ក្នុងរយៈពេលកន្លងទៅ ផ្នែកទេសចរណ៍ទីក្រុង ហូ ជីមិញ មានការបោះជំហានក្នុងការស្តារឡើងវិញនិងអភិវឌ្ឍខ្លាំងក្លាទាំងអំពីប្រាក់ចំណូលព្រមទាំងចំនួនភ្ញៀវទេសចរបើប្រៀបធៀបនឹងអំឡុងពេលរីករាលដាលនៃជំងឺកូវីដ - ១៩។
ផ្អែកលើមូលដ្ឋាននោះ ផ្នែកទេសចរណ៍ទីក្រុង ហូ ជីមិញ បន្តធ្វើវិត្ថារកម្មទេសចរណ៍ កសាងខ្សែចង្វាក់ផ្គត់ផ្គង់ ផលិតផលថ្មីឡើងវិញផ្តោតការយកចិត្តទុកដាក់ជាសំខាន់ទៅលើការងារឃោសនាផ្សព្វផ្សាយទេសចរណ៍។
ឆ្លងកាត់បទពិសោធន៍គន់មើលទីក្រុងពីលើអាកាសដោយឧទ្ធម្ភាគចក្រជាប្រភេទទេសចរណ៍ថ្មីដ៏ល្អឯកត្រូវបានមន្ទីរទេសចរណ៍ទីក្រុង ហូ ជីមិញ ទាញយកផលតាំងពីចុងខែ មេសា ឆ្នាំ ២០២២
យោងតាមមន្ទីរទេសចរណ៍ទីក្រុង ហូ ជីមិញ ទីក្រុងបានជំរុញយ៉ាងខ្លាំងក្លាការអនុវត្តបច្ចេកវិទ្យា ៤.០ ដើម្បីឃោសនាផ្សព្វផ្សាយទេសចរណ៍ ជាពិសេសគឺការរួមបញ្ចូលព័ត៌មានលើផែនទីទេសចរណ៍អន្តរកម្មឆ្លាតវៃ 3D/360 ដោយមានការពណ៌នាគោលដៅទេសចរណ៍ដ៏ទាក់ទាញជិត ៤០។
ឆ្លងកាត់បទពិសោធន៍គន់មើលទីក្រុងពីលើអាកាសដោយឧទ្ធម្ភាគចក្រជាប្រភេទទេសចរណ៍ថ្មីដ៏ល្អឯកត្រូវបានមន្ទីរទេសចរណ៍ទីក្រុង ហូ ជីមិញ ទាញយកផលតាំងពីចុងខែ មេសា ឆ្នាំ ២០២២
ទន្ទឹមនឹងនោះ ទីក្រុង ហូ ជីមិញ ក៏ផ្តោតលើការឃោសនាផ្សព្វផ្សាយ ឧទ្ទេសនាមទីក្រុងគឺជាគោលដៅ "សុវត្ថិភាព - ទាក់ទាញ - តំបន់ទីប្រជុំជនក្នុងទីក្រុងទេសចរណ៍ដ៏រស់រវើក" របស់តំបន់អាស៊ីអាគ្នេយ៍ដោយមានព្រឹត្តិការណ៍ជាបន្តបន្ទាប់ដូចជា៖ ពិធីបុណ្យអាវផាយទីក្រុង ហូ ជីមិញ លើកទី ៨ ទិវាមហោស្រពទេសចរណ៍ទីក្រុង ហូ ជីមិញ លើកទី ១៨ ផ្សារណាត់ពិព័រណ៍ទេសចរណ៍អន្តរជាតិទីក្រុង ហូ ជីមិញ ពិធីបុណ្យភោជនាហារទីក្រុង ហូ ជីមិញ ពានរង្វាន់ប្រកួតរត់ប្រណាំងម៉ារ៉ាតុងអន្តរជាតិទីក្រុង ហូ ជីមិញ លើកទី ៦ ផ្តោះប្តូរជាមួយមេចុងភៅអន្តរជាតិបំពាក់ផ្កាយ Michelin...
សប្តាហ៍ផ្លែឈើ "ខាងលើមានកំពង់ខាងក្រោមមានទូក" ខណ្ឌលេខ ៨ លើកទី ១ ឆ្នាំ ២០២២ ត្រូវបានប្រារព្ធឡើងនៅតាមខ្សែផ្លូវ បេនប៊ិញដុង (ទីក្រុង ហូ ជីមិញ)
កម្មវិធី "ទីក្រុង ហូ ជីមិញ ទទួលស្វាគមន៍មិត្ត - Welcome to Ho Chi Minh City" ក្នុងពិធីបើកទិវាមហោស្រពទេសចរណ៍ទីក្រុង ហូ ជីមិញ លើកទី ១៨ ឆ្នាំ ២០២២
លើកកម្ពស់គុណភាពសេវាកម្ម ផលិតផលទេសចរណ៍ដែលមានស្រាប់ កសាងធួរដំណើរទេសចរណ៍ខ្សែទេសចរណ៍ថ្មីដ៏ទាក់ទាញ។ល។ គួបផ្សំការធ្វើនវានុវត្តន៍ខ្លាំងក្លាការងារឃោសនាផ្សព្វផ្សាយ ទីក្រុង ហូ ជីមិញ រំពឹងទុកថាឆ្នាំ ២០២២ នឹងទទួលភ្ញៀវអន្តរជាតិចំនួន ៣,៥ លានលើកនាក់និងភ្ញៀវក្នុងស្រុកចំនួន ២៥ លានលើកនាក់ កើនឡើងតាមលំដាប់លំដោយចំនួន ១៦៧ និង ១៦៨ ភាគរយធៀបនឹងរយៈពេលដូចគ្នាក្នុងឆ្នាំ ២០២០ ចំណូលសរុបពីវិស័យទេសចរណ៍គ្រោងនឹងសម្រេចបានប្រហែល ៩៧.៧០០ ពាន់លានដុង៕
អត្ថបទ៖ ធូហឿង
រូបថត៖ អានហៀវ - មីភឿង
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ សីហា ឆ្នាំ ២០២២ ដោយ៖ អៀងថាន់
