អាស្រ័យដោយធ្វើបរិវត្តកម្ម ពិពិធកម្មគំរូចិញ្ចឹមសត្វយ៉ាងសកម្ម ជាពិសេស គឺការរៀបចំដាក់ដំណើរការគម្រោង "ជួយឧបត្ថម្ភអភិវឌ្ឍផលិតកម្ម ធ្វើពិពិធកម្មការងាររកស៊ីចិញ្ចឹមជីវិតនិងពង្រីកទូលំទូលាយគំរូកាត់បន្ថយភាពក្រីក្រ" (គម្រោង) ស្ថិតក្នុងកម្មវិធី ១៣៥ របស់រដ្ឋាភិបាលនោះ បងប្អូនជនជាតិ ក្ហ ជាច្រើនក្រុមគ្រួសារនៅឃុំ បាវធន់ ស្រុក យីលិញ (ខេត្ត ឡឹមដុង) បានរួចផុតពីភាពក្រីក្រហើយ។
ការចិញ្ចឹមសត្វទន្សាយគឺជាគំរូមួយក្នុងចំណោមគំរូដែលស្ថិតក្នុងគម្រោង ត្រូវបានដាក់ដំណើរការនៅឃុំ បាវធន់ តាំងពីឆ្នាំ ២០១៩។ ដោយមានថវិកា សរុបចំនួន ១០០ លានដុង គម្រោងបានទាក់ទាញក្រុមគ្រួសារក្រីក្រ និងគ្រួសារជិតខ្សែបន្ទាត់នៃភាពក្រីក្រចំនួន ១៤ គ្រួចូលរួម។
![ស្រុក យីលិញ ជំរុញយ៉ាងខ្លាំងក្លាការអភិវឌ្ឍប្រភេទសត្វចិញ្ចឹមដែលងាយស្រួលក្នុងការថែទាំ ផ្តល់ប្រសិទ្ធភាពសេដ្ឋកិច្ចខ្ពស់នៅឃុំឆ្ងាយដាច់ស្រយាល បាវធន់ បងប្អូនជនជាតិ ក្ហ កាត់បន្ថយភាពក្រីក្រ អាស្រ័យដោយការធ្វើពិពិធកម្មគំរូចិញ្ចឹមសត្វ ảnh 1](https://imagev3.dantocmiennui.vn/w1000/Uploaded/2024/veioxdrkxr/2022_01_11/h6bao_thuandi_linh.jpg)
ស្រុក យីលិញ ជំរុញយ៉ាងខ្លាំងក្លាការអភិវឌ្ឍប្រភេទសត្វចិញ្ចឹមដែលងាយស្រួលក្នុងការថែទាំ ផ្តល់ប្រសិទ្ធភាពសេដ្ឋកិច្ចខ្ពស់នៅឃុំឆ្ងាយដាច់ស្រយាល បាវធន់
មិនត្រឹមតែទទួលបានការជួយជ្រោមជ្រែងដោយផ្ទាល់ពីសំណាក់កម្មាភិបាលជំរុញកសិកម្មប៉ុណ្ណោះទេ គ្រួសារទាំងនោះថែមទាំងទទួលបានការហ្វឹកហ្វឺនពីបច្ចេកទេសចិញ្ចឹមសត្វ ចងសម្ពន្ធគ្នាសម្រាប់លក់ផលិតផលជាមួយនឹងមូលដ្ឋានផ្សេងៗ ទៀតផង។
![គំរូចិញ្ចឹមសត្វទន្សាយនៅឃុំ បាវធន់ ស្រុក យីលិញ (ខេត្ត ឡឹមដុង) មានការអភិវឌ្ឍល្អ ជួយបងប្អូនជនជាតិផ្លាស់ប្តូរទម្លាប់ដាំដុះផង ផ្តល់ប្រសិទ្ធភាពសេដ្ឋកិច្ចខ្ពស់សមគួរផង បងប្អូនជនជាតិ ក្ហ កាត់បន្ថយភាពក្រីក្រ អាស្រ័យដោយការធ្វើពិពិធកម្មគំរូចិញ្ចឹមសត្វ ảnh 2](https://imagev3.dantocmiennui.vn/w1000/Uploaded/2024/veioxdrkxr/2022_01_11/h1bao_thuandi_linhlam_dong.jpg)
គំរូចិញ្ចឹមសត្វទន្សាយនៅឃុំ បាវធន់ ស្រុក យីលិញ (ខេត្ត ឡឹមដុង) មានការអភិវឌ្ឍល្អ ជួយបងប្អូនជនជាតិផ្លាស់ប្តូរទម្លាប់ដាំដុះផង ផ្តល់ប្រសិទ្ធភាពសេដ្ឋកិច្ចខ្ពស់សមគួរផង
លោក ក្លូល ប្រធានគណៈកម្មាធិការប្រជាជនឃុំ បាវធន់ មានប្រសាសន៍ឲ្យដឹងថា៖ "ក្រោយពេលដាក់ដំណើរការបានមួយរយៈពេល ដល់ពេលបច្ចុប្បន្ននេះ គំរូចិញ្ចឹមសត្វទន្សាយកំពុងមានការអភិវឌ្ឍល្អ ជួយបងប្អូនជនជាតិផ្លាស់ប្តូរទម្លាប់ដាំដុះផង ហើយផ្តល់ប្រសិទ្ធភាពសេដ្ឋកិច្ចខ្ពស់សមគួរផង"។
![កម្មាភិបាលជួយជំរុញកសិកម្មមូលដ្ឋានអញ្ជើញណែនាំដោយផ្ទាល់អោយបងប្អូនជនជាតិអំពីបច្ចេកទេសចិញ្ចឹមសត្វ រៀបចំចងសម្ពន្ធគ្នាសម្រាប់លក់ផលិតផល បងប្អូនជនជាតិ ក្ហ កាត់បន្ថយភាពក្រីក្រ អាស្រ័យដោយការធ្វើពិពិធកម្មគំរូចិញ្ចឹមសត្វ ảnh 3](https://imagev3.dantocmiennui.vn/w1000/Uploaded/2024/veioxdrkxr/2022_01_11/h4bao_thuandi_linhlam_dong.jpg)
មិនត្រឹមតែចិញ្ចឹមសត្វទន្សាយប៉ុណ្ណោះទេ ក្រុមគ្រួសារជាច្រើនថែមទាំង ក្លៀវក្លាហ៊ានចិញ្ចឹមមាន់ ឡាកធុយ សត្វក្រួច។ល។ លោក កាប្រាវ នាយក សហករណ៍ចិញ្ចឹមសត្វ បាវធន់ បានអោយដឹងថា បន្ទាប់ពីទទួលបានជោគជ័យ ជាមួយនឹងការចិញ្ចឹមមាន់ ឡាកធុយ លោកបន្តបើកទូលាយទ្រុងក្រោល ចិញ្ចឹមសត្វទន្សាយចំនួន ៣០០ ក្បាលបន្ថែមទៀត។
នាពេលបច្ចុប្បន្ននេះ គំរូនេះកំពុងទាក់ទាញប្រជាជនជាច្រើនក្នុងឃុំចូលរួម រួមចំណែកបំបាត់ភាពអត់ឃ្លាន កាត់បន្ថយភាពក្រីក្រនៅមូលដ្ឋាន៕
អត្ថបទនិងរូបថត៖ ង្វៀនយុង
បញ្ចូលទិន្នន័យពីសារព័ត៌មានបោះពុម្ពលេខចេញផ្សាយខែ ធ្នូ ឆ្នាំ ២០២១ ដោយ៖ អៀងថាន់