កើតនិងធំដឹងក្ដីឡើងនៅភូមិ មីងៀប ទីរួមស្រុក ភឿកយ៉ឹន ស្រុក និញភឿក (ខេត្ត និញធន់) លោក អ៊ិនរ៉ាសារ៉ា (ឈ្មោះពិត ភូត្រាម) ត្រូវបានប្រដូចថាជា “បណ្ណាល័យរស់” ហើយជា “ស្ពានចម្លង” នាំយកវប្បធម៌ ចាម ទៅកាន់សាធារណ ជនក្នុងនិងក្រៅប្រទេស។
អ្នកនិពន្ធ អ៊ិនរ៉ាសារ៉ា (ខាងស្តាំ) ក្នុងកម្មវិធីប្រាស្រ័យទាក់ទងជាមួយទស្សនិកជននិងមិត្តអ្នកស្តាប់ដែលរៀបចំឡើងដោយវិទ្យុសំឡេងប្រជាជនទីក្រុង ហូជីមិញតាំងពីកុមារភាព លោក អ៊ិនរ៉ាសារ៉ា មានចំណង់ចំណូលចិត្តពិសេសចំពោះវប្បធម៌ ចាម។ ធំដឹងក្តីឡើង លោកចាំស្ទាត់នូវសុភាសិត កំណាព្យចម្រៀងប្រជាប្រិយជាច្រើន ហើយចំណាយពេលយ៉ាងច្រើនក្នុងការស្រាវជ្រាវធ្វើសមុច្ច័យ ពីវីរកថារឿងនិទានជាកំណាព្យរបស់ជនជាតិ ចាម។
បន្ទាប់ពី “បើកសម្ពោធនិងចែកចាយ” ស្នាដៃដំបូង “អក្សរសាស្ត្រ ចាម - សេចក្តីសន្និដ្ឋានជាទូទៅ” នៅឆ្នាំ ១៩៩៤ មកដល់បច្ចុប្បន្ននេះ លោកមានស្នាដៃល្បីៗ មួយ ចំនួនដូចជា៖ សៀវភៅកំណាព្យនិងវីរកថា “ប្រាសាទក្រោមរស្មីព្រះអាទិត្យ” សៀវភៅសារណា “វប្បធម៌ - សង្គម ចាម” សៀវភៅកំណាព្យពីរភាសា វៀតណាម - ចាម “ថ្ងៃកំណើតនៃដើមដំបងយក្ស” “ស្រាវជ្រាវនិងសន្ទនា” “គតិបណ្ឌិត ចាម ដ៏ភ្លឺថ្លា” “អក្សរសិល្ប៍ ចាម” (៣ ភាគ) វចនានុក្រមពីរភាសា វៀតណាម - ចាម (៤ ក្បាល)…។
លោក អ៊ិនរ៉ាសារ៉ា - “បណ្ណាល័យរស់” អំពីវប្បធម៌ ចាមចំពោះលោក អ៊ិនរ៉ាសារ៉ា អក្សរសិល្ប៍គឺជាការពិពណ៌នាបង្ហាញយ៉ាងពេញលេញអំពីព្រលឹងជនជាតិ ចាម។ ប្រៀបដូចជា “ស្ពានចម្លង” វប្បធម៌ចាមជាមួយនឹងបណ្ដា ជនជាតិដទៃទៀត លោក អ៊ិនរ៉ាសារ៉ា បានអញ្ជើញទៅកាន់សាកលវិទ្យាល័យជាច្រើនដើម្បីចែករំលែកអំពីវប្បធម៌ ចាម ហើយធ្វើបទបង្ហាញឱ្យទស្សនាវដ្តីជាច្រើនទាំងក្នុងនិងក្រៅប្រទេស។
លោក អ៊ិនរ៉ាសារ៉ា ក្នុងដំណើរទស្សនកិច្ចជាក់ស្តែងសម្រាប់អ្នកនិពន្ធនៅប្រទេស ជប៉ុនការលះបង់កម្លាំងកាយចិត្ត ចូលរួមចំណែករបស់លោក អ៊ិនរ៉ាសារ៉ា ចំពោះវប្បធម៌ ចាម ត្រូវបានអង្គការជាច្រើនទាំងក្នុងនិងក្រៅប្រទេសកត់សម្គាល់និងវាយតម្លៃខ្ពស់៕
អត្ថបទនិងរូបថត៖ អាញ់យុង - ទ្វេទ្រី