ក្រុមហ៊ុន វ៉ូឡូខប់ធឺ ( Volocopter) បានបញ្ចប់ការហោះហើរលើកដំបូងដោយជោគជ័យនៃឡានតាក់ស៊ីអាកាស វ៉ូឡីស៊ីធី (VoloCity) ដើរដោយអគ្គិសនីទាំងស្រុងលើកដំបូងបង្អស់របស់ខ្លួន ដែលបានអះអាងថា អាចផ្លាស់ប្តូរការធ្វើដំណើរក្នុងទីក្រុងបាន។
កាលពីថ្មីៗ កន្លងទៅ នៅទីក្រុង ប៉ារីស ប្រទេស បារាំង តាក់ស៊ីហោះនិងចុះចតបញ្ឈរត្រង់ ដែលមើលទៅដូចជាដ្រូនយក្ស មានស្លាបចក្រ ១៨ បានហោះចេញពីអាកាសយានដ្ឋាន ប៉ុងធ័ស (Pontoise) ហើយ។
ឡានតាក់ស៊ីអាកាស VoloCity នឹងត្រូវប្រើសម្រាប់ដឹកភ្ញៀវនៅព្រឹត្តិការណ៍អូឡាំពិកទីក្រុង ប៉ារីស ក្នុងឆ្នាំ ២០២៤
នៅក្នុងវីដេអូនៃការហោះហើរដែលទើបចេញផ្សាយ មើលប្រហាក់ប្រហែលនឹងឧទ្ធម្ភាគចក្រទូទៅ ខណៈដែលវាហោះពីលើដីត្រឹមតែមួយនាទី មុនពេលចុះចតយ៉ាងរលូននៅលើវាលស្មៅ។
ក្រុមហ៊ុន អាល្លឺម៉ង់ បានប្រាប់ថា ខ្លួនចង់ក្លាយជាក្រុមហ៊ុន "Boeing, Lufthansa និង Uber ប៉ុន្តែនៅក្នុងក្រុមហ៊ុនតែមួយ"។
ឡានតាក់ស៊ីអាកាស VoloCity នឹងត្រូវប្រើសម្រាប់ដឹកភ្ញៀវនៅព្រឹត្តិការណ៍អូឡាំពិកទីក្រុង ប៉ារីស ក្នុងឆ្នាំ ២០២៤
ការហោះហើរសាកល្បងនេះគឺមានគោលបំណងឱ្យតាក់ស៊ីអាកាស VoloCity របស់ខ្លួនអាចដំណើរការបានទាន់ពេលវេលាដើម្បីផ្តល់សេវាដឹកអ្នកដំណើរនៅព្រឹត្តិការណ៍អូឡាំពិកទីក្រុង ប៉ារីស ក្នុងឆ្នាំ ២០២៤៕
ដកស្រង់និងកែសម្រួលពីរស្មីកម្ពុជាដោយ៖ សិរីសួស្តី
