កាលពីថ្ងៃទី ៣ ខែ មករា ក្រុមហ៊ុន Mercedes-Benz បានបង្ហាញរថយន្តអគ្គិសនីថ្មីរបស់ខ្លួនឈ្មោះ Vision EQXX ថារថយន្តនេះអាចបើកបរបានចម្ងាយ ៦៤៨ ម៉ាយ (១.០៤២ គីឡូម៉ែត្រ) ក្នុងពេលសាកភ្លើងគ្រប់គ្រាន់។
ទោះបីនៅជារថយន្តគំរូក៏ដោយ ក៏ប៉ុន្តែរថយន្តនេះឥឡូវទទួលបានកំណត់ត្រាសម្រាប់រថយន្ត EV ដែលមានរយៈចម្ងាយច្រើនជាងគេលើការសាកភ្លើងពេញ ដោយរថយន្ត Lucid ផ្តល់រយៈចម្ងាយ ៨៣៦ គីឡូម៉ែត្រ និង Tesla ផ្តល់រយៈចម្ងាយ ៦៧៥ គីឡូម៉ែត្រ។
![កាលពីថ្ងៃទី ៣ ខែ មករា រថយន្ត Vision EQXX ត្រូវបានដាក់បង្ហាញតាមអនឡាញនៅក្នុងកម្មវិធីពិព័រណ៍គ្រឿងអេឡិចត្រូនិច (CES) ក្រុមហ៊ុន Mercedes-Benz បង្ហាញរថយន្តអគ្គិសនីអាចបើកបរជាង ១០០០ គីឡូម៉ែត្រក្នុងពេលសាកភ្លើងពេញ ảnh 1](https://imagev3.dantocmiennui.vn/w1000/Uploaded/2024/veioxdrkxr/2022_01_12/60_rasmeinews2.jpg)
រថយន្ត Vision EQXX ត្រូវបានដាក់បង្ហាញតាមអនឡាញនៅក្នុងកម្មវិធីពិព័រណ៍គ្រឿងអេឡិចត្រូនិច (CES) ខណៈ Mercedes គឺជាក្រុមហ៊ុនមួយក្នុងចំណោមក្រុមហ៊ុនជាច្រើនដែលបានជ្រើសរើសមិនចូលរួមដោយផ្ទាល់ដោយសារព្រួយបារម្ភអំពីមេរោគកូរ៉ូណា។
![រថយន្តនេះអាចបើកបរបានចម្ងាយ ៦៤៨ ម៉ាយ (១.០៤២ គីឡូម៉ែត្រ) ក្នុងពេលសាកភ្លើងពេញ ក្រុមហ៊ុន Mercedes-Benz បង្ហាញរថយន្តអគ្គិសនីអាចបើកបរជាង ១០០០ គីឡូម៉ែត្រក្នុងពេលសាកភ្លើងពេញ ảnh 2](https://imagev3.dantocmiennui.vn/w1000/Uploaded/2024/veioxdrkxr/2022_01_12/61_rasmeinews1.jpg)
រថយន្ត EQXX គឺប្រើប្រាស់ថាមពលពន្លឺព្រះអាទិត្យនិងត្រូវបានរចនាឡើងជាមួយនឹងសម្ភារៈកែច្នៃឡើងវិញ និងមាននិរន្តរភាព រួមមានសរសៃផ្សិត ប្រទាលដំបងយក្ស និងសំរាមដូចជាសំណល់អាហារជាដើម។
![ក្រុមហ៊ុន Mercedes-Benz បង្ហាញរថយន្តអគ្គិសនីអាចបើកបរជាង ១០០០ គីឡូម៉ែត្រក្នុងពេលសាកភ្លើងពេញ ảnh 3](https://imagev3.dantocmiennui.vn/w1000/Uploaded/2024/veioxdrkxr/2022_01_12/62_rasmeinews1.jpg)
![នៅខាងក្នុងមានអេក្រង់មានភាពច្បាស់ខ្ពស់លាតសន្ធឹងលើទទឹងលើកុងទ័រ សាកសមនឹងរថយន្តអគ្គិសនីទំនើប ក្រុមហ៊ុន Mercedes-Benz បង្ហាញរថយន្តអគ្គិសនីអាចបើកបរជាង ១០០០ គីឡូម៉ែត្រក្នុងពេលសាកភ្លើងពេញ ảnh 4](https://imagev3.dantocmiennui.vn/w1000/Uploaded/2024/veioxdrkxr/2022_01_12/63_rasmeinews1.jpg)
ទោះយ៉ាងណា រថយន្តនេះមិនទាន់បានបើកបរលើដងផ្លូវនៅឡើយទេ ប៉ុន្តែក្រុមហ៊ុន Mercedes ផ្អែករយៈចម្ងាយរបស់រថយន្តនេះលើការធ្វើតេស្តិ៍លើកុំព្យូទ័រ។ ក្រុមហ៊ុនគ្រោងនឹងបញ្ចេញរថយន្តនេះនៅលើផ្លូវពិតប្រាកដនារដូវផ្ការីកនេះ៕
ដកស្រង់និងកែសម្រួលពីរស្មីកម្ពុជាដោយ៖ ចន្ថា