អញ្ជើញចូលរួមការផ្លាស់ប្តូរ គណៈប្រតិភូ វៀតណាម ដឹកនាំដោយឧត្តមសេនីយ៍ឯក លោក ផាន វ៉ាន់យ៉ាង សមាជិកការិយាល័យនយោបាយ អនុលេខាគណៈកម្មាធិការយោធាមជ្ឈិមបក្ស រដ្ឋមន្ត្រីក្រសួងការពារជាតិ។ គណៈប្រតិភូ ឡាវ ដឹកនាំដោយឧត្តមសេនីយ៍ឯក លោក ចាន់សាម៉ន ចាន់យ៉ាឡាត សមាជិកការិយាល័យនយោបាយបក្សបដិវត្តន៍ប្រជាជន ឡាវ ឧបនាយករដ្ឋមន្ត្រី នៃរដ្ឋាភិបាល រដ្ឋមន្ត្រីក្រសួងការពារជាតិ។
ក្នុងក្របខ័ណ្ឌនៃការផ្លាស់ប្តូរ គណៈប្រតិភូប្រទេសទាំងពីរបានចូលរួមសកម្មភាពដ៏មានអត្ថន័យជាច្រើននៅស្រុក ម៉ុកចូវ រួមមាន៖ ដាំដើមឈើមិត្តភាពនៅច្រកទ្វារព្រំដែន ឡុងសឹប អញ្ជើញទស្សនាហាត់សមចម្រុះបង្ក្រាបឧក្រិដ្ឋជនឆ្លងដែនអញ្ជើញទស្សនាប៉ុស្តិ៍ការពារព្រំដែនច្រកទ្វារព្រំដែន ឡុងសឹប អញ្ជើញចូលរួមក្នុងពិធីសម្ពោធមណ្ឌលបន្ទប់រៀននៃសាលាចំណេះទូទៅជនជាតិ បង្រៀននិងរៀនពេញមួយថ្ងៃបឋមសិក្សានិងអនុវិទ្យាល័យ ឡុងសឹប អញ្ជើញជួបពិភាក្សាការងារនិងចុះហត្ថលេខាលើលិខិតុបករណ៍សហប្រតិបត្តិការ ផ្លាស់ប្តូរការងារនយោបាយនិងនាយទាហានវ័យក្មេង កងទ័ពប្រទេសទាំងពីរ វៀតណាម - ឡាវ ក្រោមប្រធានបទ "ស្ម័គ្រស្មោះក្តីជំនឿតែមួយ"។
បន្តសកម្មភាពទាំងឡាយភាគីខាង វៀតណាម ផ្លាស់ប្តូរមិត្តភាពការពារជាតិព្រំដែន វៀតណាម - ឡាវ លើកទីពីរជាបន្តដោយមានសកម្មភាពទាំងឡាយនៅស្រុក សបបៅ ចាប់ផ្តើមឡើងដោយពិធីស្វាគមន៍គណៈប្រតិភូ វៀតណាម នៅច្រកទ្វារព្រំដែន ប៉ាហាង។ បន្ទាប់ពីពិធី ទទួលបដិសណ្ឋារកិច្ចភ្លាម ឧត្តមសេនីយ៍ឯក លោក ផាន វ៉ាន់យ៉ាង និងឧត្តមសេនីយ៍ឯកលោក ចាន់សាម៉ន ចាន់យ៉ាឡាត អញ្ជើញប្រារព្ធពិធីកិច្ចគោរពលាបពណ៌អោយបង្គោលតម្រុយអធិបតេយ្យភាពដាំដើមឈើមិត្តភាព អញ្ជើញធ្វើជាសាក្សីការល្បាតនៅលើដីគោករួមគ្នានៃកងកម្លាំងការពារព្រំដែននៃប្រទេសទាំងពីរ។
គណៈប្រតិភូប្រទេសទាំងពីរអញ្ជើញសួរសុខទុក្ខ ជូនអំណោយសាលាបឋមសិក្សា - អនុវិទ្យាល័យ ប៉ាហាង។ សម្តែងសេចក្តីរំភើបចិត្តនៅពេលទទួលផ្កាស្រស់បំព្រងនិងកន្សែងក្រហមបង់ករបស់ប្អូនៗ សិស្សសាលាបឋមសិក្សា - អនុវិទ្យាល័យ ប៉ាហាង ឧត្តមសេនីយ៍ឯក លោក ផាន វ៉ាន់យ៉ាង សង្កត់ធ្ងន់ថា ខេត្ត ហួផាន់ និយាយរួមនិងស្រុក សបបៅ និយាយដោយឡែកជាដែនដីពោរពេញទៅដោយប្រពៃណីវីរភាពបដិវត្តន៍ ឈ្លាសវៃ មោះមុតក្នុងការប្រយុទ្ធ ឧស្សាហ៍ព្យាយាមច្នៃប្រឌិតក្នុងពលកម្មផលិតកម្ម សន្តោសប្រណី មេត្តាធម៌ក្នុងជីវភាពសហគមន៍។ ក៏នៅលើដែនដីនេះដោយផ្ទាល់ដែរ កងទ័ពនិងប្រជាជនប្រទេសទាំងពីរ វៀតណាម - ឡាវ បានស្មាកៀកស្មាគ្នាក្នុងការប្រយុទ្ធប្រឆាំងអាណានិគម ចក្រពត្តិឈ្លានពាន ដណ្តើមឯករាជ្យជាតិ សេរីភាពនិងសុភមង្គលជូនប្រជាជនប្រទេសរៀងៗ ខ្លួន។
គណៈប្រតិភូប្រទេសទាំងពីរ វៀតណាម និង ឡាវ បានអញ្ជើញចូលរួមពិធីបើកការដ្ឋានសាងសង់ជំរំកងអនុសេនាធំការពារព្រំដែន ២១៤ (កងទ័ពប្រជាជន ឡាវ) - អំណោយរបស់កងទ័ពប្រជាជន វៀតណាម។ នេះគឺជាសំណង់គំរូមួយក្នុងចំណោមសំណង់គំរូដែលក្រសួងការពារជាតិនៃប្រទេសទាំងពីរបាននិងកំពុងសហការដាក់ដំណើរការរយៈពេលកន្លងទៅជាការស្ដែងអោយឃើញយ៉ាងរស់រវើកដល់សាមគ្គីភាព ជួយឧបត្ថម្ភគ្នាទៅវិញទៅមករវាងប្រទេសទាំងពីរ កងទ័ពទាំងសងខាង។
ភាពជោគជ័យនៃការផ្លាស់ប្តូរមិត្តភាព ការពារជាតិព្រំដែន វៀតណាម - ឡាវ លើកទីពីរ បានពាំនាំសារអំពីសាមគ្គីភាព ជួយទំនុកបម្រុងគ្នាទៅវិញទៅមក ពង្រឹងទំនុកចិត្តនយោបាយ បង្កើតមូលដ្ឋានគ្រឹះរឹងមាំសម្រាប់ទំនាក់ទំនង វៀតណាម - ឡាវ អភិវឌ្ឍគ្រប់ជ្រុងជ្រោយនិងនិរន្តរភាព៕
(អានព័ត៌មានលម្អិតនៅលើកាសែតរូបភាពជនជាតិនិងតំបន់ភ្នំអេឡិចត្រូនិចតាមរយៈអាសយដ្ឋាន៖ https://dantocmiennui.vn)
អត្ថបទ៖ ហៀនហាញ់ រូបថត៖ ត្រុងឌឹក
ប្រែសម្រួលនិងបញ្ចូលទិន្នន័យ៖ ចន្ថា
