បុណ្យចូលឆ្នាំថ្មី “ពិសេស” ចំពេលមានការរីករាលដាលនៃកូវីដ - ១៩

អនុវត្តសារាចរលេខ ១៦/CT-TTg ចុះថ្ងៃទី ៣១ ខែ មីនា ឆ្នាំ ២០២០ របស់នាយករដ្ឋមន្ត្រីនៃរដ្ឋាភិបាលនិងគោលការណ៍របស់បណ្ដាមូលដ្ឋានស្តីអំពីការអនុវត្តបណ្តាវិធានការបន្ទាន់បង្ការ ប្រយុទ្ធប្រឆាំងនឹងការរីករាលដាលនៃជំងឺកូវីដ - ១៩ នៅកំឡុងពេលមុន ក្នុងនិងក្រោយបុណ្យចូលឆ្នាំថ្មីប្រពៃណី សមាគមព្រះសង្ឃសាមគ្គីស្នេហាជាតិ គណៈកម្មការវត្តនិងព្រះចៅអធិការវត្ត ខ្មែរ កាន់ពុទ្ធសាសនាទក្ខិណនិកាយនានានៅតំបន់ ណាមបូ បានផ្សព្វផ្សាយ ចលនាបងប្អូនជនជាតិ ខ្មែរ រៀបចំបណ្ដាសកម្មភាពទទួលស្វាគមន៍ឆ្នាំថ្មីប្រពៃណីដោយទ្រង់ទ្រាយសមល្មម ជាសំខាន់គឺក្នុងចំណោមគ្រួសារ មិនចាត់តាំងពិធីជប់លៀង កាត់បន្ថយរាល់សកម្មភាពប្រមូលផ្ដុំជួបជុំគ្នាកុះករ។ ក្នុងអំឡុងថ្ងៃបុណ្យចូលឆ្នាំថ្មីប្រពៃណីដែលបានប្រព្រឹត្តឡើងចាប់ពីថ្ងៃទី ១៣ - ១៦ ខែ មេសា ឆ្នាំ ២០២០ កន្លងទៅថ្មីៗ បណ្តាវត្ត ខ្មែរ កាន់ពុទ្ធសាសនាទក្ខិណនិកាយ មិនបានប្រារព្ធ ឬក៏ប្រារព្ធដោយសង្ខេបបំផុតបណ្ដាពិធីកិច្ចសំខាន់ៗ នៃពិធីបុណ្យដូចជា៖ ពិធីស្រង់ទឹកព្រះ ដង្ហែមហាសង្ក្រាន្ត ពូនភ្នំខ្សាច់ បង្សកូល…។

យោងតាមការកត់សម្គាល់ ពិធីបុណ្យចូលឆ្នាំថ្មីប្រពៃណីឆ្នាំ ២០២០ របស់បងប្អូនជនជាតិ ខ្មែរ នៅ ណាមបូ បានប្រព្រឹត្តិឡើងក្នុងបរិយាកាសពិសេស ក្នុងភាពសង្រួមស្មឹងស្មាធិ៍ ខុសពីរាល់ឆ្នាំដូចសេចក្ដីផ្ដាំផ្ញើក្នុងលិខិតជូនពរឆ្នាំថ្មីរបស់លោកនាយករដ្ឋមន្រ្តី ង្វៀនស៊ន់ភុក៖ “ពិធីបុណ្យចូលឆ្នាំថ្មីប្រពៃណីឆ្នាំនេះក៏នឹងពោរពេញដោយអត្ថន័យនិងជឿជាក់ទៅលើសំណាងល្អ ប្រការដ៏ល្អប្រពៃ ប៉ុន្តែនឹងមានភាពសង្រួមស្មឹងស្មាធិ៍ជាងជាមួយនឹងការដែលបងប្អូនរួមជាតិ សមមិត្តទាំងឡាយ ព្រះសង្ឃគ្រប់ព្រះអង្គ រួមគ្នាអនុវត្តថិធានការក្សាគម្លាតសុវត្ថិភាពពីសង្គម”៕

បឹងបួ - បាសាក់