ទំនប់ច្រាំងអេកូឡូស៊ី - ដំណោះស្រាយទប់ស្កាត់ការបាក់ដី

តាំងពីដើមឆ្នាំ ២០១៩ មកទល់បច្ចុប្បន្ននេះ ទូទាំងខេត្តបានកើតឡើងករណីបាក់ស្រុតដីជាង ៤៥ ចំណុច ធ្វើអោយបាត់បង់ដីច្រាំងទន្លេជាង ៥.៦៤០ ម៉ែត្រក្រឡា តាមការប៉ាន់ប្រមាណការខាតបង់ឡើងដល់រាប់ពាន់លានដុង។

 

ដំណោះស្រាយទំនប់ច្រាំងអេកូឡូស៊ីត្រូវបានអនុវត្តនៅដើមរដូវប្រាំង (អំឡុងខែ កុម្ភៈ ជារៀងរាល់ឆ្នាំ)។ នៅត្រង់ចំណុចបាក់ស្រុតដី គេពង្រឹងច្រាំងដោយបុកសសរស្មាច់ឬឫស្សី ១ ជួរដែលសុទ្ធតែជាគ្រឿងសម្ភារៈក្នុងស្រុក ក្រណាត់បច្ចេកទេសសំណាញ់សរសៃប្លាស្ទីកគម្លាតពីច្រាំងប្រឡាយគឺពី ២ ដល់ ៣ ម៉ែត្រដើម្បី រក្សាដីល្បាប់ រារាំងរលកកប៉ាល់ ការពារកូនឈើរុក្ខ ជាតិពេលនៅតូច។ 

កន្លែងបាក់ស្រុតដីដែលបានពង្រឹងប៉ះប៉ូវត្រូវបានពូនបំពេញដោយដីជីកបារយកពីបាតប្រឡាយឡើង បន្ទាប់នោះ ដាំដើមស្មាច់នៅពីលើដីដែលទើបពូនលើករួច ដើមស្មាច់មានតួនាទីទប់រលកមិនអោយបោកចូលច្រាំង ហើយបង្កប្រភព ចំណូលអោយប្រជាជនក្រោយរយៈពេលពី ៣ ទៅ ៤ ឆ្នាំផងដែរ … ។

លោក ទ្រឿងកាញ់ទ្វៀន អនុប្រធានគណៈកម្មាធិការប្រជាជនខេត្តវាយតម្លៃថា៖ ស្ថានភាពបំណាក់ដីមានភាពស្មុគស្មាញ ដំណោះស្រាយទំនប់ច្រាំងអេកូឡូស៊ីរបស់សាខា នាយកដ្ឋានធារាសាស្រ្តស្នើឡើងនោះវាសមស្របនឹងលទ្ធភាពថវិការបស់មូលដ្ឋាននិងប្រជាជន។ ខេត្ត ហូវយ៉ាង នឹងមានការវាយតម្លៃដើម្បីដកបទពិសោធនិង ពង្រីកទូលំទូលាយដំណោះស្រាយនេះលើភូមិសាស្ត្រនៃទូទាំងខេត្ត៕

អត្ថបទនិងរូបថត៖ ហុងថាយ