![មិនត្រឹមតែអភិវឌ្ឍការចិញ្ចឹមជលផល បណ្តាក្រុមគ្រួសារបានប្រគល់ម៉ៅការដីព្រៃនៅស្រុក ហនដឹត ក៏ផ្តោតសំខាន់លើការដាំដុះ ថែទាំ ការពារព្រៃឈើទៀតផង Phat trien kinh te gan bao ve rung o Kien Giang 1.jpg](https://imagev3.dantocmiennui.vn/w1000/Uploaded/2024/khuosvp/2024_07_12/phat-trien-kinh-te-gan-bao-ve-rung-o-kien-giang-1-4211.jpg)
លោក ត្រឹន យុយខាញ់ នៅភូមិ វ៉ាមបៀន ឃុំ លិញហ្វ៊ិញ ស្រុក ហនដឹត (ខេត្ត កៀនយ៉ាង) ពេលទើបទទួលដីប្រគល់ម៉ៅការបានវារីវប្បកម្មមិនផ្តល់ប្រសិទ្ធភាព។ ចាប់ពីឆ្នាំ ២០១៧ គ្រួសារលោកកែប្រែនិងបែងចែកចេញជាអនុមណ្ឌលដើម្បីចិញ្ចឹមត្រីតុកកែ បង្កង។ "ដោយមានផ្ទៃទឹកចិញ្ចឹមជាង ២ ហិកតា ខ្ញុំព្រលែងត្រីពូជជាមធ្យមពី ២.០០០ ដល់ ៥.០០០ ក្បាល ប្រមូលផលត្រីបានប្រហែល ២ ដល់ ៣ តោនក្នុងមួយឆ្នាំ។ អាស្រ័យដោយប្រភពចំណីពីធម្មជាតិជាចម្បងបានជាប្រាក់ចំណេញខ្ពស់ជាបង្គួរ ប្រហែល ២០០ ដល់ ៣០០ លានដុងក្នុងមួយឆ្នាំ" លោក ខាញ់ ចែករំលែកដូច្នេះ។
![ការដ្ឋានសាងសង់ផ្លូវទំនប់ជាប់មាត់សមុទ្រតភ្ជាប់ទីក្រុង រ៉ាច់យ៉ា នឹងស្រុក កៀនលឿន ភូមិសាស្រ្តឃុំ លិញហ្វ៊ិញ ស្រុក ហនដឹត នឹងបង្កលក្ខណៈងាយស្រួលដើម្បីអភិវឌ្ឍទេសចរណ៍អេកូឡូស៊ីជាប់ព្រៃការពារ Phat trien kinh te gan bao ve rung o Kien Giang 3.jpg](https://imagev3.dantocmiennui.vn/w1000/Uploaded/2024/khuosvp/2024_07_12/phat-trien-kinh-te-gan-bao-ve-rung-o-kien-giang-3-392.jpg)
គ្រួសារលោក យ័ញទ្រុង នៅឃុំ ថូសឺន ស្រុក ហនដឹត ធ្លាប់នៅក្នុងក្របខណ្ឌក្រុមគ្រួសារ ខ្មែរ ក្រីក្រ។ ឆ្នាំ ២០១៣ គ្រួសារលោកបានអាជ្ញាធរមូលដ្ឋានប្រគល់ម៉ៅការដីព្រៃ ៣ ហិកតាដើម្បីថែទាំ ការពារព្រៃឈើផង ដើម្បីវារីវប្បកម្មផង។ "មកទល់ឆ្នាំ ២០១៦ ខ្ញុំទិញក្តាមពូជនិងបង្គារខ្លាយកមកព្រលែងចូលស្រះ ព្រមទាំងស្តារប្រភពទឹក ប្រភពចំណីធម្មជាតិ។ អាស្រ័យដោយហេតុនោះ គ្រួសារប្រមូលផលបង្គារ ក្តាម ត្រីជាង ១ តោន ប្រាក់ចំណេញប្រហែល ១០០ លានដុង ក្នុងមួយឆ្នាំ" លោក ទ្រុង មានប្រសាសន៍។
![ចិញ្ចឹមជលផលក្រោមម្លប់ឈើព្រៃជួយប្រជាជនជាប់មាត់សមុទ្រជាច្រើនក្រុមគ្រួសារនៅស្រុក ហនដឹត ក្លាយជាធូរធារ ផ្ទះសំបែងធំទូលាយជាងមុន Phat trien kinh te gan bao ve rung o Kien Giang 8.jpg](https://imagev3.dantocmiennui.vn/w1000/Uploaded/2024/khuosvp/2024_07_12/phat-trien-kinh-te-gan-bao-ve-rung-o-kien-giang-8-5336.jpg)
លោក យឿង មិញតឹម ប្រធានគណៈកម្មាធិការប្រជាជនស្រុក ហនដឹត បានអោយដឹងថា គំរូសេដ្ឋកិច្ចក្រោមម្លប់ឈើព្រៃការពារនៅលើមូលដ្ឋានបានពង្រីកប្រសិទ្ធភាព ជួយកែលម្អមធ្យោបាយចិញ្ចឹមជីវិតជូនប្រជាជន ជាពិសេសគឺចំពោះក្រុមគ្រួសារក្រីក្រ ក្រុមគ្រួសារបងប្អូនជនជាតិភាគតិច។ "ដើម្បីអភិវឌ្ឍចីរភាពគំរូជលផលក្រោមម្លប់ឈើព្រៃ ស្រុកនឹងបន្តវិនិយោគ ដាក់ដំណើរការកម្មវិធី គម្រោង ឧបត្ថម្ភប្រជាជនអនុវត្តវិទ្យាសាស្រ្ត - បច្ចេកទេសក្នុងផលិតកម្ម គួបផ្សំនឹងទេសចរណ៍ អេកូឡូស៊ីក្រោមម្លប់ឈើព្រៃ" លោក យឿង មិញតឹម អោយដឹងបន្ថែម។
![កសិករឃុំ លិញហ្វ៊ិញ ស្រុក ហនដឹត ប្រមូលផលបង្គាក្នុងស្រះនៅក្នុងតំបន់ព្រៃការពារ Phat trien kinh te gan bao ve rung o Kien Giang 5.jpg](https://imagev3.dantocmiennui.vn/w1000/Uploaded/2024/khuosvp/2024_07_12/phat-trien-kinh-te-gan-bao-ve-rung-o-kien-giang-5-7136.jpg)
យោងតាមលោក ឡេ ហ៊ឺវទាន់ នាយកមន្ទីរកសិកម្មនិងអភិវឌ្ឍន៍ជនបទខេត្ត កៀនយ៉ាង រហូតមកទល់ពេលនេះ ខេត្តបានប្រគល់ម៉ៅការជូនជាង ១.៩០០ ក្រុមគ្រួសារធ្វើការដាំព្រៃនិងធ្វើអាជីវកម្មផ្ទៃទឹកចិញ្ចឹមជលផល។
![លោក ត្រឹន យុយខាញ់ នៅភូមិ វ៉ាមបៀន ឃុំ លិញហ្វ៊ិញ ស្រុក ហនដឹត ដោយមានគំរូចិញ្ចឹមត្រីតុកកែ Phat trien kinh te gan bao ve rung o Kien Giang 6.jpg](https://imagev3.dantocmiennui.vn/w1000/Uploaded/2024/khuosvp/2024_07_12/phat-trien-kinh-te-gan-bao-ve-rung-o-kien-giang-6-6475.jpg)
លោក ឡេ ហ៊ឺវទាន់ ផ្តល់ព័ត៌មានថា៖ "ភាពជោគជ័យនៃគំរូសេដ្ឋកិច្ចក្រោមម្លប់ឈើព្រៃជាទិសដៅត្រឹមត្រូវសម្រាប់ប្រជាជនក្នុងលក្ខខណ្ឌបម្រែបម្រួលអាកាសធាតុដូចបច្ចុប្បន្ននេះ រួមចំណែកក្នុងដំណើរការអភិវឌ្ឍសេដ្ឋកិច្ច - សង្គមនៅតាមមូលដ្ឋានជាប់មាត់សមុទ្រ"៕
អត្ថបទនិងរូបថត៖ វ៉ាន់ស៊ី
បញ្ចូលទិន្នន័យពីកាសែតបោះពុម្ពខែ មិថុនា៖ យ័ញលើយ