បុណ្យចូលឆ្នាំថ្មី “ពិសេស” ចំពេលមានការរីករាលដាលនៃកូវីដ - ១៩

បុណ្យចូលឆ្នាំថ្មី “ពិសេស” ចំពេលមានការរីករាលដាលនៃកូវីដ - ១៩

អនុវត្តសារាចរលេខ ១៦/CT-TTg ចុះថ្ងៃទី ៣១ ខែ មីនា ឆ្នាំ ២០២០ របស់នាយករដ្ឋមន្ត្រីនៃរដ្ឋាភិបាលនិងគោលការណ៍របស់បណ្ដាមូលដ្ឋានស្តីអំពីការអនុវត្តបណ្តាវិធានការបន្ទាន់បង្ការ ប្រយុទ្ធប្រឆាំងនឹងការរីករាលដាលនៃជំងឺកូវីដ - ១៩ នៅកំឡុងពេលមុន ក្នុងនិងក្រោយបុណ្យចូលឆ្នាំថ្មីប្រពៃណី សមាគមព្រះសង្ឃសាមគ្គីស្នេហាជាតិ គណៈកម្មការវត្តនិងព្រះចៅអធិការវត្ត ខ្មែរ កាន់ពុទ្ធសាសនាទក្ខិណនិកាយនានានៅតំបន់ ណាមបូ បានផ្សព្វផ្សាយ ចលនាបងប្អូនជនជាតិ ខ្មែរ រៀបចំបណ្ដាសកម្មភាពទទួលស្វាគមន៍ឆ្នាំថ្មីប្រពៃណីដោយទ្រង់ទ្រាយសមល្មម ជាសំខាន់គឺក្នុងចំណោមគ្រួសារ មិនចាត់តាំងពិធីជប់លៀង កាត់បន្ថយរាល់សកម្មភាពប្រមូលផ្ដុំជួបជុំគ្នាកុះករ។ ក្នុងអំឡុងថ្ងៃបុណ្យចូលឆ្នាំថ្មីប្រពៃណីដែលបានប្រព្រឹត្តឡើងចាប់ពីថ្ងៃទី ១៣ - ១៦ ខែ មេសា ឆ្នាំ ២០២០ កន្លងទៅថ្មីៗ បណ្តាវត្ត ខ្មែរ កាន់ពុទ្ធសាសនាទក្ខិណនិកាយ មិនបានប្រារព្ធ ឬក៏ប្រារព្ធដោយសង្ខេបបំផុតបណ្ដាពិធីកិច្ចសំខាន់ៗ នៃពិធីបុណ្យដូចជា៖ ពិធីស្រង់ទឹកព្រះ ដង្ហែមហាសង្ក្រាន្ត ពូនភ្នំខ្សាច់ បង្សកូល…។
បណយចលឆនាថម “ពសេស” ចពេលមានការរករាលដាលនៃកវដ - ១៩ hinh anh 1
វត្ត បុប្ផារាម (ឃុំ ហ៊ឹងហូយ ស្រុក វិញលើយ ខេត្ត បាកលៀវ) មិនតុបតែងលម្អទទួលស្វាគមន៍បុណ្យចូលឆ្នាំថ្មីដូចរាល់ឆ្នាំឡើយ មិនមានវត្តមានពុទ្ធបរិស័ទណាឡើយក្នុងឱកាសបុណ្យចូលឆ្នាំថ្មីប្រពៃណីឆ្នាំ ២០២០។ រូបថត៖ ថាញ់លៀម
 
បណយចលឆនាថម “ពសេស” ចពេលមានការរករាលដាលនៃកវដ - ១៩ hinh anh 2
នៅទូទាំងតំបន់ ណាមបូ បច្ចុប្បន្នមានវត្តខ្មែរកាន់ពុទ្ធសាសនាទក្ខិណនិកាយជិត ៤៦០  ជាមជ្ឈមណ្ឌល វប្បធម៌ អប់រំ ជាទីកន្លែងប្រព្រឹត្តឡើងនូវសកម្មភាពសាសនា វប្បធម៌ប្រពៃណីរបស់បងប្អូនជនជាតិខ្មែរជាង ១,៣ លាននាក់ តែងប្រមូលផ្តុំគ្នាយ៉ាងច្រើនកុះករជាប្រចាំក្នុងឱកាសបុណ្យទាន បុណ្យចូលឆ្នាំថ្មី។ ក្នុងរូបថត៖ ខុសប្លែកពីរាល់ឆ្នាំ បរិវេណវត្ត ឃោសិតារាម (ឃុំ ហ៊ឹងហូយ ស្រុក វិញលើយ ខេត្ត បាកលៀវ) ស្ងប់ស្ងាត់ មិនគគ្រឹកគគ្រេង តែល្អប្រពៃក្នុងឱកាសបុណ្យចូលឆ្នាំប្រពៃណីឆ្នាំថ្មី ២០២០ ។ រូបថត៖ ថាញ់លៀម

បណយចលឆនាថម “ពសេស” ចពេលមានការរករាលដាលនៃកវដ - ១៩ hinh anh 3
ក្រុមត្រួតពិនិត្យសីតុណ្ហភាពរាងកាយនៅវត្ត បុប្ផារាម (ឃុំ ហ៊ឹងហូយ ស្រុក វិញលើយ ខេត្ត បាកលៀវ) វាស់កម្តៅខ្លួនជូនប្រជាជនដែលអញ្ជើញមកកាន់វត្ត។ រូបថត៖ ថាញ់លៀម

បណយចលឆនាថម “ពសេស” ចពេលមានការរករាលដាលនៃកវដ - ១៩ hinh anh 4
ព្រះចៅអធិការវត្ត ដៃតាសួស (ឃុំ ភូមី ស្រុក មីទូ ខេត្ត សុកត្រាំង) ផ្សព្វផ្សាយការងារបង្ការនិងប្រយុទ្ធប្រឆាំងនឹងការរីករាលដាលនៃជំងឺកូវីដ - ១៩ ក្នុងឱកាសបុណ្យចូលឆ្នាំថ្មីឆ្នាំ ២០២០ ។ រូបថត៖ ចិន្តា
 
បណយចលឆនាថម “ពសេស” ចពេលមានការរករាលដាលនៃកវដ - ១៩ hinh anh 5
មាមីងបងប្អូនពុទ្ធបរិស័ទនៅវត្ត បុប្ផារាម (បាកលៀវ) បានអញ្ជើញមកប្រគេនទេយ្យទានចំពោះព្រះសង្ឃក្នុងថ្ងៃបញ្ចប់នៃពិធីបុណ្យចូលឆ្នាំថ្មី (ថ្ងៃទី ១៦ មេសា ឆ្នាំ ២០២០) ដោយមានពាក់ម៉ាស អង្គុយឃ្លាតឆ្ងាយពីគ្នា ធានាគម្លាតសុវត្ថិភាព ។ រូបថត៖ថាញ់លៀម

បណយចលឆនាថម “ពសេស” ចពេលមានការរករាលដាលនៃកវដ - ១៩ hinh anh 6
បុណ្យ ចូលឆ្នាំថ្មីឆ្នាំនេះ បងប្អូនជនជាតិ ខ្មែរ និមន្តព្រះសង្ឃមកកាន់ផ្ទះសូត្រធម៌បង្សកូលឧទ្ទិសជូនដល់បុព្វការីជននិងជីដូនជីតាដែលបានចែកឋាន ជាជាងការទៅវត្តពូនភ្នំខ្សាច់និងបង្សកូលឧទ្ទិសមគ្គផលជូនជីដូនជីតាដូចរាល់ឆ្នាំ  ។ រូបថត៖ថាញ់លៀម

យោងតាមការកត់សម្គាល់ ពិធីបុណ្យចូលឆ្នាំថ្មីប្រពៃណីឆ្នាំ ២០២០ របស់បងប្អូនជនជាតិ ខ្មែរ នៅ ណាមបូ បានប្រព្រឹត្តិឡើងក្នុងបរិយាកាសពិសេស ក្នុងភាពសង្រួមស្មឹងស្មាធិ៍ ខុសពីរាល់ឆ្នាំដូចសេចក្ដីផ្ដាំផ្ញើក្នុងលិខិតជូនពរឆ្នាំថ្មីរបស់លោកនាយករដ្ឋមន្រ្តី ង្វៀនស៊ន់ភុក៖ “ពិធីបុណ្យចូលឆ្នាំថ្មីប្រពៃណីឆ្នាំនេះក៏នឹងពោរពេញដោយអត្ថន័យនិងជឿជាក់ទៅលើសំណាងល្អ ប្រការដ៏ល្អប្រពៃ ប៉ុន្តែនឹងមានភាពសង្រួមស្មឹងស្មាធិ៍ជាងជាមួយនឹងការដែលបងប្អូនរួមជាតិ សមមិត្តទាំងឡាយ ព្រះសង្ឃគ្រប់ព្រះអង្គ រួមគ្នាអនុវត្តថិធានការក្សាគម្លាតសុវត្ថិភាពពីសង្គម”៕
បឹងបួ - បាសាក់

សំណើ

មហាសន្និបាតតំណាងបណ្តាជនជាតិភាគតិចទូទាំងប្រទេសលើកទី ២ នឹងប្រារព្ធឡើងនាដើមខែធ្នូខាងមុខនេះ
លោក ដូវ៉ាន់ជៀន រដ្ឋមន្ត្រី ទទួលបន្ទុកប្រធានគណៈកម្មាធិការជនជាតិ អញ្ជើញចូលរួម កម្មវិធី​មហាសាមគ្គី​ប្រជាជាតិ​នៅខេត្ត ហ្វាប៊ិញ
ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោក ត្រឹនថាញ់ម៉ឹន អញ្ជើញចូលរួមកម្មវិធីមហាសាមគ្គីប្រជាជាតិទាំងមូលនៅខេត្ត ទ្វៀនក្វាង
ខេត្ត កៀនយ៉ាង ចាត់តាំងកម្មវិធីសមោសរមហាសាមគ្គីប្រជាជាតិទាំងមូលនៅទីប្រជុំជន
បញ្ចប់ការប្រណាំងទូក ងនិងសប្តាហ៍មហោស្រពពិធីអកអំបុក - ប្រណាំងទូក ងរបស់បងប្អូនជនជាតិ ខ្មែរ នៅខេត្ត សុកត្រាំង
បញ្ចប់ការប្រណាំងទូក ង អបអរសាទរពិធីបុណ្យអកអំបុកនៅខេត្ត ត្រាវិញ ឆ្នាំ ២០២០