វាលទំនាបទន្លេ គឺវឡុង ឆ្លើយតបទៅនឹងគ្រោះរាំងស្ងួតនិងការជ្រាបជាតិប្រៃ

ក្នុងប៉ុន្មានខែដើមឆ្នាំ ២០២០ ស្ថានភាពគ្រោះរាំងស្ងួតនិងជ្រាបជាតិប្រៃបានកើតឡើង លើវិសាលភាពធំទូលាយនៅស្ទើរតែគ្រប់ខេត្តក្នុងតំបន់វាលទំនាបទន្លេ គឺវឡុង បានជះឥទ្ធិពលធ្ងន់ធ្ងរដល់ជីវភាពរស់នៅ ការប្រជុំជីវភាពនិងការផលិតរបស់ប្រជាជនជាង ២០ លាននាក់…។

គិតត្រឹមពាក់កណ្តាលខែ មិនា ឆ្នាំ ២០២០ ទូទាំងតំបន់មានផ្ទៃដីដាំស្រូវរដូវវស្សាឆ្នាំ ២០១៩ និងស្រូវរដូវសម្រកឆ្នាំ ២០១៩ - ២០២០ ទំហំជិត ២៩.៧០០ ហិកតា ត្រូវ ខូចខាត ហើយស្រូវរដូវសម្រកប្រមាណ ៣៣២.០០០ ហិកតា ដំណាំហូបផ្លែចំនួន ១៣៦.០០០ ហិកតាកំពុងតែប្រឈមនឹងហានិភ័យរងការខាតបង់ទាំងស្រុង។ ទន្ទឹមនឹងការខាតបង់ក្នុងផលិតកម្ម គ្រោះរាំងស្ងួតនិងការជ្រាបជាតិប្រៃក៏បណ្តាលឱ្យប្រជាជនចំនួន ៨២.០០០ ក្រុមគ្រួសារត្រូវខ្វះទឹកប្រើប្រាស់ប្រចាំថ្ងៃ ផ្លូវគមនាគមន៍រាប់សិបគីឡូម៉ែត្រត្រូវស្រុត បាក់ដីយ៉ាងធ្ងន់ធ្ងរ សហគ្រាសជាច្រើនដែលមានតម្រូវការខ្ពស់ក្នុងការប្រើប្រាស់ទឹកត្រូវដំណើរការទាំងយឺតយ៉ៅមួយៗ ...។

ដើម្បីកំហិតនូវការខាតបង់ដែលបង្កឡើងដោយគ្រោះរាំងស្ងួតនិងការជ្រាបជាតិប្រៃ កាត់បន្ថយនូវក្ដីលំបាកលំបិនអោយប្រជាជន ខេត្ត បេនត្រែ បានផ្គុំដំឡើងប្រព័ន្ធច្រោះទឹកប្រៃ ទឹកភ្លាវ (ឧបករណ៍ RO) នៅបណ្តាសំណង់ផ្គត់ផ្គង់ទឹកប្រើប្រាស់ប្រមូលផ្តុំក្នុងតំបន់ជនបទដែលតែងតែត្រូវរងផលប៉ះពាល់។

ខេត្ត បាកលៀវ និងខេត្ត ត្រាវិញ បានដំណើរការសង់អាងស្តុកទឹកសាប ទំនប់បណ្តោះអាសន្នដើម្បីរាំងខ្ទប់ទឹកប្រៃ រក្សាទឹកសាប។ ខេត្ត សុកត្រាំង ឡុងអាន កាម៉ៅ គៀនយ៉ាង ដំណើរការតម្លើងកម្រិត អូសបណ្ដាញបំពង់ទុយោពីបណ្ដា រោងចក្រផលិតទឹកប្រមូលផ្តុំក្នុងតំបន់ទឹក សាបផ្គត់ផ្គង់អោយតំបន់ប្រជុំជនទាំងឡាយដែលត្រូវរងឥទ្ធិពល...។

គាំទ្រសេចក្ដីអំពាវនាវរបស់សមាគមកាកបាទក្រហម វៀតណាម មានអង្គការ សហគ្រាសជាច្រើនបានចូលរួមជួយឧបត្ថម្ភដល់ប្រជាជន ជាពិសេសគឺបណ្តាក្រុមគ្រួសារក្រីក្រនៅក្នុងតំបន់រងគ្រោះរាំងស្ងួតនិងជ្រាបជាតិប្រៃដោយផ្ដល់អាងជ័រស្តុកទឹក ឧបករណ៍ធ្វើប្រព្រឹត្តកម្មទឹក...។

ចែករំលែកក្តីលំបាកជាមួយនឹងប្រជាជន ខេត្តមួយចំនួនដូចជា៖ គៀនយ៉ាង បេនត្រែ ឡុងអាន កាម៉ៅ ត្រាវិញ... បានកៀរគរឡានមកដឹកទឹកសាបផ្គត់ផ្គង់អោយប្រជាជនប្រមាណ ៤០.០០០ ក្រុមគ្រួសារនៅតំបន់ជ្រៅ ឆ្ងាយដាច់ស្រយាល តំបន់ប្របសមុទ្រនិងកោះ... ព្រមទាំងចាត់ចែងដាក់អាងស្តុកទឹកជ័រនៅទីកន្លែងប្រមូលផ្តុំផ្សេងៗ ដូចជា៖ គណៈកម្មាធិការប្រជាជនឃុំអគារវប្បធម៌...។ ការងារឃោសនា ចលនាប្រជាជនម្ចាស់ការស្តុកទឹកទុកប្រើប្រាស់ដោយសំចៃដោយប្រសិទ្ធភាពនូវប្រភពទឹកប្រើប្រាស់ក៏ត្រូវបានបង្កើន។

 

យោងតាមអនុសាស្រ្តាចារ្យ បណ្ឌិត ត្រឹនបាហ្វាំង នាយកវិទ្យាស្ថានវិទ្យាសាស្ត្រធារាសាស្ត្រភាគខាងត្បូង ការជ្រាបជាតិប្រៃនៅតាមបណ្តាពាមទន្លេ គឺវឡុង អាចនឹងសម្រេចដល់កម្រិតកំពូលក្នុងខែ មេសា ហើយនឹងអូសបន្លាយដល់ខែ ឧសភា ប្រសិនបើគ្មានភ្លៀងធ្លាក់។

ដើម្បីបង្កើនការងារបង្ការប្រឆាំងនឹងគ្រោះរាំងស្ងួត កង្វះទឹក ការជ្រាបជាតិប្រៃ បណ្តាមូលដ្ឋានត្រូវចាំបាច់បន្តការអនុវត្តដំណោះស្រាយផ្សេងៗ ដោយព្រមៗ គ្នា ធានាកាត់បន្ថយការខាតបង់ដល់កម្រិតទាបបំផុតក្នុងផលិតកម្មកសិកម្មនិងជីវភាពរស់នៅរបស់ប្រជាជន៕