ខិតខំប្រឹងប្រែងកែលម្អស្ថានភាពចរាចរណ៍នៅទីក្រុង ហូជីមិញ

ដើម្បីកាត់បន្ថយបន្តិចម្ដងៗ ស្ថានភាពកកស្ទះចរាចរណ៍ពីឆ្នាំ ២០១៦ មក ទល់ពេលនេះ ទីក្រុង ហូជីមិញ បានសម្រេចជាស្ថាពរ ៥១ គម្រោងផ្លូវគមនា គមន៍សំខាន់ សម្រេចបានអត្រាជិត ៣០%។

មហាវិថី វ៉វ៉ាន់កៀត - ខ្សែផ្លូវគមនាគមន៍យុទ្ធសាស្ត្រតំណភ្ជាប់ទីក្រុង ហូជីមិញ ជាមួយនឹងខេត្តទាំងឡាយដែលស្ថិតក្នុងតំបន់សេដ្ឋកិច្ចគោលដៅភាគខាងត្បូង

អាស្រ័យហេតុដូច្នេះ បច្ចុប្បន្នទីក្រុងនៅមានចំណុចកកស្ទះចរាចរណ៍តែ ២២ កន្លែងប៉ុណ្ណោះ (ឆ្នាំ ២០១៦ គឺមាន ៣៧ ចំណុចកកស្ទះ) ស្ថានភាពចរាចរណ៍មានការវិវត្តវិជ្ជមានជាច្រើន។

ចំណុចប្រសព្វចរាចរណ៍ អានសឿង ត្រូវបានសម្រេចរួចរាល់ជាស្ថាពរនៅខែ កញ្ញា ឆ្នាំ ២០២០ រួមមាន៖ ផ្លូវរូងក្រោមដី ស្ពានអាកាសនិងផ្លូវផ្ទាល់ដី

ដើម្បីបន្តកែលម្អស្ថានភាពចរាចរណ៍ ពីពេលនេះរហូតដល់ដំណាច់ឆ្នាំ ២០២០ ទីក្រុង ហូជីមិញ នឹងពន្លឿនល្បឿននៃ ការសាងសង់សំណង់ គម្រោងគោល ដៅទាំងឡាយ ព្រមទាំងកសាងក្រមលក្ខណៈវិនិច្ឆ័យវាយតម្លៃកម្រិត អាទិ ភាពសម្រាប់វិនិយោគអភិវឌ្ឍហេដ្ឋារចនាសម្ព័ន្ធគមនាគមន៍។

ស្ពានដែកថែប អានភូដុង កំពុងស្ថិតក្នុងដំណាក់កាលសម្រេចជាស្ថាពរ ជំនួសឲ្យកំពង់សាឡាង អានភូដុង ជួយសម្រួលចរាចរណ៍ពីខណ្ឌលេខ ១២ ចូលទៅកាន់ទីកណ្តាលទីក្រុង ហូជីមិញ ងាយស្រួលជាង

ក្រមលក្ខណៈវិនិច្ឆ័យនេះនឹងធ្វើជាមូលដ្ឋានសម្រាប់ការសិក្សា ស្រាវជ្រាវការលើកសំណើពីគោលការណ៍វិនិយោគ ជ្រើសរើសគម្រោងគោលដៅបន្ទាន់ផ្សេងដែលសមស្របទៅនឹងទិសដៅដែលបានកំណត់និងគោលដៅអភិវឌ្ឍន៍សេដ្ឋកិច្ច - សង្គមក្នុងដំណាក់កាល ២០២០ - ២០៣០។

ផ្លូវដែកខ្សែមេត្រូលេខ ១ (បេនថាញ់ - ស៊ួយតៀន) ត្រូវបានរំពឹងទុកថានឹងបង្កការទម្លុះភាពទល់ច្រក់ក្នុងការធ្វើចរាចរណ៍អ្នកដំណើរសាធារណៈ

នៅចំពោះមុខ ក្នុងដំណាក់កាល ២០២១ - ២០២៥ ទីក្រុង ហូជីមិញ នឹងដាក់ដំណើរការគម្រោងមួយចំនួន ដើម្បីបង្កើនសមត្ថភាពតំណភ្ជាប់ចរាចរណ៍អន្តរតំបន់នៅ ត្រង់ម្ដុំច្រកទ្វារប៉ែកពាយព្យ ជាក់ស្តែងដូចជា៖ គម្រោងកែ លម្អ បើកទូលាយផ្លូវជាតិលេខ ២២ ខ្សែផ្លូវល្បឿនលឿនទីក្រុង ហូជីមិញ - ម៉ុកបាយ (ខេត្ត តីនិញ) ផ្លូវខ្សែក្រវ៉ាត់ទី ៣ ត្រង់កំណាត់ផ្លូវឆ្លងកាត់ទីក្រុង ហូជីមិញ…៕

អត្ថបទនិងរូបថត៖ តៀនលឹក -  ភុកថាញ់