ដ៏ខ្ញៀវខ្ញាអ៊ូអរទិវាមហោស្រពវប្បធម៌ កីឡានិងទេសចរណ៍បងប្អូនជនជាតិ ខ្មែរ ណាមបូ

"ការអភិរក្ស ពង្រីកអត្តសញ្ញាណវប្បធម៌បងប្អូនជនជាតិ ខ្មែរ ណាមបូ (ភូមិភាគខាងត្បូង) ប្រកបដោយសមភាព សាមគ្គីភាព ការគោរព សមាហរណកម្មនិងការអភិវឌ្ឍ" គឺជាប្រធានបទចម្បងនៃទិវាមហោស្រពវប្បធម៌ កីឡានិងទេសចរណ៍បងប្អូនជនជាតិ ខ្មែរ ណាមបូ ប្រព្រឹត្តឡើងចាប់ពីថ្ងៃទី ៦ ដល់ ថ្ងៃទី ៨ ខែ វិច្ឆិកា ឆ្នាំ ២០២២ នៅខេត្ត សុកត្រាំង។

នេះជាព្រឹត្តិការណ៍វប្បធម៌ទ្រង់ទ្រាយធំរៀបចំឡើងដោយក្រសួងវប្បធម៌ កីឡានិងទេសចរណ៍សហការជាមួយក្រសួង ផ្នែកមជ្ឈិមនិងគណៈកម្មាធិការប្រជាជនខេត្ត ក្រុងទាំងឡាយដែលមានបងប្អូនជនជាតិ ខ្មែរ រស់នៅច្រើនកុះករ ក្នុងគោលបំណងលើកតម្កើង ថែរក្សានិងពង្រីកអត្តសញ្ញាណវប្បធម៌ ខ្មែរ ណាមបូ រួមចំណែកគិតគូរដល់ជីវភាពរស់នៅខាងស្មារតីប្រជាជនក៏ដូចជាឧទ្ទេសនាម ឃោសនាផ្សព្វផ្សាយតម្លៃវប្បធម៌ប្រពៃណីជនជាតិ ខ្មែរ នៅ ណាមបូ ដល់ភ្ញៀវទេសចរក្នុងស្រុកនិងអន្តរជាតិយ៉ាងច្រើនកុះករ អភិវឌ្ឍវិស័យទេសចរណ៍បន្ទាប់ពីរងឥទ្ធិពលពីការរីករាលដាលនៃជំងឺកូវីដ-១៩ អស់រយៈពេលដ៏វែង។

ទន្ទឹមនឹងនោះ ទិវាមហោស្រពក៏ចូលរួមចំណែកអប់រំប្រពៃណីស្នេហាជាតិ ពង្រឹងធ្លុងមហាសាមគ្គីប្រជាជាតិទាំងមូល លើកតម្កើង ឧទ្ទេសនាមតម្លៃវប្បធម៌របស់បងប្អូនជនជាតិ ខ្មែរ បង្ហាញអោយឃើញពីការយកចិត្តទុកដាក់របស់បក្ស រដ្ឋចំពោះការថែរក្សា លើកតម្កើងនិងពង្រីកអត្តសញ្ញាណវប្បធម៌ប្រពៃណីរបស់បងប្អូនជនជាតិ ខ្មែរ ក្នុងនិន្នាការសមាហរណកម្មរបស់ប្រទេសជាតិ រួមចំណែកដ៏ចាំបាច់ចូលទៅក្នុងបុព្វហេតុកសាងនិងអភិវឌ្ឍខឿនវប្បធម៌ វៀតណាម ជឿនលឿន ពោរពេញទៅដោយអត្តសញ្ញាណប្រជាជាតិ ។ល។

ទិវាមហោស្រពទាក់ទាញការចូលរួមរបស់សិប្បករ សិល្បករសិល្បការិនី តារាសម្ដែង កីឡាករកីឡាការិនីមហាជនជាជនជាតិ ខ្មែរ អញ្ជើញមកពី ខេត្ត ក្រុងចំនួន ១២ នៅតំបន់ ណាមបូ ដោយមានសកម្មភាពដាក់តាំងបង្ហាញ ឧទ្ទេសនាម ឃោសនាផ្សព្វផ្សាយផ្សេងៗ អំពីវប្បធម៌ ខ្មែរ ណាមបូ ក្នុងការបង្រួបបង្រួមនៃខឿនវប្បធម៌ វៀតណាម សមិទ្ធិផលក្នុងផលិតកម្ម កសាង ការពារមាតុភូមិ ការអភិវឌ្ឍសេដ្ឋកិច្ច - សង្គម សន្តិសុខការពារជាតិនិងកសាងជីវភាពវប្បធម៌សហគមន៍ ផលិតផលទេសចរណ៍ គោលដៅគំរូតួយ៉ាងនៃមូលដ្ឋាន ។ល។

ខាងក្រោមនេះជារូបភាពមួយចំនួនថតដោយអ្នកយកព័ត៌មានកាសែតរូបភាពជនជាតិនិងតំបន់ភ្នំនៅក្នុងថ្ងៃបើកទិវាមហោស្រព៖

អត្ថបទនិងរូបថត៖ អានហៀវ
ប្រែសម្រួលដោយ ៖ យ័ញលើយ