ខែ មីនា អញ្ជើញមកកាន់ទីក្រុងតំបន់ភ្នំនៅខេត្ត យ៉ាឡាយ

បៀនហូ (បឹងទឹកដ៏ធំល្វឹងល្វើយប្រៀបដូចសមុទ្រ) ជារមណីយដ្ឋានទេសចរណ៍ដ៏ល្បីឈ្មោះនៃទីក្រុង ព្លៃគូ (ខេត្ត យ៉ាឡាយ)

រំលឹកដល់ការធ្វើដំណើរទេសចរណ៍នៅតំបន់ តីង្វៀន នាអំឡុងថ្ងៃនៃខែ មីនា នោះ ភ្ញៀវទេសចរមិនអាចរំលងចោលខេត្ត យ៉ាឡាយ - ដែនដីមានរមណីយដ្ឋានជាច្រើននិងលក្ខណៈវប្បធម៌ដ៏វិសេសវិសាលរបស់បងប្អូនបណ្តាជនជាតិដូចជា៖ យ៉ារ៉ាយ បាណា... បានឡើយ។

អញ្ជើញមកកាន់ខេត្ត យ៉ាឡាយ នាខែ មីនា ភ្ញៀវទេសចរបានរុករកស្វែងយល់ដងព្រៃធំទូលាយ បឹងទឹកដ៏ធំល្វឹងល្វើយប្រៀបដូចសមុទ្រ ព្រៃកៅស៊ូ កាហ្វេ ម្រេចដ៏សម្បូរស្តុកស្តម្ភ ឬកូនភ្នំចម្ការតែខៀវស្រងាត់។

មានចម្ងាយពីទីកណ្ដាលខេត្ត យ៉ាឡាយ ប្រមាណ ៣០ គីឡូម៉ែត្រតាមទិសឦសាន ស្ថិតលើភូមិសាស្ត្រស្រុក ជឺប៉ាហ៍ ទេសភាពនៅតំបន់ភ្នំភ្លើង ជឺដាំងយ៉ា មានពណ៌សម្បុរខុសៗ គ្នាក្នុងរដូវនីមួយៗ

នោះក៏ជាកាលៈទេសៈ គួរអោយចងចាំនៅលើដងផ្លូវដីក្រហមបាហ្សាល់ពោរពេញទៅដោយកម្តៅថ្ងៃនិងខ្យល់ វិនាទីដែលជម្នះកំពូលភ្នំ ជឺដាំងយ៉ា ឬរំលឹករឿងអនុស្សាវរីយ៍កាលពីមុននៃដែនដី ព្លៃគូ ក្នុងសម័យកាលសង្គ្រាមច្រើនឆ្នាំច្រើនខែធ្លាក់ក្នុងភ្លើងផ្សែងនៃគ្រាប់បែកគ្រាប់រំសេវ។ល។

បៀនហូ (បឹងទឹកដ៏ធំល្វឹងល្វើយប្រៀបដូចសមុទ្រ) ជារមណីយដ្ឋានទេសចរណ៍ដ៏ល្បីឈ្មោះនៃទីក្រុង ព្លៃគូ (ខេត្ត យ៉ាឡាយ)

ទីក្រុងតំបន់ភ្នំនៅខេត្ត យ៉ាឡាយ នាខែ មីនា មិនត្រឹមតែមានទេសភាពដ៏ស្រស់ស្អាតប៉ុណ្ណោះទេ ថែមទាំងមានបរិយាកាសចម្រុះពណ៌នៃវប្បធម៌ជនជាតិទៀតផង។

វប្បធម៌គងឃ្មោះជាលក្ខណៈពិសេសដាច់ដោយឡែកមួយក្នុងចំណោមលក្ខណៈពិសេសដាច់ដោយឡែកផ្សេងៗ ជួយបង្កើតភាពទាក់ទាញនៃវិស័យទេសចរណ៍ខេត្ត យ៉ាឡាយ

ទំនៀមទម្លាប់ ពិធីបុណ្យ បេតិកភណ្ឌវប្បធម៌ដ៏មានតម្លៃទាំងឡាយដូចជា៖ គងឃ្មោះ ចង្វាក់រាំប្រពៃណី សំឡេងចាប៉ី ទ្រឹង ចាប៉ី ហ្កង... ត្រូវបានបងប្អូនជនជាតិនៅទីនេះថែរក្សានិងសម្តែងនៅឯភូមិនិគមទាំងឡាយ។ លក្ខណៈពិសេសដាច់ដោយឡែកទាំងនេះបានបង្កើតភាពទាក់ទាញភ្ញៀវទេសចរដែលកម្រមានទីកន្លែងណាមានឡើយ៕

អត្ថបទ៖ ង្វៀន ហ្វាង រូបថត៖ ថាញ់ដាត
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ មីនា ឆ្នាំ ២០២២ ដោយ៖ សិរីសួស្តី