ការប្រកួតបាល់ទាត់ពានរង្វាន់ប្រចាំតំបន់អាស៊ាន AFF U22 Championship 2019

ក្រុម U22 កម្ពុជារកបាន ៣ ពិន្ទុ ក្រោយយកឈ្នះ U22 ម៉ាឡេស៊ី ១-០

ក្រុម U22 កម្ពុជារកបាន ៣ ពិន្ទុ ក្រោយយកឈ្នះ U22 ម៉ាឡេស៊ី ១-០

ការប្រកួតដែលបានធ្វើឡើងនៅពហុកីឡដ្ឋានជាតិកម្ពុជា នារាត្រីថ្ងៃចន្ទ ទី ១៨ ខែ កុម្ភៈ ឆ្នាំ ២០១៩ នេះ ក្រុមទាំងពីរបានបញ្ចប់ទៅដោយលទ្ធផលស្មើគ្នា ០-០ ក្នុងវគ្គទី ១ មុនពេល ម៉ាឡេស៊ី បានបាត់ បង់សមាជិក ១ រូបនៅនាទីទី ៥៩ ពីការពិន័យកាតក្រហម និង ៣ នាទីបន្ទាប់ កម្ពុជា បាននាំមុខ ១ គ្រាប់ពីការស៊ុតបាល់ពិន័យ Free kick របស់កីឡាករ ស៊ើត រ៉ស៊ីប រហូតដល់ចប់ការប្រកួតពេញម៉ោង ៩០ នាទី។

ស៊ើត រ៉ស៊ីប (លេខ ៣) កីឡាករនៃក្រុមជម្រើសជាតិអាយុក្រោម ២២ ឆ្នាំ កម្ពុជា ស៊ុតបញ្ចូលទី ១ គ្រាប់ ជួយអោយក្រុម U22 កម្ពុជា យកឈ្នះក្រុម U22 ម៉ាឡេស៊ី ក្នុងលទ្ធផល ១-0។ រូបថត៖ freshnewsasia.com
ស៊ើត រ៉ស៊ីប (លេខ ៣) កីឡាករនៃក្រុមជម្រើសជាតិអាយុក្រោម ២២ ឆ្នាំ កម្ពុជា ស៊ុតបញ្ចូលទី ១ គ្រាប់ ជួយអោយក្រុម U22 កម្ពុជា យកឈ្នះក្រុម U22 ម៉ាឡេស៊ី ក្នុងលទ្ធផល ១-0។ រូបថត៖  freshnewsasia.com


៣ ពិន្ទុដំបូងនេះដែរបានជួយឲ្យ U22 កម្ពុជាឡើងទៅឈរនៅកំពូលតារាងនៃពូល B បណ្តោះអាសន្នផងដែរ ខណៈ U22 មីយ៉ាន់ម៉ា និង U22 ឥណ្ឌូនេស៊ី មាន ១ ពិន្ទុដូចគ្នា ក្រោយប្រកួតស្មើគ្នា ១-១ នារសៀលថ្ងៃចន្ទ ទី ១៨ ខែ កុម្ភៈ កន្លងទៅ។

ក្នុងការប្រកួតបើកឆាកពូល A និងព្រឹត្តិការណ៍បាល់ទាត់ពានរង្វាន់ប្រចាំតំបន់អាស៊ាន AFF U22 Championship 2019 នាម៉ោង ៣ និង ៣០ នាទីរសៀលថ្ងៃទី ១៧ ខែ កុម្ភៈ នៅពហុកីឡដ្ឋានជាតិកម្ពុជា ក្រុមជម្រើសជាតិអាយុក្រោម ២២ ឆ្នាំ វៀតណាម ក៏រកបាន ៣ ពិន្ទុ ឈរនៅកំពូលតារាងនៃពូល A ក្រោយពេលយកឈ្នះក្រុម U22 ហ្វ៊ីលីពីនក្នុងលទ្ធផល ២ ទល់ ១។ ​ក្នុងការប្រកួតនាម៉ោង ៦ និង ៣០ នាទីយប់ថ្ងៃដដែលនោះ ក្រុម U22 ថៃ ក៏យកឈ្នះក្រុម U22 ទីព័រខាងកើត ក្នងលទ្ធផល ១ ទល់ ០ ឈរលំដាប់ទី ២ ក្រោយក្រុមវៀតណាមក្នុងតារាងនៃពូល A។ 

សកម្មភាពកីឡាករនៃក្រុម U22 វៀតណាម កម្ដៅសាច់ដុំក្នុងការហ្វឹកហាត់នារសៀលថ្ងៃទី ១៨ មុនពេលប៉ះជាមួយទីម័រខាងកើតនាយប់ថ្ងៃនេះ។ រូបថត៖ ទីភ្នាក់ងារព័ត៌មានវៀតណាម
សកម្មភាពកីឡាករនៃក្រុម U22 វៀតណាម កម្ដៅសាច់ដុំក្នុងការហ្វឹកហាត់នារសៀលថ្ងៃទី ១៨ មុនពេលប៉ះជាមួយទីម័រខាងកើតនាយប់ថ្ងៃនេះ។ រូបថត៖ ទីភ្នាក់ងារព័ត៌មានវៀតណាម


នារសៀលនិងយប់ថ្ងៃអង្គារ ថ្ងែទី ១៩ ខែ កម្ភៈនេះ នៅពហុកីឡដ្ឋានជាតិកម្ពុជា ក្រុម U22 ថៃ នឹង ជួបក្រុម U22 ហ៊្វីលីពីន នា ម៉ោង ៣ និង ៣០ នាទី ហើយ U22 វៀតណាមប្រហែលជាអាចរក បាន ៣ ពិន្ទុបន្លែមទៀតក្នុងការប្រកួតជាមួយក្រុម U22 ទីម័រខាងកើតនាម៉ោង ៦ និង ៣០ នាទី។

ចំពោះក្រុមជម្រើសជាតិអាយុក្រោម ២២ ឆ្នាំកម្ពុជា ១ ប្រកួតបន្ទាប់ ត្រូវប៉ះ U22 មីយ៉ាន់ម៉ា នាម៉ោង ៦ និង ៣០ នាទីយប់ថ្ងៃទី ២០ ខែ កុម្ភៈ ឆ្នាំ ២០១៩ ក្រោយពេលក្រុមបាតតារាង U22 ម៉ាឡេស៊ី ជួប U22 ឥណ្ឌូនេស៊ី នាម៉ោង ៣ និង ៣០ នាទីនៅពហុកីឡដ្ឋានជាតិកម្ពុជាតែមួយគត់៕

ប្រភពព័ត៌មាន៖ ទីភ្នាក់ងារព័ត៌មានវៀតណាម - freshnewsasia.com

កាសែតរូបភាពជនជាតិនិងតំបន់ភ្នំ/ទីភ្នាក់ងារព័ត៌មានវៀតណាម

អ្នកប្រហែលជាចាប់អារម្មណ៍