ប៉ាក - ប គោលដៅដែលរក្សាទុកដានជើងអ៊ំ ហូ

តុថ្មកន្លែង អ៊ំ ហូ តែងតែអង្គុយធ្វើការ
តុថ្មកន្លែង អ៊ំ ហូ តែងតែអង្គុយធ្វើការ

តំបន់កេរដំណែលជាតិពិសេស ប៉ាក - ប ស្ថិតលើភូមិសាស្ត្រភូមិ ប៉ាក - ប ឃុំ ទ្រឿងហា ស្រុក ហាក្វាង (ខេត្ត កាវបាំង) ចម្ងាយពីទីកណ្ដាលទីក្រុង កាវបាំង ប្រមាណជាង ៥០ គីឡូម៉ែត្រតាមទិសខាងជើង។

តាមភាសាជនជាតិ តៃ - នុង ប៉ាក - ប មានន័យថា "ប្រភពដើម" ជាកន្លែងដែលលោកប្រធាន ហូ ជីមិញ បានបោះជំហានជើងដំបូង បន្ទាប់ពីវិលត្រឡប់មកមាតុប្រទេសវិញក្រោយរយៈពេល ៣០ ឆ្នាំ ធ្វើដំណើរទៅគ្រប់ទិសទីដើម្បីស្វែងរកមាគ៌ាសង្គ្រោះជាតិ។

ប៉ាក - ប គោលដៅដែលរក្សាទុកដានជើងអ៊ំ ហូ ảnh 1ទីសក្ការបូជា អ៊ំ ហូ នៅក្នុងតំបន់កេរដំណែលជាតិពិសេស ប៉ាក - ប

អញ្ជើញមកកាន់ ប៉ាក - ប ហាក់ដូចជាអ្នកណាក៏មានអារម្មណ៍ថារូបស្រមោល អ៊ំ ដានជើងរបស់ អ៊ំ ផ្សារភ្ជាប់ជាមួយនឹងនាមដ្ឋានទាំងឡាយដូចជា៖ គុហា កុក - ប (ឬហៅថាគុហា ប៉ាក - ប) កន្លែងដែល អ៊ំ ស្នាក់នៅពីថ្ងៃទី ០៨ ខែ កុម្ភៈ ឆ្នាំ ១៩៤១ ដល់ពាក់កណ្តាល ខែ មីនា ឆ្នាំ ១៩៤១ គុហា លុងឡាន កន្លែង អ៊ំ រស់នៅនិងធ្វើការក្នុងអំឡុងចុងខែ មីនា ឆ្នាំ ១៩៤១ ខ្ទម ឃួយណាំ ទីកន្លែង អ៊ំ ហូ ស្នាក់នៅយូរបំផុតត្រូវបានសង់តាមរចនាបថផ្ទះខ្ពស់ផុតពីដី ជាកន្លែងមានលក្ខណៈភូមិសាស្ត្រអំណោយផល សុវត្ថិភាពនិងសម្ងាត់ ចរន្តទឹកជ្រោះ លេនីន ថ្លាឆ្វង់ដូចផ្ទាំងសំពត់ កន្លែង អ៊ំ សម្រាក ស្ទូចត្រី ភ្នំ កាកម៉ាក ពណ៌បៃតងខ្ពស់ត្រដឹមត្រដែត បង្កើតអោយមានអារម្មណ៍ថា ធម្មជាតិដ៏ស្រស់ត្រកាលនិងមហាសាល...។

ប៉ាក - ប គោលដៅដែលរក្សាទុកដានជើងអ៊ំ ហូ ảnh 2តុថ្មកន្លែង អ៊ំ ហូ តែងតែអង្គុយធ្វើការ
ប៉ាក - ប គោលដៅដែលរក្សាទុកដានជើងអ៊ំ ហូ ảnh 3ជ្រោះ លេនីន ថ្លាឆ្វង់ស្ថិតនៅខាងជើងភ្នំ កាកម៉ាក ដ៏មហាសាល
ប៉ាក - ប គោលដៅដែលរក្សាទុកដានជើងអ៊ំ ហូ ảnh 4ខាងក្នុងគុហា កុក - ប (គុហា ប៉ាក - ប) កន្លែង អ៊ំ ហូ ធ្លាប់ស្នាក់នៅនិងធ្វើការ

អញ្ជើញមកកាន់ ប៉ាក - ប គុហាថ្ម ចរន្តទឹកជ្រោះ ដងព្រៃព្រឹក្សា ភូមិនិគម ផ្ទះសម្បែងនីមួយៗ សុទ្ធតែដិតជាប់នូវរូបភាព អ៊ំ ហូ បិតាជាទីគោរពស្រឡាញ់របស់ប្រជាជាតិ វៀតណាម។ សម្របខ្លួនចូលទៅក្នុងរំហូររបស់ពេលវេលា ភាពស្រស់ស្អាតនៃតំបន់កេរដំណែលជាតិពិសេស ប៉ាក - ប នៅតែរក្សាបានភាពដើមទាំងស្រុងនិងមិនផ្លាស់ប្តូរអ្វីឡើយ៕

អត្ថបទ៖ ខាយហ៊ាន់ 
រូបថត៖ ត្រុងដាត
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ ឧសភា ឆ្នាំ ២០២២ ដោយ៖  ចន្ថា

(កាសែតរូបភាពជនជាតិនិងតំបន់ភ្នំ)

អ្នកប្រហែលជាចាប់អារម្មណ៍