ចំពោះប្រជាជនតំបន់ជាប់មាត់សមុទ្រស្រុក ដុងហាយ (ខេត្ត បាកលៀវ) អ្នកស្រី ង្វៀន ថាញ់ធុយ - នាយិកាសហគ្រាសជលផល ថាញ់ធុយ មិនត្រឹមតែជាកសិករពូកែមួយក្នុងការបង្កបង្កើនផលប៉ុណ្ណោះទេ ថែមទាំងមានសណ្តានចិត្តអាណិតស្រលាញ់ បើកចិត្តបើកបេះដូងជាស្រេចជួយអ្នកមានបណ្តាស្ថានភាពលំបាកលំបិនទៀតផង។
ជាង ២០ ឆ្នាំផ្សារភ្ជាប់ជាមួយបង្គា អ្នកស្រី ធុយ មានកសិដ្ឋានចិញ្ចឹមបង្គាជាច្រើនដែលមានផ្ទៃដីឡើងដល់រាប់សិបហិកតា។ ទន្ទឹមនឹងនោះ អ្នកស្រី ធុយ ក៏សហការជាមួយប្រជាកសិករនៅក្នុងតំបន់ចិញ្ចឹមបង្គាបច្ចេកទេសខ្ពស់ ជាង ៣០០ ស្រះ ផ្ទៃដីចំនួន ១.០០០ ដល់ ១.៥០០ ម៉ែត្រការ៉េក្នុងមួយស្រះ។
អ្នកស្រី ង្វៀន ថាញ់ធុយ តែងតែច្បាមតាមសកម្មភាពកែច្នៃ ផលិតកម្មយ៉ាងដិតដល់នៅសហគ្រាស
ឆ្លៀតប្រើប្រាស់វត្ថុធាតុដើមដែលមានស្រាប់នៅមូលដ្ឋាន អ្នកស្រី ធុយ វិនិយោគ កែច្នៃផលិតផលជាច្រើនសម្រេចស្តង់ដារ OCOP (កម្មវិធីឃុំមួយផលិតផលមួយ) ដូចជាបង្គា Metapenaeus ensis ក្រៀម ត្រីងៀតប្រឃឿ បង្គាបាយគាបមួយកម្តៅថ្ងៃ ។ល។ ផ្តើមពីបង្គា អ្នកស្រី ធុយ មានចំណូលរាប់សិបពាន់លានដុងក្នុងមួយឆ្នាំ។
ប្រឈមមុខនឹងស្ថានភាពលំបាកលំបិននៃក្រុមគ្រួសារក្រីក្រទាំងឡាយ អ្នកស្រី ធុយ តែងជូនអង្ករ ភោជនាហារ ឧបត្ថម្ភសង់ផ្ទះមេត្តាធម៌ជារឿយៗ ព្រមទាំងជួយឧបត្ថម្ភដល់មូលដ្ឋានរាប់រយលានដុងក្នុងមួយឆ្នាំដើម្បីឧបត្ថម្ភដល់សុខុមាលភាពសង្គមជាដើម។
ឆ្លៀតប្រើប្រាស់វត្ថុធាតុដើមដែលមានស្រាប់នៅមូលដ្ឋាន អ្នកស្រី ង្វៀន ថាញ់ធុយ វិនិយោគ កែច្នៃផលិតផលជាច្រើនសម្រេចស្តង់ដារ OCOP ដូចជាបង្គា Metapenaeus ensis ក្រៀម ត្រីងៀតប្រឃឿ បង្គាបាយគាបមួយកម្តៅថ្ងៃ ។ល។
និយាយអំពីអ្នកស្រី ធុយ លោក ង្វៀន ក្វឹកណាម ប្រធានសមាគមកសិករស្រុក ដុង ហៃ បានឲ្យដឹងថា៖ "អ្នកស្រី ធុយ គឺជាអ្នកដែលមានការចូលរួមវិភាគទានជាច្រើនដល់មូលដ្ឋាន។ បច្ចុប្បន្ន សហគ្រាសរបស់អ្នកស្រីកំពុងបង្កើតការងារធ្វើស្ថិរភាពជូនពលករជាង ១០០ នាក់ដោយមានប្រាក់ចំណូលក្នុងមនុស្សមួយនាក់ពី ១០ ដល់ ១៥ លានដុងក្នុងមួយខែ"។
ឆ្នាំ ២០២២ អ្នកស្រី ធុយ ត្រូវបានសមាគមកសិករ វៀតណាម មជ្ឈិមពិនិត្យជ្រើសរើសជាកសិករម្នាក់ក្នុងចំណោមកសិករ វៀតណាម ឆ្នើមទាំង ១០០៕
អត្ថបទនិងរូបថត៖ ទន់កៀត
បញ្ចូលទិន្នន័យដោយ៖ យ៉ាញ់លើយ
