ឡគុយទាវរបស់លោក ហ្វ៊ិញ ហ៊ឺវហ្វាយ (សៅហ្វាយ) នៅសង្កាត់ អានប៊ិញ ខណ្ឌ និញកៀវ ល្បីឈ្មោះតាំងពីយូរយារណាស់មកហើយគឺជាគោលដៅទស្សនាទេសចរណ៍គួបផ្សំភោជនាហារ ទាក់ទាញភ្ញៀវទេសចរក្នុងស្រុក បរទេសយ៉ាងច្រើនកុះករអញ្ជើញមកភ្លក់រសជាតិពេលមានឱកាសមកកាន់ទីក្រុង កឹនធើ ម្តងៗ។
គុយទាវនៅឡគុយទាវ សៅហ្វាយដោយមានការច្នៃប្រឌិតឥតឈប់ឈរ ដើម្បីធ្វើពិពិធកម្មផលិតផលបម្រើទេសចរណ៍ លោក សៅ ហ្វាយ បានបង្កើតពណ៌អោយគុយទាវដោយគ្រឿងផ្សំ "បន្លែស្រែ អន្លក់ស្រែ"។ សរសៃគុយទាវទាំងឡាយមានពណ៌ទឹកក្រូចពីផ្លែហ្វាក់ខាវ ពណ៌ស្វាយរបស់ស្លឹកកណ្ដៀរ ពណ៌ផ្កាឈូកលាយពណ៌ស្វាយពីមើម ឆៃថាវក្រហម។ល។ មើលទៅគួរឱ្យជក់ចិត្តណាស់។ យោងតាមបទពិសោធន៍ជាង ៤៥ ឆ្នាំក្នុងអាជីព លោក សៅហ្វាយ មានប្រសាសន៍ថា៖ បើចង់បានគុយទាវ ឆ្ងាញ់ត្រូវការជ្រើសរើសអង្ករមានម្សៅច្រើន។
លោក ហ្វ៊ិញ ហ៊ឺវហ្វាយ ជាមួយនំភីហ្សាគុយទាវដ៏ផ្តាច់មុខអង្ករត្រូវកិនជាម្សៅ ដាក់ចូលក្នុងពាងអោយរងចុះជាមួយស្លឹកថ្នឹងដើម្បីជ្រើសយកសារធាតុកខ្វក់ចេញចោល។ បន្ទាប់មកម្សៅអង្ករត្រូវបានលាយជាមួយបន្លែមើមឆៃថាវក្រហមតាមរដូវរួចហើយជ្រលក់ពណ៌តាមអត្រាម្សៅអង្ករចំនួន ៨០% មើមផ្លែឈើគឺចំនួន ២០%។ល។ ក្នុងការកែច្នៃគុយទាវទឹកគឺ ទឹកសម្ល ត្រូវតែបានចម្អិនពីទឹកដូងខ្ចីជាមួយសាច់មាន់និងឆ្អឹងខ្មងទើបអោយចេញគុយទាវមួយគោមមានរសជាតិដាច់ដោយឡែក។
ការសម្ងួតសរសៃគុយទាវចម្រុះពណ៌ក្រោមពន្លឺថ្ងៃធម្មជាតិនាពេលបច្ចុប្បន្ន ឡគុយទាវ សៅហ្វាយ គឺជាគំរូសម្រាប់ភាពជោគជ័យក្នុងគំរូគួបផ្សំរវាងទេសចរណ៍និងការអភិវឌ្ឍភូមិរបរហត្ថកម្មប្រពៃណី។ គំរូនេះ ពាំនាំមកនូវតម្លៃខាងស្មារតីអោយភ្ញៀវទេសចរក្នុងការរុករកស្វែងយល់វប្បធម៌អន្តោគ្រាមក៏ដូចជាពាំនាំមកនូវប្រាក់ចំណូលជូនប្រជាជននៅមូលដ្ឋាន៕
ផលិតដោយ៖ អាញ់ទ្វៀត
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ កញ្ញា ឆ្នាំ ២០២២ ដោយ៖ សឺន ហេង