្នទូទាំងឃុំ អៀតឹន មានជាង ៣០ គ្រួសារដាំត្រប់វែង ជប៉ុន ជាមួយផ្ទៃដីសរុបជាង ៧ ហិកតា។ ងាយដាំ ងាយថែទាំ សមស្របនឹងអាកាសធាតុនឹងដីស្រទាប់លើនៅមូលដ្ឋាន បានជាដំណាំត្រប់វែង ជប៉ុន រីកលូតលាស់ល្អ ផ្តល់ផលជាប្រចាំ។
លោក ថាយញឺអ៊ី នៅភូមិ ឌាន់កេត ឃុំ អៀតឹន ស្រុក ក្រុងណាំង (ខេត្ត ដាក់ឡាក់) ថែទាំចម្ការត្រប់វែង ជប៉ុន របស់គ្រួសារ
ជាមួយនឹងតម្លៃលក់ពី ៧.០០០ ដល់ ៧.៥០០ ដុងក្នុងមួយគីឡូក្រាម ផ្ទៃដីដាំត្រប់វែង ជប៉ុន ទំហំ ៣៦០ ម៉ែត្រការេនីមួយៗ បានជួយក្រុមគ្រួសារបងប្អូនជនជាតិជាច្រើនគ្រួមានចំណូលជិតដប់លានដុងក្នុងមួយខែ។ តួយ៉ាងដូចជាគ្រួសារលោក ថាយញឺអ៊ី នៅភូមិ ឌាន់កេត លោក ង្វៀនវ៉ាន់ថាញ់ នៅភូមិ ថុងញ៉ឹត...។
ប្រជាជនឃុំ អៀតឹន ស្រុក ក្រុងណាំង (ខេត្ត ដាក់ឡាក់) បង្វែរផ្ទៃដីចម្ការកាហ្វេចាស់ៗ ទិន្នផលទាបមកដាំត្រប់វែង ជប៉ុន វិញ
យោងតាមលោក ផាមវ៉ាន់ទឿង អនុប្រធានគណៈកម្មាធិការប្រជាជនឃុំ អៀតឹន ដោយមានប្រសិទ្ធភាពសេដ្ឋកិច្ចយ៉ាងច្បាស់ក្រឡែត ទម្រង់រូបភាពដាំត្រប់វែង ជប៉ុន បានបើកចេញទិសដៅថ្មីក្នុងការផ្លាស់ប្តូរមុខដំណាំដាំដុះ ក្នុងបរិបទដែលដំណាំចម្បងៗ ជាច្រើនដូចជាកាហ្វេ ម្រេចកំពុងផ្តល់ទិន្នផលទាប ចំណូលថយចុះ៕
ទន់អាញ់
