នៅពេលអ្នកមានការហើមពោះ ការរំលាយអាហារដូចជា៖ គ្រុនក្តៅ រាគស្រួចស្រាវជាដើម អ្នកមិនចាំបាច់លេបថ្នាំទេ។ ផ្ទុយទៅវិញ ខ្ញីស្រស់អាចព្យាបាលការមិនរំលាយអាហារ ក្អួត ឈឺពោះដើម្បីជួយជំរុញដល់ការរំលាយអាហារ។ ខាងក្រោមនេះជាវិធីប្រើខ្ញីស្រស់ដើម្បីព្យាបាលការឈឺក្រពះយ៉ាងមាន ប្រសិទ្ធភាព៖
ខ្ញីស្រស់ជាមួយអំបិល
យកខ្ញីស្រស់មួយដុំលាងឱ្យស្អាត ចិតជាចំណិត ទំពារញ៉ាំជាមួយអំបិលបន្តិច។ ប្រហែល ១០ នាទីក្រោយ ញ៉ាំបន្តិចបន្ថែមទៀតប្រហែល ៤ ទៅ ៥ ចំណិត ក្បាលពោះរបស់អ្នកនឹងដំណើរការល្អវិញ។
ខ្ញីអាចជួយព្យាបាលការមិនរំលាយអាហារ ក្អួត ឈឺពោះបានយ៉ាងល្អប្រសើរចំណាំ៖ ដើម្បីធ្វើឱ្យខ្ញីងាយទទួលទាន អ្នកគួរប្រើខ្ញីខ្ចី។ បន្ទាប់ពីលាងជម្រះ សូមត្រាំវាក្នុងទឹកក្តៅ។ ទោះជាយ៉ាងណាក៏ដោយ វិធីសាស្ត្រនេះមិនគួរប្រើសម្រាប់ក្មេងតូចៗ ឡើយ។
ខ្ញីដុត
វិធីល្អបំផុតក្នុងការព្យាបាលគឺយកខ្ញីមួយដុំតូចប៉ុនមេដៃ ហើយដុតវាញ៉ាំត្រឹមតែកន្លះម៉ោង អ្នកនឹងមានអារម្មណ៍ប្រសើរឡើង។
ប្រសិនបើអ្នកមិនអាចញ៉ាំខ្ញីដុតបាន អ្នកអាចហាន់ខ្ញី រួចត្រាំក្នុងទឹកក្តៅឧណ្ហៗ ដើម្បីធ្វើតែខ្ញី។ ប្រសិនបើចង់ប្រើឱ្យឃើញប្រសិទ្ធភាពលឿនសុវត្ថិភាពបំផុតគឺការដុតខ្ញី រួចទទួលទាន។
ខ្ញីមានរសជាតិហឹរផ្តល់ភាពកក់ក្តៅដល់លំពែងនិងក្រពះ ហើយមានប្រសិទ្ធភាពក្នុងការសម្រួលដល់ការស្អកក ផ្តាសាយហៀរសំបោរ និងបន្សាបជាតិពុលផងដែរ។
មិនថាត្រជាក់ ឬក្តៅ អ្នកគួរតែប្រើខ្ញីស្រស់ពី ៣ ទៅ ៥ ចំណិត។ ជាពិសេស ការប្រើឫសខ្ញី ដើម្បីសម្រួលដល់ការរំលាយអាហារ បង្កើនភាពស៊ាំ បំបាត់ការឈឺចាប់។
ខ្ញីគឺជាឱសថដ៏មានប្រសិទ្ធភាពប្រឆាំងនឹងជំងឺផ្តាសាយនិងជំងឺគ្រុនផ្តា សាយជាមួយនឹងលក្ខណៈសម្បត្តិបង្កើនភាពស៊ាំរបស់វានិងសម្បូរទៅដោយ សារធាតុប្រឆាំងអុកស៊ីតកម្ម។
តែខ្ញី
យកឫសខ្ញីស្រស់លាងសម្អាត ចិញ្ច្រាំឱ្យម៉ត់។ ដាក់ខ្ញីចូលក្នុងទឹកដាំពុះ ២០០ មីលីលីត្រគ្របឱ្យជិតទុកប្រហែល ២ នាទី។ អ្នកជំងឺផឹកវាដោយផ្ទាល់នៅពេលក្តៅ ឬបន្ថែមស្ករនិងទឹកឃ្មុំបន្តិច ដើម្បីងាយស្រួលផឹក។
អ្នកមានអាការហើមពោះ និងមិនរំលាយអាហារគួរផឹកតែពីរពែងក្នុងមួយថ្ងៃ រហូតដល់ជំងឺនេះបាត់ទៅវិញ។ ការផឹកទឹកនេះ កំឡុងពេលនិងក្រោយអាហារនឹងជួយរំលាយអាហារបានល្អ។
កញ្ចប់ខ្ញីក្តៅ
ប្រើខ្ញីស្រស់ប្រហែល ៤០០ ក្រាម លាងឲ្យស្អាតបុកច្របាច់យកទឹកចេញ។ ដាក់ខ្ញីចូលក្នុងឆ្នាំង ដាំអោយក្តៅ រួចចាក់លើស្បៃស្អាតខ្ចប់អោយជិត។ រង់ចាំឱ្យវាត្រជាក់ចុះ បន្ទាប់មកលាបលើពោះ បង្វិលតាមទ្រនិចនាឡិកាលើពោះទាំង មូល។
បន្តដាំឆ្នាំងបន្ថែមទឹកខ្ញីបន្តិច រួចលាបម្តងទៀត។ មួយយប់ប្រហែល ៣០ នាទី វានឹងជួយព្យាបាលការហើមពោះ រំលាយអាហារ និងទទួលបានប្រសិទ្ធភាពលឿនបំផុត៕
ដកស្រង់និងកែសម្រួលពីរស្មីកម្ពុជាដោយ៖ សិរីសួស្តី