ទីក្រុង ហូ ជីមិញ អភិវឌ្ឍលំនៅឋានសម្រាប់អ្នកមានចំណូលទាប

ក្នុងឆ្នាំ ២០២២ ទីក្រុង ហូ ជីមិញ លើកគោលដៅអភិវឌ្ឍថ្មីផ្ទៃកម្រាលជាង ៦,៦ លានមែត្រការ៉េ ក្នុងចំណោមនោះ មានផ្ទៃកម្រាលលំនៅឋានពាណិជ្ជកម្មជាង ១,៨ លានមែត្រការ៉េ ផ្ទៃកម្រាលលំនៅឋានសង្គមជិត ០,៥ លានមែត្រកា

ទីក្រុង ហូ ជីមិញ ជាកន្លែងប្រមូលផ្តុំកម្មករពលករយ៉ាងច្រើនកុះករ មានដង់ស៊ីតេប្រជាជនខ្ពស់ជាងគេបំផុតក្នុងទូទាំងប្រទេស។ ដូច្នេះហើយ តម្រូវការអំពីលំនៅឋាន ជាពិសេសគឺលំនៅឋានសម្រាប់អ្នកមានចំណូលទាបតែងតែទទួលបានការយកចិត្តទុកដាក់ពីសំណាក់អាជ្ញាធរគ្រប់លំដាប់ថ្នាក់។

យោងតាមសេចក្តីសម្រេចចិត្តនៃមហាសន្និបាតលើកទី ១១ នៃបក្ខភាគទីក្រុង ហូ ជីមិញ អាណត្តិ ២០២០ - ២០២៥ ក្នុងដំណាក់កាល ២០២១ - ២០២៥ ផ្ទៃក្រឡាលំនៅឋានសាងសង់ថ្មីសរុបនៃទីក្រុងនឹងសម្រេចចំនួន ៥០ លានម៉ែត្រការ៉េ ហើយដល់ដំណាច់ឆ្នាំ ២០២៥ ផ្ទៃក្រឡាលំនៅឋានជាមធ្យមសម្រេចចំនួន ២៣,៥ ម៉ែត្រការ៉េក្នុងមនុស្សម្នាក់។

តាមការរំពឹងទុកដល់ឆ្នាំ ២០៣០ ផ្ទៃក្រឡាលំនៅឋានសរុបនឹងសម្រេចចំនួន ២៩៥ លានម៉ែត្រការ៉េ ផ្ទៃក្រឡាលំនៅឋានជាមធ្យមគឺចំនួន ២៦,៥ ម៉ែត្រការ៉េក្នុងមនុស្សម្នាក់។ អាស្រ័យដោយបានរៀបចំដាក់ដំណើរការសកម្មកម្មវិធីលំនៅឋានសម្រាប់ពលករមានប្រាក់ចំណូលទាបយ៉ាងសកម្មនោះ គិតដល់ដំណាច់ឆ្នាំ ២០២១ ទីក្រុង ហូ ជីមិញ បានពង្រីកផ្ទៃក្រឡាលំនៅឋានចំនួន ៤,៤ លានម៉ែត្រការ៉េ បន្ថែមបង្កើនផ្ទៃក្រឡាលំនៅឋានសរុបនៅលើភូមិសាស្ត្រឡើង ១៩៥,១៤ លានម៉ែត្រការ៉េ។

ឆ្នាំ ២០២២ ទីក្រុង ហូ ជីមិញ បន្តផ្តោតការយកចិត្តទុកដាក់ទៅលើការដោះស្រាយភាពលំបាកលំបិននៅឯគម្រោងចំនួន ១៨ ដែលអាចដាក់ដំណើរការបានរួមមាន៖ គម្រោងអគារសហកម្មសិទ្ធចាស់ចំនួន ៦ គម្រោងអគារស្នាក់នៅសម្រាប់កម្មករចំនួន ២ គម្រោងលំនៅឋានសង្គមទោលចំនួន ៤ និងគម្រោងលំនៅឋានសង្គមចំនួន ៦ ស្ថិតក្នុង ២០ ភាគរយនៃផ្ទៃដីសម្រាប់គម្រោងលំនៅឋានពាណិជ្ជកម្ម។

ក៏យោងតាមគណៈកម្មាធិការប្រជាជនទីក្រុង ហូ ជីមិញ ទីក្រុងកំពុងមានផែនការអភិវឌ្ឍលំនៅឋានតម្លៃថោកចំនួនមួយលានយូនីតសម្រាប់អ្នកមានប្រាក់ចំណូលទាបនាពេលខាងមុខនេះ៕

អត្ថបទ៖ ធូហឿង  រូបថត៖ ឡេ អៀនថាញ់
 បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ ឧសភា ឆ្នាំ ២០២២ ដោយ៖  អៀងថាន់