ជនជាតិ បាណា នៅខេត្ត ប៊ិញឌិញ មានរបរសិប្បកម្មប្រពៃណីជាច្រើនមុខ ក្នុងនោះ មានរបរត្បាញរវៃ។ ក្នុងចំណោមផលិតផលតម្បាញរវៃទាំងឡាយ កាផាគឺជាប្រភេទផលិតផលមានលក្ខណៈដាច់ដោយឡែកបំផុត។
លោក ឌិញ វ៉ាន់គូ នៅភូមិ កាត ឃុំ កាញ់លៀន ស្រុក វ៉ឹនកាញ់ (ខេត្ត ប៊ិញឌិញ) មានបំណងចង់បង្ហាត់បង្រៀនមុខរបរតម្បាញកាផាឲ្យយុវជនយុវតីក្នុងភូមិ
កាផាជាមធ្យោបាយដឹកជញ្ជូនដ៏សំខាន់ ដែលមិនអាចខ្វះបានក្នុងជីវភាពរស់នៅប្រចាំថ្ងៃផង ហើយជាសម្រស់វប្បធម៌បញ្ជាក់ពីភាពប៉ិនប្រសប់របស់បងប្អូនជនជាតិ បាណា នៅ ប៊ិញឌិញ ទៀតផង។
ជនជាតិ បាណា ជ្រើសយកវល្លិផ្តៅ ឫស្សី្ងដែលតូចៗ ក្រាស់ៗ ពីក្នុងព្រៃយកមកច្រៀកជាចម្រៀកៗ ហើយយកទៅហាលឲ្យស្ងួតមុនពេលត្បាញកាផា
ដើម្បីថែរក្សារបរតម្បាញកាផាជាប្រពៃណីនោះ ជនជាតិ បាណា នៅ ប៊ិញ ឌិញ បានឃ្មាតខី្មក្នុងការ បង្ហាត់បង្រៀនអោយស្រទាប់ យុវជនយុវតីវ័យក្មេងពីរបៀបត្បាញកាផា លើកទឹកចិត្តកូនក្មួយឲ្យប្រើប្រាស់កាផាសម្រាប់ការស្ពាយ លីសែង ទុកដាក់ឧបករណ៍ប្រើប្រាស់ ហើយចូលរួមដាក់តាំងក្នុងពិធីបុណ្យផ្សេងៗ…។
កាផាមានអត្ថន័យដ៏ចាំបាច់ជាក់ស្ដែងសម្រាប់ជីវភាពរស់នៅប្រចាំថ្ងៃរបស់ ជនជាតិ បាណា ទាំងក្នុងពេលធ្វើដំណើរចូលព្រៃ ទាំងសម្រាប់ដាក់ឧបករណ៍ប្រើប្រាស់ផ្សេងៗ ក្នុងផ្ទះ
ក្រោយពេលបានធ្វើរួចហើយ កាផាបានលម្អដោយក្បូរក្បាច់រចនាយ៉ាងផ្ចិតផ្ចង់ទៀតផង ក្លាយទៅជាផលិតផលទេសចរណ៍មានលក្ខណៈដាច់ដោយឡែករបស់ជនជាតិ បាណា
ក្រៅពីនោះ ចាស់ព្រឹទ្ធាចារ្យ អ្នកមានវ័យចំណាស់ថែមទាំងបានលើកជាសំណើដល់អាជ្ញាធរឲ្យមានគោលនយោបាយជំនួយសម្រាប់អភិវឌ្ឍន៍របរ តម្បាញកាផាដើម្បីបង្កើតបានផលិតផលទេសចរណ៍ដាច់ដោយឡែកមួយនៃបងប្អូនជនជាតិ៕
អត្ថបទនិងរូបថត៖ ទឿងក្វឹន
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ កញ្ញា ឆ្នាំ ២០២១ ដោយ៖ ទេវី
