៥០ ឆ្នាំនៃទំនាក់ទំនងមិត្តភាព­វៀតណាម-កម្ពុជា៖ ក្រឡេកមើលឡើងវិញនិងឆ្ពោះទៅរកកិច្ចសហប្រតិបត្តិការ អភិវឌ្ឍន៍ សម្បូររុងរឿង... (អត្ថបទទី ២)

អត្ថបទទី ២៖ ឆ្លងកាត់ការសាកល្បង ជំរុញទំនាក់ទំនងនយោបាយ-ការទូត
ប្រទេសជាតិនិងប្រជាជាជាតិកម្ពុជាប្រឈមុខនឹងគ្រោះថ្នាក់នៃការរលាយសាបសូន្យនេះហើយ កងកម្លាំងបដិវត្តន៍ស្នេហាជាតិដ៏បរិសុទ្ធទាំងឡាយរបស់កម្ពុជា បានរួបរួមគ្នាមកវិញ ក្រោកឈរឡើង បង្កើតរណសិរ្សសាមគ្គីសង្គ្រោះជាតិកម្ពុជា ធ្វើការតស៊ូប្រដាប់អាវុធប្រឆាំងរបបកម្ពុជាប្រជាធិបតេយ្យប្រល័យពូជសាសន៍។

ឆ្លើយតបតាមសេចក្ដីអំពាវនាវជាបន្ទាន់របស់រណសិរ្សសាមគ្គីសង្គ្រោះជាតិកម្ពុជា ព្រមទាំងក៏ដើម្បីអនុវត្តន៍ សិទ្ធការពារខ្លួនស្របច្បាប់ ការពារមាតុភូមិដ៏ពិសិដ្ឋរបស់ខ្លួន យុទ្ធជនកងទ័ពស្ម័គ្រចិត្ត វៀតណាម បានស្មាប្រកៀកស្មា រួមកម្លាំងជាមួយរណសិរ្សសាមគ្គីសង្គ្រោះជាតិកម្ពុជា​ បើកការប្រយុទ្ធការពារខ្លួនយ៉ាងលឿន រំដោះប្រទេសនិងប្រជាជន កម្ពុជា រួចផុតពីរបបកម្ពុជាប្រជាធិបតេយ្យប្រល័យពូជសាសន៍ ឈានដល់ការទទួលបានជ័យជម្នះជាប្រវត្តិសាស្រ្តនៅថ្ងៃទី ០៧ ខែ មករា ឆ្នាំ ១៩៧៩។

ក្នុងសន្ទរកថាថ្លែងទៅកាន់អង្គមីទ្ទិញអបអរសាទរខួប ៥ ឆ្នាំនៃថ្ងៃផ្ដួលរំលំរបបប្រល័យពូជសាសន៍ដែល ប្រារព្ធធ្វើឡើងនាថ្ងៃទី ៧ ខែ មករា ឆ្នាំ ១៩៨៤ លោក ហេង សំរិន ប្រធានគណៈប្រធានរដ្ឋនៃសាធារណៈរដ្ឋ ប្រជាមានិតកម្ពុជាបានគូសបញ្ជាក់ថា៖  "ជ័យជម្នះថ្ងៃទី ០៧ ខែ មករា ឆ្នាំ ១៩៧៩​ គឺបានធ្វើឲ្យរស់រានមានជីវិតឡើងវិញនូវសមទ្ធិផលបដិវត្តន៍ទាំងអស់ រួមទាំងតម្លៃស្មារតីនិងសម្ភារៈទាំងឡាយ ដែលបានបង្កបង្កើតឡើងក្នុងដំណើរការនៃប្រវត្តិសាស្ត្រ ២.០០០ ឆ្នាំរបស់កម្ពុជា"។
 

ថ្លែងក្នុងដំណើរការបំពេញទស្សនកិច្ចផ្លូវការនៅ វៀតណាម នាខែ ធ្នូ ឆ្នាំ ២០១៣ លោកនាយករដ្ឋមន្ត្រី ហ៊ុនសែន បានចែករំលែកថា៖ "វៀតណាម មិនត្រឹមតែពលីអាយុជីវិតរបស់ប្រជាជន កងទ័ព ថែមទាំងត្រូវធ្វើពលីកម្មទាំងទ្រព្យសម្បត្តិ នយោបាយនិងការទូតទៀតផង។ គ្រានោះ វៀតណាម ត្រូវហ៊ុមព័ទ្ធពីខាងក្រៅអាស្រ័យដោយជួយរំដោះប្រទេស កម្ពុជា។ ដើម្បីប្រជាជន កម្ពុជា ដើម្បីប្រទេស កម្ពុជា វៀតណាម ក៏ត្រូវរងការធ្វើពលីកម្ម ហើយជាង ៣០ ឆ្នាំ ក្រោយមកទើបត្រូវបានគេទទួលស្គាល់តាមរយៈការបង្កើតតុលាការអង្គការសហប្រជាជាតិ/កម្ពុជា កាត់ទោសអតីតមេដឹកនាំនៃរបបប្រល័យពូជសាសន៍ដែលមាន ពលពត ជាប្រមុខ"។
 

ភាព​ពិតជាក់ស្តែងបានបញ្ជាក់ថា ជាមួយនឹងជ័យជម្នះជាប្រវត្តិសាស្រ្តថ្ងៃទី ០៧ ខែ មករា ឆ្នាំ ១៩៧៩​ ប្រជាជន ​កម្ពុជា បានបិទទំព័រប្រវត្តិសាស្រ្ដដ៏ខ្មៅងងឹតបំផុត អនុវត្តការរស់រានឡើងវិញនៃប្រជាជាតិនិងបើក​ទំព័រ​នៃយុគសម័យឯករាជ្យភាព សន្តិភាព សេរីភាពនិងអភិវឌ្ឍន៍សម្រាប់ប្រទេស កម្ពុជា ទន្ទឹមនឹងនោះ បានបង្កលក្ខណៈ​ងាយ​ស្រួលដល់ទំនាក់ទំនងមិត្តភាពនិងសហប្រតិបត្តិការ វៀតណាម-កម្ពុជា អោយរីកចម្រើន​ឡើង​ដំណាក់​កាលថ្មីមួយប្រកបដោយសម្ពន្ធមេត្រីភាព មានទំនុកទុកចិត្តគ្នាទៅវិញទៅមក។
 

ក្រោយកិច្ចព្រមព្រៀងសន្តិភាពទីក្រុង ប៉ារី (ឆ្នាំ ១៩៩១) និងការបោះឆ្នោតសកលជ្រើសរើសតំណាងរាស្រ្តនីតិកាលទី ១ នៅប្រទេសកម្ពុជា (ឆ្នាំ ១៩៩៣)  ទំនាក់ទំនងរវាងប្រទេសទាំងពីរមានការរីកចម្រើនយ៉ាងខ្លាំង​ បង្កើតជាគំនូស​សំគាល់​ឆ្លង​តាម​រយៈការផ្លាស់ប្ដូរដំណើរទស្សនកិច្ចរបស់ថ្នាក់ដឹកនាំជាន់ខ្ពស់នៃភាគីទាំងពីរ។ ចំពោះភាគី កម្ពុជា គឺមានដំណើរ​ទស្សន​កិច្ច​របស់​នាយក​រដ្ឋមន្រ្តីទីមួយ នរោត្តម រណឫទ្ធិ និងនាយករដ្ឋមន្រ្តីទីពីរ ហ៊ុនសែន (ខែ មករា ឆ្នាំ ១៩៩៥)។ ហើយដំណើរទស្សនកិច្ចរបស់នាយករដ្ឋមន្រ្តី ហ៊ុន សែន (ឆ្នាំ ១៩៩៨) ដែលជាដំណើរទស្សនកិច្ចត្រូវបានវាយតម្លៃថា​បាន​ធ្វើឲ្យ​ផ្លាស់ប្ដូរ​យ៉ាងស៊ី​ជម្រៅនូវមុខមាត់នៃទំនាក់ ទំនង វៀតណាម-កម្ពុជា ព្រោះវាជាចំណុចនៃព្រឹត្តិការណ៍បញ្ចប់សម័យកាលនៃតំណែងសហនាយករដ្ឋមន្រ្តីនៅ ប្រទេសជិតខាងមួយនេះ។

ការជ្រើសយក វៀតណាម សម្រាប់ដំណើរទស្សនកិច្ចដំបូងក្នុងឋានៈនាយករដ្ឋមន្រ្តីនៃរដ្ឋាភិបាលសម្ពន្ធភាពនីតិកាលទី ២  របស់នាយករដ្ឋមន្រ្តី ហ៊ុនសែន បានផ្ដល់នូវក្ដីសង្ឃឹមថ្មី ក្នុង​ទំនាក់ទំនងនៃប្រទេស ទាំងពីរ ព្រមទាំងក៏បានបញ្ជាក់ឡើងវិញនូវការផ្ដល់អាទិភាពចំពោះ វៀតណាម ក្នុង​គោលនយោបាយការទូតរបស់កម្ពុជា។ ក្នុងខណៈនោះ ក្នុងដំណើរទស្សនកិច្ច​ជាផ្លូវការទៅកាន់​ កម្ពុជា របស់​អគ្គលេខាបក្ស លេខាភៀវ (ឆ្នាំ ១៩៩៩) ថ្នាក់ដឹកនាំនៃប្រទេសទាំងពីរ វៀតណា​ម-កម្ពុជា បានពិភាក្សា​គ្នា​យ៉ាង​ស៊ី​ជម្រៅលើបញ្ហាទាំង ឡាយដែលភាគីទាំងពីរយកចិត្តទុកដាក់ដូចគ្នានិងឯកភាពជាឯកច្ឆន្ទលើទិសស្លោកអភិវឌ្ឍន៍ទំនាក់​ទំនង​លើ​គ្រប់​វិស័យ​​​ឡើងកម្រិតថ្មីមួយប្រកបដោយប្រសិទ្ធិភាព​​ជាក់ស្ដែង ដ៏ចាំបាច់។
 

ក្នុងប៉ុន្មានឆ្នាំកន្លងទៅ ដើម្បីពង្រឹងនិងពង្រីកទំនាក់ទំនងប្រទេសជិតខាងល្អ មិត្តភាពជាប្រពៃណី សហប្រតិ​បត្តិការលើគ្រប់វិស័យ និរន្តភាព យូរអង្វែង វៀតណាម និង កម្ពុជា បានរក្សាជាប្រចាំការផ្លាស់ប្ដូរដំណើរទស្សនកិច្ចទៅវិញទៅមករបស់ថ្នាក់ដឹកនាំជាន់ខ្ពស់នៃប្រទេសទាំងពីរ។ តួយ៉ាងដូចជាដំណើរទស្សនកិច្ចរបស់លោក​អគ្គ​លេខា​​បក្ស ង្វៀនភូត្រុង​ (ឆ្នាំ ២០១១) លោកនាយករដ្ឋមន្រ្តី ង្វៀនតឹនយុង​ (ឆ្នាំ ២០១២ និង ២០១៤) លោកប្រធានរដ្ឋ ង្វៀនមិញត្រៀត (ឆ្នាំ ២០១០) លោកប្រធានរដ្ឋ ទ្រឿងតឹនសាង (ឆ្នាំ ២០១៤) លោកប្រធានរដ្ឋ ត្រឹនដាយក្វាង​ (ឆ្នាំ ២០១៦) លោកនាយករដ្ឋមន្រ្តី ង្វៀន​ស៊ន់​ភុក (ឆ្នាំ ២០១៦) និងប្រធាន រដ្ឋសភា លោកស្រី ង្វៀនធីគីមង៉ឹន (ឆ្នាំ ២០១៦)។

ចំណែកភាគី កម្ពុជា វិញ រួមមានដំណើរយាងព្រះរាជទស្សនកិច្ចរបស់សម្ដេចព្រះវររាជបិតា នរោត្តម សីហនុ រួមជាមួយសម្ដេចព្រះវររាជជននី នរោត្តម​ មុនីនាថ សីហនុ និងព្រះមហាក្សត្រ នរោត្តម សីហមុនី (ឆ្នាំ ២០១០)​  ព្រះមហាក្សត្រ នរោត្តម សីហមុនី (ឆ្នាំ ២០១២ និង ២០១៥) ប្រធានគណបក្សប្រជាជន កម្ពុជា ប្រធាន ព្រឹទ្ធសភា ជាស៊ីម (ឆ្នាំ ២០០៨) ប្រធានរដ្ឋសភា ហេង សំរិន (ឆ្នាំ ២០១២, ២០១៥ និង ២០១៧) ប្រធានព្រឹទ្ធសភា សាយឈុំ (ឆ្នាំ ២០១៦) នាយករដ្ឋមន្រ្តីនៃរាជរដ្ឋាភិបាល សម្ដេចតេជោ ហ៊ុនសែន (ឆ្នាំ ២០១២, ២០១៣, ២០១៦ និង ២០១៧) និងទេសរដ្ឋមន្រ្តី រដ្ឋមន្ត្រីក្រសូងការបរទេសនិងសហប្រតិបត្តិការអន្តរជាតិ ប្រាក់ សុខុន (២០១៦)។ល។

ឆ្លងតាមរយៈដំណើរយាងនិងអញ្ជើញទស្សនកិច្ចទាំងនោះ ថ្នាក់ដឹកនាំជាន់ខ្ពស់នៃប្រទេសទាំងពីរបាន បញ្ជាក់ទៅលើការប្ដេជ្ញាចិត្តរួមគ្នាពូនជ្រំទំនាក់ទំនងសាមគ្គីភាព មិត្តភាពជាប្រពៃណី កិច្ចសហប្រតិបត្តិការល្អប្រសើររវាងប្រទេសទាំងពីរតាមស្មារតី "កម្ពុជានិងវៀតណាម គឺជាប្រទេសពីរដែលមិនអាចបំបែកពីគ្នា ទំនាក់ទំនងដ៏ថ្លៃថ្លារវាងប្រទេសទាំង​ពីរចាំបាច់ត្រូវតែពង្រីកក្នុងដំណាក់កាលកសាងនិងអភិវឌ្ឍន៍ប្រទេសជាតិ " ដូចព្រះបន្ទូលនៃព្រះមហាក្សត្រ នរោត្តម សីហមុនី ក្នុងជំនួបនិងជួបសវនាការជាមួយនឹងលោក​អគ្គ​លេខា​​បក្ស ង្វៀនភូត្រុង ក្នុងដំណើរការយាងបំពេញព្រះរាជទស្សនកិច្ចផ្លូវរដ្ឋនៅ វៀតណាម កាលពីថ្ងៃទី ២៦ ខែ កញ្ញា ឆ្នាំ ២០១២។
 

ព្រមជាមួយគ្នានឹងសកម្មភាពរបស់ថ្នាក់ដឹកនាំជាន់ខ្ពស់នៃប្រទេសទាំងពីរ ទំនាក់ទំនងរវាងប្រជាជន​និង ប្រជាជន​ វៀតណាម និង កម្ពុជា ក៏ត្រូវបានបង្កើនដែរ។ សកម្មភាពផ្ដោះប្ដូរប្រាស្រ័យ កិច្ចសហប្រតិបិត្តការ​រវាង​អង្គការ​​មិត្តភាពរបស់ប្រជាជននៃប្រទេសទាំងពីរក៏មានជំហានរីកចម្រើន។ លេចធ្លោគឺសកម្មភាពដ៏​សកម្មផ្សេងៗ​របស់​សមាគមមិត្តភាព វៀតណាម-កម្ពុជា និងសមាគមមិត្តភាព កម្ពុជា-វៀតណាម។

សកម្មភាពរបស់សមាគមមិត្តភាពនៃប្រទេសទាំងពីរបានរួមចំណែកបង្កើនការយល់ដឹងគ្នាទៅវិញទៅមករវាងប្រជាជននៃប្រទេសទាំងពីរនិងជួយជំរុញការផ្សារភ្ជាប់​រវាង​ប្រជាជាតិ​ទាំងពីរដែលនៅជិតខាងគ្នា។ ក្រៅពីនេះ នៅថ្នាក់មូលដ្ឋាន​របស់ប្រទេសទាំងពីរក៏បាន​ផ្សារភ្ជាប់ទំនាក់​ទំនង ជាពិសេសគឺបណ្ដាខេត្តដែលជាប់ព្រំដែន។ ហើយនាបច្ចុប្បន្ននេះ ប្រទេសទាំងពីរកំពុង​សហការណ៍​ដំណើរការរៀបចំ​សកម្មភាពជាក់ស្ដែងជាច្រើនដើម្បីស្វាគមន៍ "ឆ្នាំមិត្តភាពវៀតណាម-កម្ពុជា ២០១៧" និងរំលឹកអនុស្សាវរីយ៍ខួប ៥០ ឆ្នាំនៃថ្ងៃបង្កើតទំនាក់ទំនងការទូតរវាងប្រទេសទាំងពីរ។

យើងអាចសន្និដ្ឋានបានថា ការបង្កើតទំនាក់ទំនងការទូតក្នុងបរិបទប្រវត្តិសាស្រ្តដូចបានលើកឡើងខាងលើនេះ បានបង្ហាញនូវការគាំទ្រដោយមានអត្ថន័យដ៏ធំធេងរបស់ កម្ពុជា ចំពោះរដ្ឋនិងប្រជាជន វៀតណាម ក្នុងបុព្វហេតុរំដោះនិងបង្រួបបង្រួមទឹកដីក្រោមការដឹកនាំរបស់លោកប្រធាន ហូជីមិញ ព្រមទាំងក៏អះអាងបញ្ជាក់អំពីការគាំទ្រដ៏ស្មោះស្ម័គ្ររបស់ប្រជាជនវៀតណាម ចំពោះការប្រយុទ្ធ​ ការពារឯករាជ្យភាព អព្យាក្រឹតភាពនៃព្រះរាជាណាចក្រ កម្ពុជា ដែលដឹក​នាំដោយព្រះប្រមុខរដ្ឋ នរោត្តម សីហនុ ជាមូលដ្ឋានគ្រឹះសម្រាប់ប្រជាជាតិទាំងពីរ ប្រទេសជាតិទាំងពីរមានការបោះជំហានវិវត្តន៍ទៅមុខយ៉ាងវែងឆ្ងាយក្នុងទំនាក់ទំនងមិត្តភាពនិងកិច្ចសហប្រតិបត្តិការ តាំងពីវិស័យនយោបាយ​ - ការទូត ដល់វិស័យការពារជាតិ - សន្តិសុខ សេដ្ឋកិច្ច វប្បធម៌ អប់រំ ទំនាក់ទំនងរវាងប្រជាជននិងប្រជាជន។ល។៕

ត្រឹនវ៉ាន់ថុង
អត្ថបទទី ៣៖ ការបោះជំហានវិវត្តន៍ទៅមុខយ៉ាងវែងឆ្ងាយក្នុងទំនាក់ទំនងមិត្តភាពនិងសហប្រតិបត្តិការ
បកប្រែ កែសម្រួល ពិនិត្យផ្ទៀងផ្ទាត់និងបញ្ចូលអត្ថបទដោយ៖  សឺនថេជុង-ញូយ៉ាង-យ័ញឡើយ