ខេត្ត សុកត្រាំង ទើបតែបានរៀបចំពិធីប្រកាសសេចក្តីសម្រេចចិត្តទទួលស្គាល់ស្រុក មីស្វៀន សម្រេចស្តង់ដារជនបទថ្មី ជាស្រុកដំបូងបង្អស់នៃមូលដ្ឋានដែលមានឃុំ ១០០% សម្រេចបាន ១៩/១៩ លក្ខណៈវិនិច្ឆ័យ។
ការប្រមូលផលស្រូវដោយម៉ាស៊ីនច្រូតបោកចម្រុះនៅស្រុក មីស្វៀន (ខេត្ត សុកត្រាំង)សមិទ្ធិផលនោះបង្ហាញពីការប្តេជ្ញាចិត្តខ្ពស់របស់បក្ខភាគ អាជ្ញាធរ អង្គការមហាជនទាំងឡាយ ក៏ដូចជាការស្រុះចិត្តស្រុះគំនិតគាំទ្ររបស់ប្រជាជននៅមូលដ្ឋានមួយដែលមានបងប្អូនជនជាតិរស់នៅច្រើនកុះករ...។
ថ្នាក់ដឹកនាំមជ្ឈិមអញ្ជើញទស្សនាទម្រង់រូបភាពដាំផ្កាលើភ្លឺស្រែនៅស្រុក មីស្វៀន (ខេត្ត សុកត្រាំង)ឆ្លងតាមរយៈកម្មវិធីកសាងជនបទថ្មី ស្រុក មីស្វៀន កៀរគរបានថវិកាជាង ៥.៩៦០ ពាន់លានដុងវិនិយោគកសាងហេដ្ឋារចនាសម្ព័ន្ធជនបទ ក្នុងនោះ ថវិកាកៀរគរក្នុងប្រជាជនឡើងដល់ ៧២៤ ពាន់លានដុងស្មើនឹងអត្រា ១២%។
ទម្រង់រូបភាពចិញ្ចឹមបង្គានាំមកនូវប្រសិទ្ធភាពសេដ្ឋកិច្ចខ្ពស់នៅឃុំ ង៉ុកតូ ស្រុក មីស្វៀន (ខេត្ត សុកត្រាំង)សកម្មភាពផលិតកសិកម្មនៅលើភូមិសាស្រ្តស្រុកកាន់តែអភិវឌ្ឍពីមួយថ្ងៃទៅមួយថ្ងៃ លេចឡើងនូវទម្រង់រូបភាពផលិតកម្ម តំណភ្ជាប់ អនុវត្ដភាពជឿន លឿននៃវិទ្យាសាស្ត្រ - បច្ចេកទេសពាំនាំមកនូវប្រសិទ្ធភាពសេដ្ឋកិច្ចខ្ពស់ជាច្រើន។
របរចិញ្ចឹមគោយកទឹកដោះរួមចំណែកដល់ការបង្កើតការងារធ្វើ បង្កើនប្រាក់ចំណូលជូនមាមីងបងប្អូនជនជាតិ ខ្មែរ នៅស្រុក មីស្វៀន (ខេត្ត សុកត្រាំង)អាស្រ័យហេតុដូច្នេះហើយ តម្លៃផលិតកម្មនៅលើផ្ទៃដីកសិកម្មមួយហិកតាការដាំដុះនិងវារីវប្បកម្មពីកម្រិត ៨៣ លានដុង (ឆ្នាំ ២០១១) មកទល់បច្ចុប្បន្ននេះ សម្រេចបាន ១៦៩ លានដុង។
ពីកម្មវិធីកសាងជនបទថ្មី ផ្លូវថ្នល់ ច្រកផ្លូវចូលស្រុកភូមិទាំងមូលកាន់តែមាំទាំធំទូលាយនិងស្រស់ស្អាតឡើងពីមួយថ្ងៃទៅមួយថ្ងៃដូច្នោះហើយ ចំណូលមធ្យមលើមនុស្សម្នាក់កើនឡើងពី ២២ លានដុង (២០១១) ឡើងដល់ ៤៨ លានដុងនាពេលបច្ចុប្បន្ននេះ កាត់បន្ថយអត្រាគ្រួសារក្រីក្រពី ២៧,៦% នៅត្រឹមតែ ១,៩% ប៉ុណ្ណោះ។
ផ្លូវគមនាគមន៍ជនបទត្រូវបានចាក់កៅស៊ូឆ្លើយតបនឹងតម្រូវការធ្វើដំណើរទៅមករបស់ប្រជាជននៅឃុំ ង៉ុកតូ ស្រុក មីស្វៀន (ខេត្ត សុកត្រាំង)អគ្គលេខាបក្ស ប្រធានរដ្ឋ លោក ង្វៀនភូត្រុង ធ្លាប់បានអញ្ជើញមកឃុំ ង៉ុកតូ ស្រុក មីស្វៀន (ខេត្ត សុកត្រាំង) និងមានចំណាប់អារម្មណ៍ពិសេសចំពោះទម្រង់រូបភាពផលិតកម្មចីរភាពជាច្រើនដូចជា "ស្រូវក្រអូប បង្គាស្អាត" "បង្គាឱបដើមស្រូវ" នៅទីនេះ...។
ម៉ោងរៀនផាត់ពណ៌របស់ប្អូនៗ សិស្សសាលាមតេយ្យ ថាមដូន ស្ថិតនៅឃុំ ថាមដូន ស្រុក មីស្វៀន (ខេត្ត សុកត្រាំង)ពីចលនាប្រជាជនទាំងមូលចូលរួមក្នុងការកសាងជនបទថ្មី ការយល់ដឹងរបស់ប្រជាជនត្រូវបានលើកកម្ពស់ មិនត្រឹមតែនៅក្នុងឃុំ ង៉ុកតូ ប៉ុណ្ណោះទេ ថែមទាំងបានបំផុសចលនា រីកសាយអនុវត្តយ៉ាងប្តូរផ្តាច់លើទូទាំងស្រុកផងដែរ។
ការពិនិត្យជំងឺអោយកូនក្មួយបងប្អូនជនជាតិ ខ្មែរ នៅមណ្ឌលសុខភាពឃុំ ថាមដូន ស្រុក មីស្វៀន (ខេត្ត សុកត្រាំង)តាមរយៈនោះ រួមចំណែកក្នុងការបង្កនូវការងាររកស៊ីចិញ្ចឹមជីវិតលើកកម្ពស់ជីវភាពបងប្អូនជនជាតិ៕
ទ្រុងហៀវ - សឺនយ៉ាង