បច្ចុប្បន្ន ខេត្ត គៀនយ៉ាង មានផ្ទៃដីផលិតកម្មកសិកម្មស្មើនឹងអត្រាចំនួន ១៧,៧ ភាគរយនៃផ្ទៃដីកសិកម្មទូទាំងតំបន់វាលទំនាបទន្លេ គឺវឡុង។
អាស្រ័យដោយអនុវត្តគំរូវាលស្រែទ្រង់ទ្រាយធំ កសិករនៅទីនេះបានធ្វើនវានុវត្តន៍គំនិតរបៀបធ្វើ មិនបណ្តោយឱ្យស្ថានភាព "ក្របីទៅមុន នង្គ័លទៅតាមក្រោយឡើយ"។ល។
![ខេត្ត គៀនយ៉ាង បើកទូលាយផ្ទៃដីវាលស្រែទ្រង់ទ្រាយធំផ្សារភ្ជាប់ជាមួយនឹងការលក់ដូរផលិតផល ពីមួយជំហានទៅមួយជំហាន គំនិតថ្មីលើវាលស្រែចាស់នៅខេត្ត គៀនយ៉ាង ảnh 1](https://imagev3.dantocmiennui.vn/w1000/Uploaded/2024/veioxdrkxr/2023_04_19/kien_giang_tung_buoc_mo_rong_dien_tich_canh_dong_lon_gan_voi_tieu_thu_1.jpg)
យោងតាមលោក ឡេ ហ៊ឺវទាន់ នាយករងមន្ទីរកសិកម្មនិងអភិវឌ្ឍន៍ជនបទខេត្ត គៀនយ៉ាង ប៉ុន្មានឆ្នាំកន្លងទៅ អាស្រ័យដោយអនុវត្តវាលស្រែទ្រង់ទ្រាយធំ កសិករជាច្រើនក្រុមគ្រួសារជាពិសេសគឺកសិករ ខ្មែរ បានបង្កើនការយល់ដឹងក្នុងការធ្វើការរកស៊ី សាបព្រោះពី ១ ដល់ ២ ពូជស្រូវគុណភាពខ្ពស់ព្រមៗ គ្នា បង្កើតតំបន់វត្ថុធាតុដើមធំល្មមឆ្លើយតបតម្រូវការទីផ្សារ។
![វាលស្រែទ្រង់ទ្រាយធំទាំងឡាយធ្វើអោយផ្លាស់ប្តូរជីវភាពប្រជាជននៅស្រុក គៀនលឿង (ខេត្ត គៀនយ៉ាង) គំនិតថ្មីលើវាលស្រែចាស់នៅខេត្ត គៀនយ៉ាង ảnh 2](https://imagev3.dantocmiennui.vn/w1000/Uploaded/2024/veioxdrkxr/2023_04_19/nhung_canh_dong_lon_lam_thay_doi_cuoc_song_nguoi_dan_o_huyen_kien_luong_2.jpg)
ប្រសិនបើកាលពីឆ្នាំ ២០១៦ ខេត្ត គៀនយ៉ាង មានវាលស្រែទ្រង់ទ្រាយធំចំនួន ១២.៨៦០ ហិកតាចងសម្ពន្ធជាមួយនឹងសហគ្រាសពេលដល់ឆ្នាំ ២០២០ បានកើនឡើងចំនួន ៣០.៦៧២ ហិកតា។ ឆ្នាំ ២០២២ ទូទាំងខេត្តមានផ្ទៃដីដាំដុះស្រូវសរុបចំនួន ៧១៥.៧០០ ហិកតានិងវាលស្រែទ្រង់ទ្រាយធំចំនួន ៧៨៣ ផ្ទៃដីចំនួន ៧៤.៩៦៨ ហិកតា ក្នុងនោះមានវាលស្រែទ្រង់ទ្រាយធំចំនួន ៦៥១ មានផ្ទៃដីចំនួន ៥៣.៤៧៨ ហិកតាផ្សារភ្ជាប់ជាមួយនឹងការចងសម្ព័ន្ធគ្នា លក់ដូរផលិតផល។
![ខេត្ត គៀនយ៉ាង អនុវត្តយន្តូបនីយកម្មក្នុងកសិកម្មពីមួយជំហានទៅមួយជំហានដើម្បីបង្កើនទិន្នផល គុណភាពនៅលើផ្ទៃដីដូចគ្នា គំនិតថ្មីលើវាលស្រែចាស់នៅខេត្ត គៀនយ៉ាង ảnh 3](https://imagev3.dantocmiennui.vn/w1000/Uploaded/2024/veioxdrkxr/2023_04_19/kien_giang_tung_buoc_co_gioi_hoa_trogn_nong_nghiep_de_tang_nang_suat_chat_luong_tren_cung_dien_tich_3.jpg)
ផ្តើមពីគោលការណ៍ជំរុញខ្លាំងការប្រើប្រាស់វិទ្យាសាស្ត្រ - បច្ចេកទេសចូលទៅក្នុងផលិតកម្ម ផ្ទៃដីផលិតស្រូវគុណភាពខ្ពស់នៅខេត្ត គៀនយ៉ាង កើនឡើងពីមួយឆ្នាំទៅមួយឆ្នាំ។ ឆ្នាំ ២០១៦ ផ្ទៃដីផលិតស្រូវគុណភាពខ្ពស់ស្មើនឹងអត្រាប្រហែល ៧០ ភាគរយ នៃផ្ទៃដីដាំដុះសរុបពេលដល់ឆ្នាំ ២០២២ ស្មើនឹងអត្រាចំនួន ៩៣,៨៥ ភាគរយ។ ជាពិសេស ផ្ទៃដីដាំដុះពូជស្រូវគុណភាពខ្ពស់សម្រេចបានចំនួន ១០០ ភាគរយនៅក្នុងរដូវវស្សានិងសម្រេចចំនួន ៩៨,១៥ ភាគរយនៅរដូវសម្រក។
![គម្រោងវាលស្រែទ្រង់ទ្រាយធំនៅសហករណ៍ គែញ 4A ឃុំ តឹនហៀបអា ស្រុក តឹនហៀប (ខេត្ត គៀនយ៉ាង) គំនិតថ្មីលើវាលស្រែចាស់នៅខេត្ត គៀនយ៉ាង ảnh 4](https://imagev3.dantocmiennui.vn/w1000/Uploaded/2024/veioxdrkxr/2023_04_19/2tu_duy_moi_tren_canh_dong_cu_o_kien_giangle_huy_hai_4.jpg)
នៅតាមស្រុក ហនដឹត គៀនលឿង និង យ៉ាងថាញ់ កន្លែងមានបងប្អូនជនជាតិ ខ្មែរ រស់នៅកុះករ ខេត្តបានរៀបចំការចុះហត្ថលេខាជាមួយនឹងក្រុមហ៊ុនភាគហ៊ុនកសិកម្ម បច្ចេកវិទ្យាខ្ពស់ ទ្រុងអាន ក្នុងគោលបំណង អភិវឌ្ឍតំបន់វត្ថុធាតុដើមស្រូវចំនួន ៦៣.០០០ ហិកតា សម្រេចស្តង់ដារ ផ្តើមពីនោះនាំចេញទៅបណ្តាទីផ្សារដ៏តឹងតែង។
![ការរៀបចំដីសាបព្រោះនៅឃុំ តឹនហៀបអា ស្រុក តឹនហៀប (ខេត្ត គៀនយ៉ាង) គំនិតថ្មីលើវាលស្រែចាស់នៅខេត្ត គៀនយ៉ាង ảnh 5](https://imagev3.dantocmiennui.vn/w1000/Uploaded/2024/veioxdrkxr/2023_04_19/3tu_duy_moi_tren_canh_dong_cu_o_kien_giangle_huy_hai_5.jpg)
ដើម្បីលើកកម្ពស់ខ្សែចង្វាក់តម្លៃផលិតផល បង្កើនប្រាក់ចំណូលជូនកសិករពីមួយជំហានទៅមួយជំហាន ខេត្ត គៀនយ៉ាង កំពុងពន្លឿនការអនុវត្តគម្រោងមេ គម្រោងគោលដៅសំខាន់ៗ ដូចជា៖ គម្រោងមេ "អភិវឌ្ឍតំបន់វត្ថុធាតុដើមស្រូវអង្ករបណ្តាស្រុកតំបន់ចតុកោណ ឡុងស្វៀន បម្រើការកែច្នៃនិងការនាំចេញដំណាក់កាល ២០២១ - ២០២៥" គម្រោងមេ "អភិវឌ្ឍកសិកម្មសរីរាង្គ" ដំណាក់កាល ២០២០ - ២០៣០ គម្រោង "បណ្តាមជ្ឈមណ្ឌលធ្វើនវានុវត្តន៍ច្នៃប្រឌិតបៃតង" (គម្រោង GIC) ដំណាក់កាលឆ្នាំ ២០២២ - ២០២៤។
![ឈ្មួញប្រមូលទិញ ដឹកជញ្ជូនស្រូវនៅស្រុក ហនដឹត (ខេត្ត គៀនយ៉ាង) គំនិតថ្មីលើវាលស្រែចាស់នៅខេត្ត គៀនយ៉ាង ảnh 6](https://imagev3.dantocmiennui.vn/w1000/Uploaded/2024/veioxdrkxr/2023_04_19/4tu_duy_moi_tren_canh_dong_cu_o_kien_giangle_huy_hai.jpg)
ខេត្តក៏បានចុះហត្ថលេខាលក់ដូរចំនួន ១២៣.០០០ ហិកតាក្នុងឆ្នាំ ២០២២ - ២០២៣ ជាមួយនឹងសហគ្រាសធំៗ ជាច្រើនដូចជា៖ ក្រុមហ៊ុនសាជីវកម្ម ឡុកត្រើយ ក្រុមហ៊ុនភាគហ៊ុនកសិកម្មបច្ចេកវិទ្យាខ្ពស់ ទ្រុងអាន សាជីវកម្ម តឹនឡុង។ល។
ដើម្បី "បើកបង្ហូរ" រំហូរគ្រាប់អង្ករនិងលើកកម្ពស់ខ្សែចង្វាក់ផលិតកម្មស្រូវអង្ករ ផ្នែកកសិកម្មខេត្ត គៀនយ៉ាង នឹងបន្តបើកទូលាយតំបន់វត្ថុធាតុដើម ផ្ទៃដីវាលស្រែទ្រង់ទ្រាយធំផ្សារភ្ជាប់ជាមួយនឹងការចងសម្ពន្ធគ្នាលក់ដូរផលិតផល បង្កើនប្រាក់ចំណូលជូនកសិករពីមួយជំហានទៅមួយជំហាន រួមចំណែកកសាងជនបទថ្មីនៅលើភូមិសាស្រ្តខេត្ត៕
អត្ថបទ៖ ឡេ សែន រូបថត៖ ឡេ សែន - ឡេ ហ៊ុយហាយ
បញ្ចូលទិន្នន័យដោយ៖ អៀងថាន់