ផ្តើមពី "កម្លាំងសន្ទុះ" នៃប្រភពទុនកម្ចីដើម្បីដោះស្រាយការងារធ្វើរបស់ធនាគារគោលនយោបាយសង្គម ក្នុងរយៈពេលកន្លង នារីជាច្រើននៅភូមិសាស្រ្តខេត្ត បេនត្រែ ចេះទាញយកអត្ថប្រយោជន៍ពីបង្កបង្កើនផលិតកម្ម បន្តថែរក្សានិងពង្រីកសិប្បកម្មផលិតកម្ម អាជីវកម្ម។ ផ្តើមពីនោះ ជួយបងប្អូននារីមានប្រភពចំណូលស្ថិរភាព អភិវឌ្ឍសេដ្ឋកិច្ចគ្រួសារ ឈានឡើងធ្វើមានដោយស្របច្បាប់នៅស្រុកកំណើតរបស់ខ្លួន។
ជិត ១០ ឆ្នាំមុន លោកស្រី លឺវ ធីហ្វាងអៀន (កើតឆ្នាំ ១៩៨១) នៅភូមិ តឹនហ្វាត្រុង ឃុំ តឹនភូតី ស្រុក ម៉កាយបាក់ ខេត្ត បេនត្រែ បានរៀនជំនាញកាត់ដេរសម្លៀកបំពាក់។ ដូច្នេះហើយ អ្នកស្រី អៀន ជាមួយនឹងស្វាមីបានប្ដេជ្ញាចិត្តតាមអាជីពកាត់ដេរសម្លៀកបំពាក់ផ្តើមពីដើមទុនដែលប្តីប្រពន្ធគាត់សន្សំសំចៃបាន។
ជាមនុស្សម៉ត់ចត់ មានទំនួលខុសត្រូវទើបការងារកាន់តែមានប្រសិទ្ធភាពពីមួយថ្ងៃទៅមួយថ្ងៃ ប្តីប្រពន្ធអ្នកស្រី អៀន មានបំណងពង្រីកទំហំទ្រង់ទ្រាយ ទិញម៉ាស៊ីនដេរបន្ថែមទៀតដើម្បីអាចដំណើរការការងារ បំពេញតម្រូវការរបស់ដៃគូប៉ុន្តែការលំបាកបំផុតសម្រាប់អ្នកស្រីនៅពេលនេះគឺជាប្រភពទុន។
ជាសំណាងល្អ អ្នកស្រីត្រូវបានសមាគមសហព័ន្ធនារីឃុំ តឹនភូតី ឧទ្ទេសនាមប្រភពទុនកម្ចីដោះស្រាយការងារធ្វើពីការិយាល័យប្រតិបត្តិការនៃធនាគារគោលនយោបាយសង្គមស្រុក ម៉កាយបាក់ ជាមួយនឹងទឹកប្រាក់ចំនួន ៥០ លានដុង។ ថ្ងៃទម្លាក់ថវិកាប្រភពទុន សប្បាយចិត្តប្រៀបដូច "គ្រោះរាំងស្ងួតជួបនឹងទឹកភ្លៀង" នោះ អ្នកស្រីបានទិញម៉ាស៊ីនដេរមួយភ្លាមៗ ហើយជ្រើសរើសពលករបន្ថែមទៀត។
អ្នកស្រី អៀន រ៉ាយរ៉ាប់ប្រាប់ថា ជាមួយនឹងប្រភពទុនកម្ចីចំនួន ៥០ លានដុង ជារៀងរាល់ខែ អ្នកស្រីបង់ការប្រាក់ ដើមទុននិងដាក់ប្រាក់សន្សំតិចជាង ២ លានដុង។ បន្ទាប់ពីកាត់ប្រាក់កម្ចីពីធនាគារនិងចំណាយផ្សេងៗ ទៀត ក្រុមគ្រួសាររបស់អ្នកស្រីក៏មានប្រាក់ចំណូលប្រចាំខែសមរម្យដែរ។
ប្រើប្រាស់ប្រភពទុនក្នុងគោលបំណងត្រឹមត្រូវនិងធ្វើការងាររកស៊ីមានប្រសិទ្ធភាព ក្រោយកាលកំណត់របស់ធនាគារ ដើមឆ្នាំ ២០២៤ អ្នកស្រីត្រូវបានបង្កើតលក្ខខណ្ឌងាយស្រួលបន្តខ្ចីដើមទុន ជាមួយនឹងទឹកប្រាក់ ៩០ លានដុងសម្រាប់វិនិយោគទិញម៉ាស៊ីនដេរ ឧបករណ៍ផ្សេងៗ ទៀត ពង្រីកផលិតកម្ម។
អ្នកស្រី អៀន រីករាយនិយាយថា អាស្រ័យដោយមានប្រភពទុពីធនាគារគោលនយោបាយសង្គម "បន្តកម្លាំង" គ្រួសាររបស់អ្នកស្រីទើបបានដូចសព្វថ្ងៃនេះ។ ជាពិសេសកាន់តែសប្បាយចិត្តជាងទៅទៀតនៅពេលសាមីខ្លួបានជួយបងប្អូននារីនៅជុំវិញមានការងារស្ថិរភាព រកប្រាក់ចំណូលផង មើលថែគ្រួសារផង។
បច្ចុប្បន្ននេះ សិប្បកម្មផលិតកម្មរបស់អ្នកស្រី ហ្វាងអៀន មានម៉ាស៊ីនដេរ ម៉ាស៊ីនដេរអេឡិកត្រូនិក... ជាង ១០ គ្រឿង បង្កើតការងារធ្វើនៅផ្ទាល់កន្លែងសម្រាប់ពលករចំនួន ១៥ នាក់។ ប្រាក់ចំណូលជាមធ្យមរបស់អ្នកដេរគឺពី ៤,៥ ទៅ ៦ លានដុងក្នុងមួយខែ (អាស្រ័យលើការបញ្ជាទិញដែលបានបញ្ជាក់ដោយដៃគូ)។
អញ្ជើញមកទស្សនាសិប្បកម្មកាត់ដេរ ម៉ុងត្វៀន របស់អ្នកស្រី លេ ធីម៉ុងត្វៀន (កើតក្នុងឆ្នាំ ១៩៨៤) នៅភូមិ ហ៊ឹងហ្វាដុង ឃុំ ហ៊ឹងញឿង ស្រុក យ៉ុងត្រូម យើងខ្ញុំទទួលបានអារម្មណ៍ថាមានបរិយាកាសពលកម្មដ៏អស់ពីចិត្តពីថ្លើមរបស់បងប្អូននារីជិតរាប់សិបនាក់ដែលជាពលករនៅមូលដ្ឋាន។
អ្នកស្រី ត្វៀន ឲ្យដឹងថា បន្ទាប់ពីបែកបាក់គ្រួសារ ម្នាក់ឯងចិញ្ចឹមកូនពីរ អ្នកស្រីបានត្រឡប់មកស្រុកកំណើតវិញ ប្រាក់ចំណូលក៏លំបាកធ្វើឱ្យអ្នកស្រីតែងតែព្រួយបារម្ភ គិតគូរអំពីការស្វែងរកទិសដៅថ្មីដើម្បីអភិវឌ្ឍសេដ្ឋកិច្ចគ្រួសារ។ ជាមួយនឹងទឹកដៃដេរជាង ១០ ឆ្នាំ នៅឆ្នាំ ២០២២ អ្នកស្រី ត្វៀន ស្វែងយល់និងក្លាហានខ្ចីប្រាក់ពីប្រភពទុនកម្ចីដើម្បីដោះស្រាយការងារធ្វើរបស់ធនាគារគោលនយោបាយសង្គម (៧០ លានដុង) សម្រាប់បើកសិប្បកម្មកាត់ដេរនៅផ្ទះ។
អាស្រ័យដោយទុនកម្ចីអនុគ្រោះ អ្នកស្រី ត្វៀន បានវិនិយោគព្រមៗ គ្នារាល់ម៉ាស៊ីនដេរឯកទេសដើម្បីកាត់ដេរទំនិញសម្លៀកបំពាក់សម្រាប់ក្រុមហ៊ុនកាត់ដេរនៅទីក្រុង ហូ ជីមិញ ទាក់ទាញពលករនារីជាច្រើនដែលទំនេរក្នុងស្រុកមកធ្វើការ ដោយទទួលបានប្រាក់ខែពី ៣ ទៅ ៣,៥ លានដុងមួយខែ។
តាមប្រធានសមាគមសហព័ន្ធនារីខេត្ត បេនត្រែ លោកស្រី ង្វៀន ធីគីមថ្វា មានប្រសាសន៍ថា ឥណទានគោលនយោបាយបានពង្រីកប្រសិទ្ធភាពយ៉ាងខ្លាំង រួមចំណែកកាត់បន្ថយគម្លាតរវាងអ្នកមាននិងអ្នកក្រ អភិវឌ្ឍសេដ្ឋកិច្ច លំនឹងជីវភាព សន្តិសុខគោលនយោបាយ វប្បធម៌ សង្គមនិងកសាងជនបទថ្មីនៅមូលដ្ឋានរួមចំណែកក្នុងការទប់ស្កាត់ស្ថានការយកប្រាក់កម្រៃខ្ពស់ ឥណទានក្រៅផ្លូវការ។
ប្រធានសមាគមសហព័ន្ធនារីខេត្ត បេនត្រែ មានប្រសាសន៍ បញ្ជាក់ឥណទានគោលនយោបាយសង្គមគឺជាទម្រសម្រាប់ក្រុមគ្រួសារក្រីក្រ ជិតបន្ទាត់នៃភាពក្រីក្រ ក្រុមគ្រួសារមានស្ថានភាពលំបាកនោះ សមាគមគ្រប់លំដាប់ថ្នាក់នៅភូមិសាស្រ្តខេត្តក៏បានយកចិត្តទុកដាក់ក្នុងការជួយឧបត្ថម្ភនារីលើកកម្ពស់សមត្ថភាពធ្វើម្ចាស់សេដ្ឋកិច្ចរបស់នារីផ្សារភ្ជាប់ជាមួយនឹងការអនុវត្តកម្មវិធី គម្រោង ចាប់ពីការងារឧបត្ថម្ភការហ្វឹកហាត់ បង្រៀនវិជ្ជាជីវៈ ផ្ទេរវិជ្ជាជីវៈ អភិវឌ្ឍសេដ្ឋកិច្ចសមូហភាព កសាងគំរូការងាររកស៊ីចិញ្ចឹមជីវិតដល់ការងារតាមដានលើកទឹកចិត្ត ចាត់ចែងជំនួយ។
តាមនោះ ក្នុងរយៈពេល ១០ ឆ្នាំនៃការំផុសចលនា “ជួយគ្នាអភិវឌ្ឍសេដ្ឋកិច្ចគ្រួសារ” សមាគមគ្រប់លំដាប់ថ្នាក់បានចលនានារីមានជីវភាពធូរធារចំនួន ១៣៩.៥៦០ នាក់ជួយ ៩៣.២៧៤ នាក់នារីដែលមានជីវភាពក្រីក្រនឹងទឹកប្រាក់ជាង ១៣៨ ពាន់លានដុង សហការបំផុសទិវាសន្សំសំចៃរួមដៃគ្នាដើម្បីអ្នកក្រសម្រេច ១៤៧,៥% សហការរៀបចំការបណ្តុះបណ្តាលវិជ្ជាជីវៈ ផ្ទេរវិជ្ជាជីវៈជូននារីចំនួន ២៣.៦៨០នាក់ ណែនាំការងារធ្វើជូន ៩៨.៨១៥ នាក់ ពិគ្រោះ ឧទ្ទេសនាមពលករជិត ៤.០០០ នាក់មានកំណត់ពេលវេលានៅក្រៅប្រទេស។
ទន្ទឹមនឹងនោះ បើក ១៣៦ ថ្នាក់ហ្វឹកហាត់ - ពិភាក្សាលើកកម្ពស់គុណភាពឥណទានប្រាក់កម្ចីតាមរយៈក្រុម ថ្នាក់អប់រំហិរញ្ញវត្ថុ គ្រប់គ្រងការចំណាយ កសាងផែនការអាជីវកម្ម ជំរុញការផ្ទេរភាពជឿនលឿនផ្នែកវិទ្យាសាស្ត្រនិងបច្ចេកទេសឱ្យសមាជិកនារីជាង ១០៣ ពាន់លើកនាក់ដើម្បីជួយបងប្អូននារីចេះប្រើភាពជឿនលឿនផ្នែកវិទ្យាសាស្ត្រនិងបច្ចេកទេសចូលទៅក្នុងផលិតកម្ម ការចិញ្ចឹមសត្វ ផ្លាស់ប្តូររចនាសម្ព័ន្ធដំណាំ លើកកម្ពស់ប្រសិទ្ធភាពសេដ្ឋកិច្ច។
នាពេលខាងមុខ នារី បេនត្រែ នឹងផ្តោតលើការរៀបចំគួបផ្សំរាល់សកម្មភាព ចលនារបស់សមាគមផ្សារភ្ជាប់នឹងរាល់សកម្មភាពឧបត្ថម្ភខ្ចីទុននិងផ្ទេរភាពជឿនលឿននៃផ្នែកវិទ្យាសាស្ត្រនិងបច្ចេកទេស បង្រៀនវិជ្ជាជីវៈបង្កើតការងារធ្វើ... លើកកម្ពស់ប្រសិ្ធភាពប្រើទុន អភិវឌ្ឍសេដ្ឋកិច្ចរបស់បងប្អូននារីក្រីក្រ។
ក្នុងពេលតែមួយ សហការជាមួយធនាគារគោលនយោបាយសង្គមដើម្បីវិភាគ វាយតម្លៃ ស្វែងរកមូលហេតុ ស្នើរកដំណោះស្រាយជំនះភាពទន់ខ្សោយក្នុងសកម្មភាពប្រគល់ទំនុកចិត្ត ជាពិសេសគឺការងារដកបំណុលអាក្រក់ លើកកម្ពស់គុណភាពឥណទានគោលនយោបាយ ចូលរួមត្រួតពិនិត្យនិងដឹកនាំក្រុមសន្សំសំចៃនិងខ្ចីទុនធ្វើប្រតិបត្តិការជាមួយធនាគារគោលនយោបាយសង្គមនៅចំណុចប្រតិបត្តិការចល័តតាមពេលវេលានិងទីតាំងបានកំណត់ ត្រួតពិនិត្យជាប្រចាំ ពង្រឹងពង្រីកលើកកម្ពស់គុណភាពនិងប្រសិទ្ធភាពសកម្មភាពនៃក្រុមសន្សំសំចៃនិងខ្ចីទុនត្រូវបានគ្រប់គ្រងដោយសមាគម...
តាមស្ថិតិ បន្ទាប់អស់រយៈពេលជាង ១០ ឆ្នាំអនុវត្តសារាចរលេខ ៤០ មកទល់ពេលនេះ បំណុលសងមិនទាន់អស់ដោយប្រគល់ទំនុកចិត្តរបស់សមាគមសហព័ន្ធនារីគឺជាង ១.៨០០ ពាន់លានដុង ស្មើនឹង ៤១,៩៤% នៃបំណុលសរុបរបស់ធនាគារគោលនយោបាយសាខាខេត្ត បេនត្រែ ដោយប្រគល់ទំនុកចិត្តតាមរយៈអង្គការនិងអង្គការមហាជន។ បច្ចុប្បន្ននេះ សមាគមនារីគ្រប់លំដាប់ថ្នាក់ បេនត្រែ មាន ១.១៥៨ ក្រុមសន្សំសំចៃនិងខ្ចីទុនដែលមានបំណុលសងមិនទាន់អស់ អត្រាបំណុលហួសកំណត់គឺ ០,១២% (ទាបបំផុត)។ អត្រានៃក្រុមគ្រួសារខ្ចីទុនចូលរួមផ្ញើសន្សំសំចៃឈានដល់ជាង ៩៨%៕
អត្ថបទនិងរូបថត៖ ជឿងដាយ
ប្រែសម្រួលដោយ៖ អៀនថាញ់
