ចំពោះបងប្អូនបណ្ដាជនជាតិនៅតំបន់ខ្ពង់រាប តីង្វៀន សូរសម្លេងបុកស្រូវមិនត្រឹមតែជាចង្វាក់ដ៏រណ្ដំ សូរស័ព្ទដ៏ស្និទ្ធស្នាលប៉ុណ្ណោះទេ ថែមទាំង សម្ដែងបង្ហាញពីភាពសុខដុម ក្ដីសប្បាយរីករាយនាពេលរដូវកាលអំណោយផល។
បុកស្រូវនឹងអង្រែបួននៅក្នុងភូមិរបស់ជនជាតិ កឺទូ
ប្រសិនបើនៅតាមបណ្ដាខេត្តតំបន់ភ្នំនៃភូមិភាគខាងជើង បងប្អូនជនជាតិច្រើន តែប្រើកម្លាំងទឹកដើម្បីបុកស្រូវនៅឯតំបន់ខ្ពង់រាប តីង្វៀន វិញបងប្អូនជនជាតិបែរជាប្រើកម្លាំងមនុស្សជាមួយគ្រឿងឧបករណ៍គឺអង្រែនិងត្បាល់ឈើវិញ។
អង្រែនិងត្បាល់បុកស្រូវរបស់ជនជាតិ តាអូយ
ជាទូទៅ ត្បាល់ធ្វើពីដើមរាំង ត្រូវបានឆ្លាក់ក្បូរក្បាច់នៅផ្ទៃខាងក្រៅនិងខាងលើមាត់ត្បាល់។ ត្បាល់នីមួយៗ មានអង្រែចំនួន ២ ត្រូវបានធ្វើពីដើមចំបក់ ឬដើមធ្នង់។ នៅឯកណ្តាលតួអង្រែមានឆ្លាក់បន្ថែមរាងរង្វង់មូលៗ មួយចំនួនដើម្បីនៅពេលដែលកាន់មិនត្រូវរបូតដៃធ្លាក់។
ត្បាល់បុកស្រូវមានរចនាក្បាច់ក្បូររបស់ជនជាតិ កឺទូ
សព្វថ្ងៃនេះ នៅក្នុងភូមិជាច្រើននៅខ្ពង់រាប តីង្វៀន បងប្អូនជនជាតិនៅតែរក្សាទម្លាប់ប្រើអង្រែ ត្បាល់សម្រាប់បុកស្រូវ។ បន្ទាប់ពីធ្វើពលកម្មមួយថ្ងៃៗ នៅស្រែចម្ការ បងប្អូននារីក៏បែរមកបុកស្រូវឱ្យទាន់ដណ្ដាំបាយ។
បណ្តុំរូបចម្លាក់ឈើអំពីការបុកស្រូវនឹងអង្រែបីរបស់ជនជាតិ កឺទូ
ស្នូរអង្រែចេះតែបន្លឺឡើងខ្ទរ លាន់លឺលើគ្រប់ទិសទីក្នុងភូមិហាក់ដូចជា ទាក់ទាញអញ្ជើញភ្ញៀវទេសចរនៅជិតឆ្ងាយផង ហើយក៏ជាការសម្ដែងបង្ហាញពីសុខភាព មាំមួន អត្តចរិតឧស្សាហ៍ព្យាយាមរបស់នារីលើតំបន់ដីព្រៃភ្នំដ៏ល្វឹងល្វើយ៕
អត្ថបទនិងរូបថត៖ តឹនវិញ
