នៅថ្ងៃទី ២៤ ខែ តុលា ឆ្នាំ ២០២២ នៅកេរដំណែលជាតិពិសេសនៃប្រាសាទ ប៉ូក្លងហ្គារ៉ាយ នៅទីក្រុង ផានរ៉ាង - ថាបចាម (ខេត្ត និញធន់) បងប្អូនជនជាតិ ចាម កាន់ព្រហ្មញ្ញសាសនាបានប្រារព្ធពិធីបុណ្យ កាតេ ឆ្នាំ ២០២២។
ក្នុងលំហរនៃប្រាសាទបុរាណ អ្នកមុខអ្នកការសមណ ស័ក្តិព្រហ្មញ្ញសាសនា ចាម សំដែងការដឹងគុណ រំលឹកនឹកដល់ព្រះអាទិទេព បុព្វការីជន បានប្រទាន ភ្លៀងខ្យល់អំណោយផល រដូវកាលលូតសាស់ល្អគ្រប់ក្រុមគ្រួសារទទួលបាន សម្បូរសប្បាយ អរគុណបក្ស រដ្ឋ បានយកចិត្តទុកដាក់គិតគូរជីវភាពរស់នៅ បងប្អូនជនជាតិពីមួយថ្ងៃទៅមួយថ្ងៃកាន់តែធូរធារ មុខមាត់ភូមិ ចាម ផ្លាស់ផ្តូរពីមួយថ្ងៃទៅមួយថ្ងៃ។
ប្រជាជននិងភ្ញៀវទេសចរយ៉ាងច្រើនកុះករអញ្ជើញមកកាន់កេរដំណែលជាតិពិសេសនៃប្រាសាទ ប៉ូក្លងហ្គារ៉ាយ នៅទីក្រុង ផានរាង - ថាបចាម (ខេត្ត និញធន់) កម្សាន្តសប្បាយទាំងអស់គ្នា ស្វែងយល់អំពីវប្បធម៌ប្រពៃណីរបស់បងប្អូនជនជាតិ ចាមដោយមានអត្ថន័យនៃវប្បធម៌ - ប្រវត្តិសាស្ត្រសំខាន់ ឆ្នាំ ២០១៧ "ពិធីបុណ្យ កាតេ របស់ជនជាតិ ចាម ខេត្ត និញធន់" ត្រូវបានទទួលស្គាល់ជាបេតិកភណ្ឌ វប្បធម៌អរូបីថ្នាក់ជាតិ។
យុវតីជនជាតិ ចាម ក្នុងឈុតសម្លៀកបំពាក់ប្រពៃណីសម្ដែងសិល្បៈអំណរពិធីបុណ្យ
បងប្អូនជនជាតិ ចាម កាន់ព្រហ្មញ្ញសាសនារៀបចំដង្វាយថ្វាយព្រះអាទិទេពពិធីបុណ្យ កាតេ មិនត្រឹមតែបំពេញតម្រូវការខាងជំនឿ ព្រលឹងវិញ្ញាណ មនោសញ្ចេតនារបស់បងប្អូនជនជាតិ ចាម ប៉ុណ្ណោះទេ ថែមទាំង រួមចំណែកផ្សព្វផ្សាយពីវប្បធម៌ រូបភាពរបស់ខេត្ត និញធន់ ដល់ភ្ញៀវទេសចរ ក្នុងនិងក្រៅប្រទេសផងដែរ៕
អត្ថបទនិងរូបថត៖ ង្វៀន ថាញ់
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ វិច្ឆិកា ឆ្នាំ ២០២២ ដោយ៖ សឺន ហេង