បច្ចុប្បន្នសុ្រកកោះ ទ្រឿងសា (ខេត្ត ខាញ់ហ្វា) មានទីចំណតនាវាជៀសព្យុះចំនួន ៤ នៅតាមកោះ សុងទឺតី ដាតី ទ្រឿងសា និង ស៊ិញតូន។ ទីចំណតនាវាជៀសព្យុះនីមួយៗ អាចផ្ទុកនាវាមានសមត្ថភាពផលិតធំរាប់រយគ្រឿងមកចូលសំចតឈប់សម្រាក ជៀសព្យុះ។
ទន្ទឹមនឹងនោះ ទីចំណតនាវាជៀសព្យុះទាំងអស់នោះសុទ្ធតែមានមជ្ឈមណ្ឌលសេវាកម្មព័ស្តុភាររបរនេសាទត្រី ក្នុងគោលបំណងជួយឧបត្ថម្ភប្រជានេសាទអំពីការជួសជុលនាវាកប៉ាល់ ផ្គត់ផ្គង់ទឹកសាប ប្រេងឥន្ធនៈជាដើម។
កប៉ាល់នាវាមកសំចតនៅទីសំចតជៀសព្យុះនៅកោះ ទ្រឿងសា
ការណែនាំកប៉ាល់នាវាចូលទីសំចតជៀសព្យុះនៅកោះ ស៊ិញតូនលោក ធៀវ ញ៉ឹតហៀន ស្រុកកំណើតនៅ កាណា ស្រុក ធន់ណាម (ខេត្ត និញធន់) បច្ចុប្បន្នជានាយនាវិកកប៉ាល់ NT 91173 TS ជំនាញខាងនេសាទនៅដែននេសាទ ទ្រឿងសា បានឲ្យដឹងថា ប្រជានេសាទសព្វថ្ងៃនេះចេញទៅដែននេសាទ ទ្រឿងសា នេសាទមិនបាច់បារម្ភច្រើនទេពីព្រោះមានទីចំណតនាវាជៀសព្យុះហើយ។ នៅទីនេះ ពេលជួបខ្យល់ព្យុះ ប្រជានេសាទមានទីជម្រកជៀសព្យុះ នាវាខូចត្រូវបានជួសជុលដោយឥតគិតថ្លៃឡើយ ការចាក់ប្រេងឥន្ធនៈដោយតម្លៃស្មើនឹងដីគោកទៀតផង។ល។
ទីសំចតជៀសព្យុះនៅកោះ សុងទឺតី
មជ្ឈមណ្ឌលសេវាកម្មព័ស្តុភាររបរនេសាទត្រី បច្ចេកទេសបម្រើប្រជានេសាទនៅលើកោះវរសេនីយ៍ត្រី ង្វៀន កុងជិញ ស្នងការនយោបាយកោះ ទ្រឿងសា ឲ្យដឹងថា ហេដ្ឋារចនាសម្ព័ន្ធត្រូវបានវិនិយោគដោយសង្គតិភាពដូចជាទីសំចតជៀសព្យុះ មជ្ឈមណ្ឌលសេវាកម្មព័ស្តុភារ បច្ចេកទេស មណ្ឌលព្យាបាលសុខភាពរួមជាមួយនឹងការអស់ពីចិត្តពីថ្លើមរបស់កម្មាភិបាល យុទ្ធជននៅលើកោះនឹងជួយឧបត្ថម្ភដ៏សកម្មចំពោះការជួសជុលនាវាកប៉ាល់ ផ្គត់ផ្គង់គ្រឿងសម្ភារៈប្រើប្រាស់ចាំបាច់ប្រចាំថ្ងៃ ប្រេងឥន្ធនៈក៏ដូចជាសកម្មភាពជួយសង្គ្រោះនៅសមុទ្រ... រួមចំណែកដល់ការអនុវត្តកម្មវិធីកងទ័ពជើងទឹកប្រជាជន វៀតណាម ជាទីពំនឹងជាបង្អែកសម្រាប់ប្រជានេសាទចេញទៅកាន់លំហសមុទ្រប្រកបដោយប្រសិទ្ធភាព៕
អត្ថបទនិងរូបថត៖ គ្វឹនត្រាង
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ វិច្ឆិកា ឆ្នាំ ២០២២ ដោយ៖ ចន្ថា