ផ្សារណាត់នាពេលដំណាច់ឆ្នាំនៅតំបន់ខ្ពស់ ហាយ៉ាង

ផ្សារណាត់ជាលក្ខណៈវប្បធម៌ដ៏វិសេសវិសាលមួយរបស់បងប្អូនជនជាតិតំបន់ខ្ពស់ខេត្ត ហាយ៉ាង។

តែងខ្លួនមុនពេលទៅផ្សារណាត់ លុងភីន នៅឃុំ លុងភីន ស្រុក ដុងវ៉ាន់ (ខេត្ត ហាយ៉ាង)

ផ្សារណាត់កាន់តែវិសេសវិសាលជាងទៀតនៅពេលប្រជុំផ្សារនាពេលដំណាច់ឆ្នាំ ក្នុងនោះ មិនអាចមិនរំឭកដល់ផ្សារទីរួមស្រុក ដុងវ៉ាន់ ផ្សារ ម៉ែវវ៉ាក ផ្សារ លុងភីន ផ្សារ សាភីន ផ្សារ ផូកាវ ផ្សារ ផូបាង។ល។

ជនជាតិ ម៉ុង យ៉ាវ តី នុង... ក្នុងឈុតសម្លៀកបំពាក់ប្រពៃណីចុះទៅផ្សារណាត់ អៀនមិញ ស្រុក អៀនមិញ (ខេត្ត ហាយ៉ាង)

ជនជាតិ ម៉ុង ចិន ឡូឡូ... ចុះទៅផ្សារណាត់នាពេលដំណាច់ឆ្នាំជាមួយផលិតផលពិសេសជាច្រើនប្រចាំតំបន់ព្រៃភ្នំ ភូមិនិគម អ្វីៗ ដែលសុទ្ធតែជាផលិតផលស្អាតដូច ជា៖ បន្លែព្រៃ ទំពាំងព្រៃ មាន់ ទាចិញ្ចឹមព្រលែងក្នុងចម្ការ ស្រូវ ពោត ដំឡូង ដំឡូងមី ឧបករណ៍បង្កបង្កើនផល។ល។ មិនត្រឹមតែមានទំនិញ សម្ភារៈប្រើប្រាស់សម្រាប់លក់ដូរ ផ្តោះប្តូរប៉ុណ្ណោះទេ បងប្អូនជនជាតិនៅទាំងនាំយកមកផ្សារណាត់នូវលក្ខណៈវប្បធម៌ដ៏ល្អឯកទាំងឡាយរបស់ជនជាតិខ្លួនតាមរយៈឈុតសម្លៀកបំពាក់ប្រពៃណី ចង្វាក់រាំ សំឡេងគែន គ្រឿងភោជនាហារ...ទៀតផង។

បងប្អូនជនជាតិចុះទៅផ្សារ ផូកាវ នៅឃុំ ផូកាវ ស្រុក ដុងវ៉ាន់ (ខេត្ត ហាយ៉ាង) ក្នុងពេលប្រជុំផ្សារនាពេលដំណាច់ឆ្នាំ

បច្ចុប្បន្ននេះ ផ្សារណាត់នាពេលដំណាច់ឆ្នាំនៅតំបន់ខ្ពស់ខេត្ត ហាយ៉ាង បានស៊ីជម្រៅទៅក្នុងអារម្មណ៍ ផ្នត់គំនិត របៀបរស់នៅរបស់ប្រជាជនក្នុងស្រុកក៏ដូចជាភ្ញៀវទេស ចរណាដែលធ្លាប់បានអញ្ជើញមកទស្សនាខេត្ត ហាយ៉ាង ម្តងហើយ៕

អត្ថបទនិងរូបថត៖ ង៉ូហៀវ - ឌិញកុងហ្វាង