កាលពីខែ ឧសភា ក្រុមហ៊ុន Land Rover បានបង្ហាញពីចំណុចខ្លាំងដ៏អស្ចារ្យរបស់រថយន្ត Range Rover Sport យ៉ាងមានទំនុកចិត្តបំផុតនូវសមត្ថភាព Off-road ជំនាន់ទីបីថ្មីរបស់ខ្លួន ដែលអាចបើកបរយ៉ាងរលូនអាចឆ្លងកាត់ទឹកហូរដ៏ខ្លាំងក្លាធ្លាក់ចុះពីទំនប់ទឹកធំមួយនៅ អ៊ីស្លង់។
ការបង្ហាញដើម្បីសម្គាល់ការដាក់លក់ជាសកលនៃរថយន្តប្រណីត 4X4 ថ្មីដែលផលិតដោយចក្រភព អង់គ្លេស បានធ្វើឡើងនៅទំនប់ ការ៉ាញ់ជូកា (Karahnjukar) កន្លែងដែលលំហូរទឹកធ្លាក់ចុះក្រោមបញ្ចេញកម្លាំងក្នុងកម្រិត ៧៥០ តោនក្នុងមួយនាទីចុះដល់ផ្លូវចុងក្រោយប្រវែង ២៩៤ ម៉ែត្រ។
![ក្រុមហ៊ុន Land Rover បានបង្ហាញពីចំណុចខ្លាំងរបស់រថយន្ត Range Rover Sport ដែលអាចបើកបរយ៉ាងងាយស្រួលខណៈពេលឆ្លងកាត់ទំនប់ ការ៉ាញ់ជូកា រថយន្ត Range Rover Sport ស៊េរីថ្មីបង្ហាញសមត្ថភាព Off-road ដ៏អស្ចារ្យនៅទំនប់ទឹកធំមួយនៅ អ៊ីស្លង់ ảnh 1](https://imagev3.dantocmiennui.vn/w1000/Uploaded/2024/veioxdrkxr/2022_05_19/screenshot051122at0321pm003.png)
ការបើកបរនេះត្រូវបានអនុវត្តដោយអ្នកបើកជំនួសតួ ០០៧ គឺលោក ជេសស៊ីកា ហក់ឃីន (Jessica Hawkins) ដែលការបើកបរដ៏សាហាវរបស់គាត់ត្រូវបានរៀបចំឡើងដើម្បីបង្ហាញពីសមត្ថភាពដ៏ខ្លាំងក្លានិងសមត្ថភាព Off-road ដ៏គួរឱ្យចាប់អារម្មណ៍នៃរថយន្ត SUV ដែលកំពុងពេញនិយមនេះ។
វាជាចំណុចកំពូលនៃដំណើរផ្សងព្រេងឆ្លងកាត់ទេសភាពភ្នំភ្លើងនៅលើប្រទេសកោះនេះដោយឆ្លងកាត់ថ្មភ្នំរដិបរដុបនិងផ្លូវរូងក្រោមដីលិចទឹកជាច្រើន។
![រថយន្ត Range Rover Sport ជំនាន់ទីបីអាចបើកកាត់លំហូរទឹកដ៏ខ្លាំងក្លាដោយគ្មានបញ្ហាអ្វីសោះឡើយ រថយន្ត Range Rover Sport ស៊េរីថ្មីបង្ហាញសមត្ថភាព Off-road ដ៏អស្ចារ្យនៅទំនប់ទឹកធំមួយនៅ អ៊ីស្លង់ ảnh 2](https://imagev3.dantocmiennui.vn/w1000/Uploaded/2024/veioxdrkxr/2022_05_19/screenshot051122at0322pm003.png)
រថយន្ត Range Rover Sport ថ្មីខ្លាំងជាងត្រកូល Range Rover ស៊េរីថ្មីអាចនៅក្រោមទឹកជម្រៅ ៩០០ មីល្លីម៉ែត្រ ដូច្នេះវាមិនលិចក្រោមទឹកទាំងស្រុងនោះទេ។
![ដោយមានតម្លៃចាប់ពី ៩៧.៦០០ ដុល្លារ រថយន្ត Range Rover Sport ចាប់ផ្តើមចេញលក់ឥឡូវនេះហើយ រថយន្ត Range Rover Sport ស៊េរីថ្មីបង្ហាញសមត្ថភាព Off-road ដ៏អស្ចារ្យនៅទំនប់ទឹកធំមួយនៅ អ៊ីស្លង់ ảnh 3](https://imagev3.dantocmiennui.vn/w1000/Uploaded/2024/veioxdrkxr/2022_05_19/screenshot051122at0325pm.png)
ដោយមានតម្លៃចាប់ពី ៩៧.៦០០ ដុល្លារ រថយន្ត Range Rover Sport ចាប់ផ្តើមចេញលក់ឥឡូវនេះជាមួយនឹងប្រភេទហាយប្រ៊ីដម៉ាស៊ីនសាំង - អគ្គិសនី (PHEV) ប្រភេទម៉ាស៊ីនសាំងនិងប្រភេទម៉ាស៊ីនម៉ាស៊ូត ដោយការចែកចាយលើកដំបូងនឹងចាប់ផ្តើមពីខែ កញ្ញា។
![រថយន្ត Range Rover Sport ចាប់ផ្តើមចេញលក់ជាមួយនឹងប្រភេទហាយប្រ៊ីដម៉ាស៊ីនសាំង - អគ្គិសនី (PHEV) ប្រភេទម៉ាស៊ីនសាំងនិងប្រភេទម៉ាស៊ីនម៉ាស៊ូតនឹងចាប់ផ្តើមពីខែ កញ្ញា រថយន្ត Range Rover Sport ស៊េរីថ្មីបង្ហាញសមត្ថភាព Off-road ដ៏អស្ចារ្យនៅទំនប់ទឹកធំមួយនៅ អ៊ីស្លង់ ảnh 4](https://imagev3.dantocmiennui.vn/w1000/Uploaded/2024/veioxdrkxr/2022_05_19/screenshot051122at0325pm001.png)
រថយន្ត Range Rover ដែលប្រើអគ្គីសនីសុទ្ធនឹងត្រូវដាក់ឱ្យដំណើរការក្នុងរយៈពេលពីរឆ្នាំទៀតក្នុងឆ្នាំ ២០២៤៕
ដកស្រង់និងកែសម្រួលពីរស្មីកម្ពុជាដោយ៖ ចន្ទ រាជនី