ភោជនាហារប្រពៃណីរបស់ជនជាតិ កឺទូ

ភ្ញៀវទេសចរបរទេសរំភើបរីករាយពេលបានភ្លក់រសជាតិភោជនាហារប្រពៃណីរបស់ជនជាតិ កឺទូ
ភ្ញៀវទេសចរបរទេសរំភើបរីករាយពេលបានភ្លក់រសជាតិភោជនាហារប្រពៃណីរបស់ជនជាតិ កឺទូ

រស់នៅតាមបណ្តោយជួរភ្នំ ទ្រឿងសឺន ដ៏មហាសាល ទោះបីឆ្លងកាត់ដំណាក់កាលប្រវត្តិសាស្ត្រផ្សេងៗ គ្នាជាច្រើនក៏ដោយ ប៉ុន្តែរហូតមកទល់ពេលនេះ ជនជាតិ កឺទូ នៅតែរក្សាទុកនូវតម្លៃវប្បធម៌ប្រពៃណីស្ទើរតែទាំងស្រុង ក្នុងនោះមានទាំងភោជនាហារពិសេសដាច់ដោយឡែកជាច្រើនមុខទៀតផង។

យោងតាមព្រឹទ្ធាចារ្យភូមិ អាលាំង យ៉ូរ នៅភូមិ អារ៉ែះ - ដះរ៉ូង ឃុំ តាលូ ស្រុក ដុងយ៉ាង (ខេត្ត ក្វាងណាម) ពេលទទួលស្វាគមន៍ភ្ញៀវ ជាពិសេសក្នុងឱកាសបុណ្យចូលឆ្នាំថ្មី ពិធីបុណ្យភូមិជនជាតិ កឺទូ អោយតម្លៃយ៉ាងខ្លាំងចំពោះស្ពកបាយទទួលភ្ញៀវ។

ភោជនាហារប្រពៃណីរបស់ជនជាតិ កឺទូ ảnh 1បណ្តាមុខម្ហូបរបស់ជនជាតិ កឺទូ ត្រូវបានដាក់តម្រៀបយ៉ាងស្រស់ស្អាត

ក្រៅពីការបង្ហាញមនោសញ្ចេតនា ស្ពកបាយជាមួយមុខម្ហូបផ្សេងៗ ក៏ឆ្លុះបញ្ចាំងពីលក្ខខណ្ឌសេដ្ឋកិច្ចរបស់ម្ចាស់ផ្ទះក៏ដូចជាសហគមន៍ទាំងមូលផងដែរ។ ស្ពកបាយទទួលភ្ញៀវរបស់ជនជាតិ កឺទូ តែងតែមាននំក្រូសង់ សាច់អាំងបំពង់ឫស្សី សាច់បង្ហុយផ្សែង សាច់ប៉ាត់តេ បាយក្រឡាន។ល។ សុទ្ធតែត្រូវបានកែច្នៃសាមញ្ញៗ ទាំងអស់ ពោរពេញដោយរសជាតិនៃម្រេចព្រៃនិងប្រភេទបន្លែព្រៃធម្មជាតិ។

ភោជនាហារប្រពៃណីរបស់ជនជាតិ កឺទូ ảnh 2ភ្ញៀវទេសចរបរទេសរំភើបរីករាយពេលបានភ្លក់រសជាតិភោជនាហារប្រពៃណីរបស់ជនជាតិ កឺទូ
ភោជនាហារប្រពៃណីរបស់ជនជាតិ កឺទូ ảnh 3បំពង់បាយក្រឡានទាំងឡាយបន្ទាប់ពីត្រូវបានគេយកសំបកខាងក្រៅចេញ នារី កឺទូ តែងតែដាក់ក្នុងកាផាយកទៅកាន់ផ្ទះ ហ្គឿល ប្រពៃណី

ភោជនាហារប្រពៃណីរបស់ជនជាតិ កឺទូ ទាក់ទាញចំណាប់អារម្មណ៍របស់ភ្ញៀវទេសចរក្នុងនិងក្រៅប្រទេស។ ចូលរួមក្នុង ពិធីបុណ្យភោជនាហារនៅលំហនៃភូមិប្រពៃណី កឺទូ ស្រុក ណាមយ៉ាង លោកស្រី ហារូណា អុនដេរ៉ា ជាភ្ញៀវទេសចរម្នាក់មកពីប្រទេស ជប៉ុន សម្តែងការភ្ញាក់ផ្អើលហើយសរសើរថា៖ "មុខម្ហូបទាំងឡាយនៅទីនេះប្លែកខ្លាំងណាស់ ហើយគួរឱ្យទាក់ទាញខ្លាំងណាស់ ទាក់ទាញខ្ញុំក៏ដូចជាសមាជិកនៃក្រុមនាលើកដំបូងភ្លក់រសជាតិ។ មិត្តទាំងអស់គ្នាមានលក្ខណៈវប្បធម៌ដ៏ល្អឯកគួរឲ្យចាប់អារម្មណ៍ជាច្រើន។ ប្រសិនបើខ្ញុំមានឱកាសត្រឡប់មកវិញ ខ្ញុំប្រាកដជាមកទីនេះម្ដងទៀត ដើម្បីភ្លក់រសជាតិភោជនាហារ ប្រពៃណីរបស់ប្រជាជន កឺទូ"៕

អត្ថបទនិងរូបថត៖ ខាញ់ង្វៀន
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ ធ្នូ ឆ្នាំ ២០២២ ដោយ៖ សឺន ហេង

(កាសែតរូបភាពជនជាតិនិងតំបន់ភ្នំ)

អ្នកប្រហែលជាចាប់អារម្មណ៍