អ្នកមានប្រជាប្រិយភាពនៅខេត្ត ត្រាវិញ នាពេលកន្លងទៅបានចលនាបងប្អូនជនជាតិភាគតិចចូលរួមវិភាគទានជាង ៧,៦ ពាន់លានដុង ជិត ២ ម៉ឺនថ្ងៃពលកម្ម បរិច្ចាកដីដាំដំណាំជាង ១៦៧.០០០ ម៉ែត្រការ៉េដើម្បីធ្វើសំណង់ផ្លូវគមនាគមន៍ជនបទ សាលារៀន អគារប្រជុំជីវភាពសហគមន៍ កសាងផ្លូវជាង ៤,៨ គីឡូម៉ែត្រ ស្ពានចរាចរណ៍ជនបទ ដំឡើងបង្គោលភ្លើងបំភ្លឺផ្លូវចំនួន ៥៤៩ កសាងគំរូសេដ្ឋកិច្ចប្រកបដោយចីរភាពចំនួន ១២៩ ដោយមានក្រុមគ្រួសារចូលរួមជាង ១.៥០០ គ្រួ។
អ្នកមានប្រជាប្រិយភាពចូលរួមសម្រុះសម្រួលការវិវាទ ទំនាស់ទាស់ទែងកើតមានឡើងនៅក្នុងមូលដ្ឋានទាន់ពេលវេលា មិនទុកអោយ "ចំណុចក្តៅ" "ចំណុចស្មុគស្មាញ" កើតមានឡើង។ ពួកគាត់ថែមទាំងមានការរួមវិភាគទានដ៏សំខាន់ក្នុងការអភិរក្សនិងពង្រីកតម្លៃវប្បធម៌ប្រពៃណី ថែរក្សាទំនៀមទម្លាប់ដ៏ល្អប្រសើរភាសានិយាយ អក្សរសរសេររបស់ជនជាតិ។ល។
អ្នកមានប្រជាប្រិយភាពបានក្លាយជាទីពំនឹងរបស់សហគមន៍លំនៅឋានប្រជាជន រួមចំណែក ជួយខេត្ត ត្រាវិញ សម្រេចភារកិច្ចកសាងជនបទថ្មីសម្រេចរួចរាល់ស្ទើរតែទាំងស្រុង។
រហូតមកទល់ពេលនេះ ឃុំចំនួន ៨៥ ក្នុងចំណោមឃុំទាំង ៨៥ ក្នុងខេត្តសម្រេចបានស្តង់ដារជនបទថ្មីចំនួន ៥១ ឃុំជនបទថ្មីកម្រិតលើកកម្ពស់ ឃុំជនបទថ្មីគំរូចំនួន ៩។ ស្រុក ទីរួមស្រុក ទីក្រុងចំនួន ៩ ក្នុងចំណោមស្រុកទីរួមស្រុក ទីក្រុងទាំង ៩ ត្រូវបាននាយករដ្ឋមន្ត្រីនៃរដ្ឋាភិបាលទទួលស្គាល់សម្រេចបានស្តង់ដារនិងសម្រេចភារកិច្ចកសាងជនបទថ្មីរួចរាល់៕
អត្ថបទនិងរូបថត៖ ថាញ់ហ្វា
បញ្ចូលទិន្នន័យដោយ៖ យ័ញលើយ
