មន្ទីរពេទ្យ ចិន មួយប្រើមនុស្សយន្ត AI ដើម្បីជួយព្យាបាលអ្នកឆ្លងវីរុសកូរ៉ូណា

គណៈកម្មការសុខាភិបាលក្នុងតំបន់បាននិយាយថា មនុស្សយន្តទាំងពីរនេះបានចាប់ផ្តើមចែកចាយថ្នាំនិងស្បៀងអាហារដល់អ្នកជំងឺក៏ដូចជាប្រមូលស្រោមពូកនិងសំរាមពីមន្ទីរពេទ្យកាលពីថ្ងៃទី ២៩ ខែ មករា នៅខេត្ត ក្វាងទុង។

យោងតាមមន្រ្តីបានឱ្យដឹងថា ការប្រើប្រាស់ម៉ាស៊ីនបើកបរដោយខ្លួនវានិងសាកថ្មដោយខ្លួនវា អាចកាត់បន្ថយបន្ទុកការងាររបស់គ្រូពេទ្យនិងកាត់បន្ថយហានិភ័យនៃការឆ្លងវីរុស។

យ៉ាងហោចណាស់មានបុគ្គលិកពេទ្យចំនួន ២០ នាក់នៅប្រទេស ចិន បានឆ្លងវីរុសនេះពេលកំពុងមើលថែអ្នកជំងឺ។ យោងតាមអ្នកជំនាញបានឱ្យដឹងថា ជំងឺនេះអាចឆ្លងតាមរយៈការប៉ះពាល់នឹងទឹកមាត់កខ្វក់និងការប៉ះពាល់នឹងរបស់ប្រើប្រាស់ផ្សេងៗ ដែលកខ្វក់។

វីរុសនេះបានរាលដាលពាសពេញពិភពលោកយ៉ាងឆាប់រហ័ស ហើយឥឡូវនេះបានឆ្លងគ្រប់តំបន់ទាំងអស់នៃប្រទេស ចិន ខណៈខេត្ត ទីបេត៍ ដាច់ស្រយាលទើបតែឆ្លងដល់ចុងក្រោយគេកាលពីយប់ថ្ងៃព្រហស្បតិ៍៕