ត្រូវបានសាងសង់ឡើងផ្តើមចេញពីស្មារតីសាមគ្គីភាព ច្នៃប្រឌិត ហ្គឿល (ផ្ទះភូមិ) គឺជាសក្ខីភាពឱ្យកម្លាំងសហគមន៍ដ៏ខ្លាំងក្លា ប្រមូលផ្តុំលក្ខណៈវប្បធម៌ ប្រពៃណីរបស់បងប្អូនជនជាតិ កឺទូ។
អញ្ជើញមកកាន់ ពើរ៍នីង ភូមិដ៏ល្អឯករបស់បងប្អូនជនជាតិ កឺទូ នៅឃុំ ឡាំង ស្រុក តីយ៉ាង (ខេត្ត ក្វាង ណាម) ទោះបីឆ្លងកាត់ការប្រែប្រួលជាច្រើននៃពេលវេលាក៏ដោយ ក៏ប៉ុន្តែ ហ្គឿល នៅតែធំស្កឹមស្កៃនៅកណ្តាលភូមិ រក្សាទុកនូវស្លាកស្នាមរឿងរ៉ាវទុក្ខកង្វល់ សប្បាយរីករាយនិងទាំងការផ្លាស់ប្តូរទៀតផង។ ព្រឹទ្ធាចារ្យភូមិ គ្លៅណឹប ចែករំលែកថា៖ "នៅ ពើរ៍នីង ឬនៅភូមិណាមួយផ្សេងទៀតរបស់ជនជាតិ កឺទូ ក៏ដោយបង្កើតភូមិហើយគឺត្រូវតែមាន ហ្គឿល។ ជនជាតិ កឺទូ ចាត់ទុក ហ្គឿល ជានិមិត្តរូបនៃចំណងសាមគ្គីភាពសហគមន៍"។
ជនជាតិ កឺទូ ចាត់ទុក ហ្គឿល ដូចជានិមិត្តរូបនៃសាមគ្គីភាពសហគមន៍
ទោះបីការងារអ្វីក៏ដោយ ចាប់ពីបុណ្យទានជួបប្រជុំ ទទួលភ្ញៀវដល់ការគោរពបូជាអាទិទេព... សុទ្ធតែត្រូវបានជនជាតិ កឺទូ ប្រារព្ធនៅ ហ្គឿល។ ដើម្បីសង់ ហ្គឿល អ្នកទាំងអស់គ្នាចូលព្រៃយកឈើ កាប់ស្លឹកដូងប្រេង ដាប់សសរ ដាប់លកលាក់ ឆ្លាក់ក្បាច់តុបតែងជាដើម។ ហ្គឿល កាន់តែធំស្អាតកាន់តែសអោយឃើញពីកម្លាំងសាមគ្គីភាព ភាពស្តុកស្តម្ភ និងទំនាក់ទំនងស្រុះស្រួលរវាងនិវាសនជន។
ព្រឹទ្ធាចារ្យភូមិ កឺទូ ចែករំលែកបទពិសោធន៍ ចំណេះដឹងវប្បធម៌ភូមិខាងក្នុងផ្ទះ ហ្គឿល
ពាំនាំមកនូវសម្រស់និមិត្តរូបនៃសហគមន៍ ហ្គឿល របស់ជនជាតិ កឺទូ ជាធម្មតាត្រូវបានសាងសង់នៅទីតាំងចំកណ្តាលភូមិ
ក្រោយពេលសាងសង់ ហ្គឿល ម្តងៗ ត្រូវតែប្រារព្ធអបអរស្នាដៃក្នុងគោលបំណងរាយការណ៍ជាមួយអាទិទេពអំពីសំណង់រួមរបស់អ្នកភូមិ។ នរណាមានមាន់យកមាន់មក មានស្រាអោយស្រា អត់មានអ្វីសោះក៏រួមវិភាគទានកម្លាំងពលំចូលរួមសប្បាយរីករាយជាមួយនឹងអ្នកភូមិអំណរ ហ្គឿល ថ្មីទាំងអស់គ្នា។
យោងតាមលោក ពើ ឡងព្លេញ អនុប្រធានការិយាល័យវប្បធម៌ - ព័ត៌មានស្រុក តីយ៉ាង ឱ្យដឹងថា៖ "ហ្គឿល ប្រៀបដូចជាបេះដូងរបស់ភូមិ មានខ្យល់ដង្ហើមជីវភាពសហគមន៍ កឺទូ។ ប្រមូលផ្តុំលក្ខណៈវប្បធម៌ជាច្រើន ហ្គឿល បាននិងកំពុងទាក់ទាញចំណាប់អារម្មណ៍របស់ភ្ញៀវទេសចរជិតឆ្ងាយ"៕
អត្ថបទនិងរូបថត៖ ខាញ់ង្វៀន
បញ្ចូលទិន្នន័យដោយ៖ លឺ ធីអៀនថាញ់
