ភាពអ៊ូអរនៃបុណ្យហែអ្នកតារបស់ជនជាតិ ចិន ទីក្រុង ហូ ជីមិញ

បុណ្យហែអ្នកតា (ឬហៅថាពិធីបុណ្យបង្ហោះគោម) ត្រូវបានប្រារព្ធឡើងនៅថ្ងៃពេញបូណ៌មីនៃខែទី ១ ជាឱកាសដើម្បីអ្នករាល់គ្នាសុំសេចក្តីសុខ លើករាសីរំដោះគ្រោះ ចង់បានសុខសាន្ត សុភមង្គលពេញមួយឆ្នាំ។

ជារៀងរាល់ឆ្នាំ នាឱកាសនេះ សហគមន៍ជនជាតិ ចិន នៅទីក្រុង ហូ ជីមិញ រៀបចំសកម្មភាពជាច្រើនដូចជា៖ សម្តែងសិល្បៈច្រៀងរាំប្រពៃណីរបស់ជនជាតិ ចិន ដង្ហែរសិល្បៈតាមដងវិថី សម្តែងរបាំម៉ុងសាយ តោ នាគ បង្ហាញការលេងល្បែងប្រជាប្រិយឡើងវិញ ។ល។ នេះជាព្រឹត្តិការណ៍វប្បធម៌ សិល្បៈប្រចាំឆ្នាំ ជាពិធីបុណ្យគំរូតួយ៉ាងរបស់ទីក្រុង ហូ ជីមិញ នាឱកាសដើមនិទាឃរដូវ៕

ក្បួនដង្ហែឆ្លងកាត់អគារសមាគមនិកាយ ចិន អូនឡាំង នៅលើផ្លូវ ឡាវទឺ ខណ្ឌលេខ ៥ ជាសំណង់មួយមានអាយុកាលជាងមួយរយឆ្នាំ។ រូបថត៖ អានហៀវ

នាំមុខក្បួនដង្ហែគឺឡានផ្កាដោយមានរូបសំណាកលោកប្រធាន ហូ ជីមិញ។ រូបថត៖ អានហៀវ

ទិដ្ឋភាពពិធីបុណ្យហែអ្នកតារបស់សហគមន៍ជនជាតិ ចិន នៅមជ្ឈមណ្ឌលវប្បធម៌ខណ្ឌលេខ ៥ ទីក្រុង ហូ ជីមិញ។ រូបថត៖ អានហៀវ

ការសម្តែងរាំម៉ុងសាយនៅលើបង្គោលដែក - មុខវិជ្ជាសិល្បៈមួយត្រូវបានហាត់សមយ៉ាងផ្ចិតផ្ចង់របស់សហគមន៍ជនជាតិ ចិន។ រូបថត៖ អានហៀវ

ការសំដែងវប្បធម៌របស់សិល្បករជនជាតិ ចិន នៅមជ្ឈមណ្ឌលវប្បធម៌ខណ្ឌលេខ ៥ ទីក្រុង ហូជីមិញ។ រូបថត៖ អាន ហៀវ

បរិយាកាសតាំងពិព័រណ៌សិល្បៈក្នុងសហគមន៍ជនជាតិ ចិន នៅមជ្ឈមណ្ឌលវប្បធម៌ខណ្ឌលេខ ៥ ទីក្រុង ហូ ជីមិញ បានទាក់ទាញភ្ញៀវអន្តរជាតិជាច្រើន។ រូបថត៖ អានហៀវ

មាមីងបងប្អូនជនជាតិ ចិន សម្របខ្លួនក្នុងបរិយាកាសដ៏អ៊ូអរនៃបុណ្យហែអ្នកតានៅទីក្រុង ហូជីមិញ។ រូបថត៖ អាន ហៀវ

តារាសម្ដែងមហាជនជនជាតិ ចិន ប្រែខ្លួនជាតួអង្គក្នុងរឿងព្រេងនិទាន។ រូបថត៖ អាន ហៀវ

យុវនារីជនជាតិ ចិន ក្នុងឈុតសម្លៀកបំពាក់ប្រពៃណីដង្ហែក្បួននៅតាមដងផ្លូវនៃខណ្ឌលេខ ៥ ទីក្រុង ហូជីមិញ ដើម្បីអបអរស្វាគមន៍ពិធីបុណ្យហែអ្នកតា។ រូបថត៖ អាន ហៀវ

ការសម្តែង "របាំនាគ" ប្រពៃណីនៅតាមដងផ្លូវដោយក្រុមសត្វតោ នាគក្នុងសហគមន៍ជនជាតិ ចិន។ រូបថត៖ អាន ហៀវ

ដំណឹងនិងរូបថត៖ អានហៀវ
ប្រែសម្រួលដោយ៖ យ័ញលើយ