លើតំបន់វាលស្រែស្រុក ដាតែហ៍ (ខេត្ត ឡឹម ដុង) កំពុងតែលេចឡើងពូជស្រូវមួយដែលមិនត្រឹមតែជួយប្រជាជនអោយក្លាយជាអ្នកមានប៉ុណ្ណោះទេ ថែមទាំងជាផលិតផលពិសេសប្រចាំតំបន់របស់បងប្អូនបណ្តាជនជាតិភាគតិច តៃ នុង ទៀតផង។ នោះគឺជាពូជដំណើបឃ្វិច ដាតែហ៍ ផ្ដល់ក្លិនក្រអូបឆ្ងាញ់ គ្រាប់ណែនក្តន់ ផ្ទុកសារធាតុចិញ្ចឹមកម្រិតខ្ពស់។
![វាលស្រែដំណើបឃ្វិច ដាតែហ៍ (ខេត្ត ឡឹមដុង) ក្នុងរដូវកាលប្រមូលផល ដំណើបឃ្វិច ដាតែហ៍ ảnh 1](https://imagev3.dantocmiennui.vn/w1000/Uploaded/2024/yutnkt/2021_11_09/h1.jpg)
នាពេលបច្ចុប្បន្ននេះ ស្រុក ដាតែហ៍ មានផ្ទៃដីធ្វើស្រូវដំណើបឃ្វិចប្រមាណជា ៤៥០ ហិកតា ទិន្នផល ជាង ៥ តោនក្នុងមួយហិកតា។ ជាធម្មតា រដូវកាលចម្បងនៃដំណើបឃ្វិចចាប់ផ្តើមពីចុងខែទី ១១ ដល់ ដើមខែទី ១២ ចន្ទគតិជារៀងរាល់ឆ្នាំ។ ទីផ្សារចម្បងៗ របស់ដំណើបឃ្វិច ដាតែហ៍ គឺនៅតាមបណ្ដាខេត្ត ក្រុងក្នុងតំបន់ ណាមបូ (ភូមិភាគខាងត្បូង) ដូចជា ទីក្រុង ហូជីមិញ ដុងណាយ វុងតៅ។ល។ រីឯផលិតផល ដំណើបឃ្វិចសរីរាង្គ ដាតែហ៍ ត្រូវបានសហគ្រាស មួយចងសម្ព័ន្ធគ្នា ចុះកិច្ចសន្យាប្រមូលទិញនិង នាំចេញទៅទីផ្សារ អាល្លឺម៉ង់។
![ដំណើបឃ្វិច ដាតែហ៍ មានក្លិនក្រអូបឆ្ងាញ់ គ្រាប់ណែន ក្តន់ ផ្ទុកសារធាតុ ចិញ្ចឹមកម្រិតខ្ពស់ ដំណើបឃ្វិច ដាតែហ៍ ảnh 2](https://imagev3.dantocmiennui.vn/w1000/Uploaded/2024/yutnkt/2021_11_09/h8.jpg)
ដំណើបឃ្វិច ដាតែហ៍ ត្រូវបាននាយកដ្ឋានកម្មសិទ្ធិបញ្ញា (ក្រសួងវិទ្យាសាស្រ្តនិងបច្ចេកវិទ្យា) ផ្តល់ស្លាកសញ្ញាសិទ្ធិផ្តាច់មុខតាំងពីឆ្នាំ ២០១៦ ហើយ។ ឆ្នាំ ២០១៩ ផលិតផលនេះ ត្រូវបានទទួលស្គាល់ លំដាប់ផ្កាយ ៤ ថ្នាក់ខេត្តក្នុងកម្មវិធី OCOP (ឃុំ សង្កាត់មួយផលិតផលមួយ)។
![ប្រជាជនឃុំ អានញើន ស្រុក ដាតែហ៍ វេចខ្ចប់ដំណើបឃ្វិចមុនពេលនាំយក ផលិតផលចេញទៅទីផ្សារ ដំណើបឃ្វិច ដាតែហ៍ ảnh 3](https://imagev3.dantocmiennui.vn/w1000/Uploaded/2024/yutnkt/2021_11_09/h10.jpg)
យោងតាមលោក ផាម ស៊ន់ទៀន ប្រធានការិយាល័យកសិកម្មស្រុក ដាតែហ៍ បានអោយដឹងថា៖ បន្ទាប់ពីត្រូវបានចាត់ ចំណាត់ថ្នាក់ OCOP រួចមកដំណើបឃ្វិច ដាតែហ៍ ត្រូវបានអតិថិជនស្គាល់ដល់កាន់ តែច្រើនថែមទៀត សហគ្រាសខ្លះថែមទាំងបានចុះទៅដល់មូលដ្ឋាន ផ្ទាល់ដើម្បីប្រមូលទិញផលិតផលពិសេសប្រចាំតំបន់នេះទៀតផង៕
អត្ថបទនិងរូបថត៖ ង្វៀនយុង
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ តុលា ដោយ៖ សឺនហេង