ក្នុងប៉ុន្មានឆ្នាំថ្មីៗ នេះ ផ្ដើមពីការរានឆ្ការដីចោលទំនេរ យ៉ាងសកម្ម ហើយធ្វើបរិវត្តកម្មពីមុខដំណាំដែលផ្ដល់ ប្រសិទ្ធភាពសេដ្ឋកិច្ចទាបដូចជាពោត ដំឡូង មី ស្រូវ ងាក មកដាំដំណាំកាហ្វេនោះ ជីវភាពរស់នៅរបស់បងប្អូន ជនជាតិ ម៉ុង នៅឃុំ ទ័រទិញ ស្រុក ទន់យ៉ាវ (ខេត្ត ដៀន បៀន) បានកែលម្អគួរអោយកត់សម្គាល់ហើយ។
![ក្តីរីករាយត្រេកអររបស់បងប្អូនជនជាតិ ម៉ុង នៅឃុំ ទ័រទិញ ស្រុក ទន់យ៉ាវ (ខេត្ត ដៀនបៀន) ពេលរដូវកាលកាហ្វេឆ្នាំនេះអំណោយផលល្អ លក់បានថ្លៃ ជនជាតិ ម៉ុង អភិវឌ្ឍសេដ្ឋកិច្ចពីដំណាំកាហ្វេ ảnh 1](https://imagev3.dantocmiennui.vn/w1000/Uploaded/2024/yutnkt/2021_12_27/1ca_phe_xa_toa_tinhxuan_tupha_din.jpg)
យោងតាមលោក លៅ អាយួ ប្រធានគណៈកម្មាធិការប្រជាជនឃុំ ទ័រទិញ ដោយមានការកំណត់ទិសដៅអភិវឌ្ឍ សេដ្ឋកិច្ចពីសំណាក់គណៈកម្មាធិការបក្ស អាជ្ញាធរមូលដ្ឋាន នាពេលបច្ចុប្បន្ននេះ ឃុំ ទ័រទិញ មានផ្ទៃដីជាង ៤០០ ហិកតាដោយមានប្រជាជនជាង ៣០០ គ្រួសារចំណុះភូមិចំនួន ៦ (ហួសាអា ហួសាបេ ហាងតៅ សុងអៀ ទ័រ ទិញ និង ចេអា) បានចូលរួមក្នុងការដាំដំណាំកាហ្វេ។
![អាស្រ័យដោយអនុវត្តវិទ្យាសាស្ត្រ - បច្ចេកវិទ្យាចូលក្នុងការដាំដុះ ដំណាំកាហ្វេនៅឃុំ ទ័រទិញ ស្រុក ទន់យ៉ាវ (ខេត្ត ដៀនបៀន) ផ្តល់ទិន្នផលខ្ពស់ អោយផ្លែស្រស់ប្រមាណជា ៧ តោនក្នុងមួយហិកតា ជនជាតិ ម៉ុង អភិវឌ្ឍសេដ្ឋកិច្ចពីដំណាំកាហ្វេ ảnh 2](https://imagev3.dantocmiennui.vn/w1000/Uploaded/2024/yutnkt/2021_12_27/2ca_phe_xa_toa_tinhxuan_tupha_din.jpg)
អាស្រ័យដោយអនុវត្តវិទ្យាសាស្ត្រ - បច្ចេកវិទ្យា ចូលក្នុងការដាំដុះ ថែទាំដំណាំកាហ្វេនៅទីនេះផ្តល់ទិន្នផលខ្ពស់ អោយផ្លែស្រស់ប្រមាណជា ៧ តោនក្នុងមួយហិកតា។ ដោយមានតម្លៃលក់ចំនួន ១០.០០០ ដុងក្នុងមួយគីឡូ ក្រាម ក្រុមគ្រួសារជាច្រើនមានជីវភាពធូរធារគ្រាន់បើ ហើយឈោងឈានឡើងក្លាយជាអ្នកមាន។ តួយ៉ាងដូច ជាក្រុមគ្រួសារលោក មួ អាស៊ុង នៅភូមិ ហួសាអា មាន ចំណូលប្រមាណជា ១២០ លានដុងក្នុងមួយឆ្នាំ។
![មុខដំណាំកាហ្វេគ្របដណ្តប់ជុំជិតតាមជម្រាលកូនភ្នំជាច្រើននៅឃុំ ទ័រទិញ ស្រុក ទន់យ៉ាវ (ខេត្ត ដៀនបៀន) ជនជាតិ ម៉ុង អភិវឌ្ឍសេដ្ឋកិច្ចពីដំណាំកាហ្វេ ảnh 3](https://imagev3.dantocmiennui.vn/w1000/Uploaded/2024/yutnkt/2021_12_27/3ca_phe_xa_toa_tinhxuan_tupha_din.jpg)
ដើម្បីអភិវឌ្ឍដំណាំកាហ្វេប្រកបដោយចីរភាព ស្រុក ទន់យ៉ាវ កំពុងរៀបចំបង្កើតសហករណ៍ផលិតកាហ្វេ ចងសម្ពន្ធគ្នាជាមួយនឹងក្រុមហ៊ុនភាគហ៊ុនកាហ្វេ ហុង គីក្វឹកតេ (មានផលិតផលបានទទួលស្គាល់ OCOP) ដើម្បីកសាងខ្សែចង្វាក់តំណភ្ជាប់តាំងពីដំណាក់កាល ផលិតកម្មដល់ដំណាក់កាលលក់ដូរផលិតផល ជួយអោយអ្នកដាំដំណាំកាហ្វេមានទីផ្សារស្ថិរភាព ចីរភាព៕
អត្ថបទនិងរូបថត៖ ស៊ន់ទឺ
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ វិច្ឆិកាឆ្នាំ ២០២១ ដោយ៖ សឺន ហេង