អញ្ជើញចូលរួមកម្មវិធីនេះមានសមមិត្តឧត្តមសេនីយ៍ឯកបំរុង លឿង តាមក្វាង អនុរដ្ឋមន្ត្រីក្រសួងនគរបាល សមមិត្ត ឡឹម វ៉ាន់ម៉ឹន សមាជិកគណៈកម្មាធិការមជ្ឈិមបក្សនិងជាលេខាគណៈកម្មាធិការបក្សខេត្ត សុកត្រាំង សមមិត្ត ហូ ធីកឹមដាវ អនុលេខាអចិន្ត្រៃយ៍នៃគណៈកម្មាធិការបក្សខេត្តនិងជាប្រធានក្រុមប្រឹក្សាប្រជាជន ខេត្ត សុកត្រាំង សមមិត្ត ត្រឹន វ៉ាន់ឡូវ អនុលេខាគណៈកម្មាធិការបក្សខេត្តនិងជាប្រធានគណៈកម្មាធិការប្រជាជន ខេត្ត សុកត្រាំង ។
![សមមិត្ត ឡឹម វ៉ាន់ម៉ឹន លេខាគណៈកម្មាធិការបក្សខេត្ត សុកត្រាំង ។ រូបថត៖ កាសែតជនជាតិនិងអភិវឌ្ឍន៍ z5334554552833_0e68319143bcf688a22933c8521d9171.jpg](https://imagev3.dantocmiennui.vn/w1000/Uploaded/2024/yutnkt/2024_04_12/z5334554552833-0e68319143bcf688a22933c8521d9171-8512.jpg)
អញ្ជើញថ្លែងសុន្ទរកថាក្នុងពិធីនោះ សមមិត្ត ឡឹម វ៉ាន់ម៉ឹន លេខាគណៈកម្មាធិការបក្សខេត្ត សុកត្រាំង បានគូសបញ្ជាក់ថា៖ បក្សនិងរដ្ឋតែងតែផ្ដល់ការយកចិត្តទុកដាក់ជាពិសេសនិងរក្សាដោយឥតងាករេនូវទស្សនៈអំពីការអភិវឌ្ឍសេដ្ឋកិច្ចដោយផ្សារភ្ជាប់ជាមួយនឹងការងារកាត់បន្ថយភាពក្រីក្រប្រកបដោយនិរន្តរភាពនិងធានាឱ្យបាននូវសន្តិសុខសង្គម។ កិច្ចការលុបបំបាត់ភាពអត់ឃ្លាននិងកាត់បន្ថយភាពក្រីក្រជាតម្រូវការចំបាច់សម្រាប់ការអភិវឌ្ឍប្រកបដោយចីរភាពផង ព្រមទាំងជាគោលនយោបាយនិងជាកម្មវិធីដ៏មានសារសំខាន់ លំដាប់ថ្នាក់ ជាតិ ប្រកបដោយស្មារតីមនុស្សធម៌និងបានបង្ហាញពីប្រពៃណីដ៏ល្អប្រសើរបស់ជាតិផងដែរ។
ក្នុងអំឡុងពេលកន្លងមក ទន្ទឹមជាមួយនឹងការផ្តោតការយកចិត្តទុកដាក់លើការអនុវត្តគោលនយោបាយអភិវឌ្ឍសេដ្ឋកិច្ចសង្គម ខេត្ត សុកត្រាំង រួមជាមួយបក្សរដ្ឋ គណៈកម្មាធិការបក្សគ្រប់លំដាប់ថ្នាក់ អាជ្ញាធរ រណសិរ្សមាតុភូមិ វៀតណាម និងអង្គការនយោបាយសង្គមនានាបានយកចិត្តទុកដាក់គិតគូរថែទាំប្រជាជនក្រីក្រដែលជួបការលំបាកក្នុងជីវភាពរស់នៅ ជាពិសេសគឺការងារជួយសាងសង់លំនៅឋានជូនប្រជាពលរដ្ឋក្រីក្រដែលជួបការលំបាកលើបញ្ហាទីលំនៅឋាន។
![សមមិត្ត ត្រឹន វ៉ានឡូវ ប្រធានគណៈកម្មាធិការប្រជាជនខេត្ត សុកត្រាំង អញ្ជើញប្រគេនបច្ច័យនិងអំណោយជូនដល់ព្រះសង្ឃនិងអ្នកមុខអ្នកការក្នុងសាសនា អបអរសាទរពិធីបុណ្យចូលឆ្នាំថ្មីប្រពៃណីខ្មែរឆ្នាំ ២០២៤។ រូបថត៖ ទីភ្នាក់ងារសារព័ត៌មានវៀតណាម z5334554830107_1ec859b93f4e59b4aa7b615004a42469.jpg](https://imagev3.dantocmiennui.vn/w1000/Uploaded/2024/yutnkt/2024_04_12/z5334554830107-1ec859b93f4e59b4aa7b615004a42469-8926.jpg)
សមមិត្តលេខាគណៈកម្មាធិការបក្សខេត្ត សុកត្រាំង បញ្ជាក់ថា ការអនុវត្តកម្មវិធីកៀរគរជួយសាងសង់លំនៅឋានចំនួន ១.២០០ ខ្នងជូនគ្រួសារក្រីក្រនិងគ្រួសារជួបការលំបាកលើបញ្ហាលំនៅឋានត្រូវបានអនុវត្តយ៉ាងត្រឹមត្រូវចំគោលដៅ ធានាគុណភាពនិងវឌ្ឍនភាព សម្រេចបាននូវប្រសិទ្ធភាពខ្ពស់និងសន្សំសំចៃថវិកា។ លទ្ធផលនៃកម្មវិធីគឺជាសាក្ខីកម្មជាក់ស្តែងនៃស្មារតីឥតងាករេនិងមានប្រសិទ្ធភាពជាក់ស្តែងក្នុងដំណើរការអនុវត្តគោលការណ៍និងគោលនយោបាយរបស់បក្សនិងរដ្ឋ ចំពោះបងប្អូនជនជាតិខ្មែរនិយាយដោយឡែកនិងបងប្អូនជនជាតិភាគតិចនិយាយជារួម។
តាងនាមគណៈកម្មាធិការបក្ស គណៈកម្មាធិការប្រជាជននិងគណៈកម្មាធិការរណសិរ្សមាតុភូមិ វៀតណាម ខេត្ត សុកត្រាំង សមមិត្ត ឡឹម វ៉ាន់ម៉ឹន បានថ្លែងអំណរគុណចំពោះគណៈកម្មាធិការបក្សនគរបាលជាតិនិងក្រសួងនគរបាលដែលបានកៀរគរជួយឧបត្ថម្ភខេត្ត សុកត្រាំង លំនៅឋានចំនួន ១.២០០ ខ្នង ព្រមទាំងផ្ញើសារថ្លែង អំណគុណចំពោះការចួលរួមទាំងកម្លាំងកាយកម្លាំចិត្តពីសំណាក់សប្បុរសជននិងអ្នកឧបត្ថម្ភទាំងឡាយដែលបានចូលរួមវិភាគទាន។
អបអរសាទរចំពោះក្រុមគ្រួសារទាំងឡាយដែលទទួលបានលំនៅឋានថ្មីពីកម្មវិធី សមមិត្តលេខាគណៈកម្មាធិការបក្សខេត្តសង្ឃឹមថា ជាមួយលំនៅឋានថ្មី បងប្អូនប្រជាជនអាចស្ងប់ចិត្តក្នុងការងារបង្កបង្កើនផល ជីវភាពរស់នៅកាន់តែមានភាពប្រសើរឡើង ពង្រឹងនិងពង្រីកទំនាក់ទំនងជិតស្និទ្ធជាមួយកងកម្លាំងនគរបាលប្រជាជន រួមចំណែកដល់បុព្វហេតុការពារសន្តិសុខនិងសណ្តាប់ធ្នាប់នៅក្នុងមូលដ្ឋាន។
![សមមិត្តឧត្តមសេនីយឯកបំរុង លឿងតាមក្វាង អញ្ជើញថ្លែងសុន្ទរកឋាក្នុងពិធីប្រគល់ផ្ទះគំរូនិងថវិកាឧបត្ថម្ភ សាងសង់លំនៅឋានចំនួន ១.២០០ ខ្នងជូនប្រជាជនដែលជួបការលំបាកអំពីលំនៅឋាននៅខេត្ត សុកត្រាំង។ រូបថត៖ កាសែតជនជាតិនិងអភិវឌ្ឍន៍ z5334554863403_0b26a053509eab6627dbda5ff7608044.jpg](https://imagev3.dantocmiennui.vn/w1000/Uploaded/2024/yutnkt/2024_04_12/z5334554863403-0b26a053509eab6627dbda5ff7608044-2547.jpg)
ខេត្ត សុកត្រាំង ជាខេត្តមួយដែលមានប្រជាជនជាង ៤៥% ជាបងប្អូនជនជាតិភាគតិច ក្នុងចំណោមនោះភាគច្រើនគឺបងប្អូនជនជាតិ ខ្មែរ ស្មើនឹង ៣០% នៃចំនួនប្រជាជនក្នុងទូទាំងខេត្ត ហើយភាគច្រើនប្រកបរបរកសិកម្មនិងតែងតែរងផលប៉ះពាល់ដោយគ្រោះធម្មជាតិ គ្រោះរាំងស្ងួត ការជ្រាបទឹកប្រៃចូលផ្ទៃដីបង្កបង្កើនផល។ ដូច្នះហើយជីវភាពរស់នៅរបស់បងប្អូននៅតែប្រឈមនឹងការលំបាកជាច្រើន ចំនួនគ្រួសារក្រីក្រនិងចំនួនគ្រួសារដែលស្ថិតនៅក្បែរបន្ទាត់នៃភាពក្រីក្រក្នុងខេត្តនៅមានចំនួនច្រើន។
អនុវត្តគោលនយោបាយ "ទូទាំងប្រទេសពួតដៃគ្នាដើម្បីជនក្រីក្រ-មិនទុកចោលជនណាម្នាក់" ជាមួយនឹងស្មារតីមនុស្សធម៌ រួមដៃគ្នាជួយជនក្រីក្រអោយមានលំនៅឋានរឹងមាំ គណៈកម្មាធិការបក្សនគរបាលជាតិ ក្រសួងនគរបាលបានសហការជាមួយគណៈកម្មាធិការបក្សខេត្ត គណៈកម្មាធិការប្រជាជនខេត្តនិងគណៈកម្មាធិការរណសិរ្សមាតុភូមិវៀតណាមខេត្ត សុកត្រាំង បានដំណើរការអនុវត្តកម្មវិធីកៀរគរជំនួយឧបត្ថម្ភដើម្បីសាងសង់លំនៅឋានចំនួន ១.២០០ ខ្នងជូនប្រជាជនក្រីក្រដែលជួបការលំបាកលើបញ្ហាទីលំនៅក្នុងភូមិសាស្ត្រខេត្ត ដោយចំណាយថវិកាសរុបចំនួន ៦០ ពាន់លានដុង។
![លោក លី ហ៊ិញ និងភរិយា (ខាងស្តាំ) ជនជាតិខ្មែរ សប្បាយរីករាយនិងថ្លែងអំណរគុណថ្នាក់ដឹកនាំក្រសួង នគរបាលនិងខេត្ត សុកត្រាំង ដែលបានជួយឧបត្ថម្ភលំនៅឋានក្នុងក្តីស្រមៃរបស់ពួកគាត់។ រូបថត៖ កាសែត ជនជាតិនិងអភិវឌ្ឍន៍ z5334554520781_dc8975ad2e25df544065c9fa8a55cc7f.jpg](https://imagev3.dantocmiennui.vn/w1000/Uploaded/2024/yutnkt/2024_04_12/z5334554520781-dc8975ad2e25df544065c9fa8a55cc7f-7189.jpg)
យោងតាមក្រសួងនគរបាល ដំណើរការការអនុវត្តកម្មវិធីបានកៀរគរជាអតិបរមា រាល់ប្រភពធនធានគឺធានាចំគោលដៅ មានគុណភាព វឌ្ឍនភាព ដោយមានផែនការ ផែនទីបង្ហាញផ្លូវច្បាស់លាស់សន្សំសំចៃថវិកា ជៀសវាងការខ្ជះខ្ជាយនិងភាពអវិជ្ជមាន។ គំរូលំនៅឋានត្រូវបានក្រសួងនគរបាលអនុម័តដោយផ្អែកលើរចនាបទមូលដ្ឋានដែលបានឯកភាពជាមួយក្រសួងសំណង់និងមន្ទីរសំណង់ខេត្ត សុកត្រាំង។ ប្រភពថវិកាត្រូវបានក្រសួងនគរបាលកៀរគរពីសហគ្រាសនានា។ ហើយក្រៅពីនោះ ខេត្ត សុកត្រាំង ក៏បានកៀរគរប្រភពកម្លាំងពលកម្ម (ថ្ងៃឈ្នួល) ពីសំណាក់ក្រុមគ្រួសារ សាច់ញាតិ សហគមន៍ កងកម្លាំងប្រដាប់អាវុធ សមាជិកសមាជិកាសហជីព និងយុវជនឈានមុខស្ម័គ្រចិត្ត។ល។ ដើម្បីដឹកជញ្ជូនសម្ភារៈសម្រាប់សាងសង់លំនៅឋានទៅតាមតំបន់ដែលជួបការលំបាកក្នុងការធ្វើដំណើរ។
ក្រោយដំណើរការរអនុវត្តយ៉ាងសកម្ម លំនៅឋានចំនួន ១.២០០ ខ្នងបានសាងសង់រួចរាល់តាមកាលកំណត់និងបានប្រគល់ជូនប្រជាជនក្រីក្រដែលជួបការលំបាកក្នុងបញ្ហាលំនៅឋានក្នុងភូមិសាស្ត្រខេត្ត សុកត្រាំង ថ្ងៃប្រារពពិធីអបអរបុណ្យចូលឆ្នាំថ្មីប្រពៃណីឆ្នាំ ២០២៤ នៅខាងមុនរបស់បងប្អូនជនជាតិ ខ្មែរ ដែលកំពុងរស់នៅក្នុងភូមិភាគខាងត្បូងនៃប្រទេស វៀតណាម។ ផ្ទះនីមួយៗ មានតម្លៃ ៦៣ លានដុង ក្នុងនោះ ក្រសួងនគរបាលជួយឧបត្ថម្ភជាទឹកប្រាក់ចំនួន ៥០ លានដុងដែលជាថវិកាដែលទទួលបានពីការកៀរគរពីគ្រប់ភាគីក្នុងសង្គម។ ចំណែក ខេត្ត សុកត្រាំង ឧបត្ថម្ភចំនួន ១៣ លានដុងដែលជាថវិកាបដិភាគរបស់ខេត្ត។
![បណ្ដាកម្មវិធីគម្រោងនិងគោលនយោបាយជនជាតិត្រូវបានដំណើរការអនុវត្តនៅខេត្ត សុកត្រាំង បានបង្កើន ប្រសិទ្ធភាព រួមចំណែកធានាសន្តិសុខសង្គម ជួយបង្ហើយសន្ទស្សន៍អភិវឌ្ឍន៍សេដ្ឋកិច្ចសង្គមក្នុងតំបន់បងប្អូន ជនជាតិភាគតិចនិងតំបន់ភ្នំ។ រូបថត៖ កាសែតរូបភាពជនជាតិនិងតំបន់ភ្នំ/ទីភ្នាក់ងារសារព័ត៌មានវៀតណាម z5334554575771_69868229608ab0d1187eea6d95a05981.jpg](https://imagev3.dantocmiennui.vn/w1000/Uploaded/2024/yutnkt/2024_04_12/z5334554575771-69868229608ab0d1187eea6d95a05981-591.jpg)
ក្នុងក្របខណកម្មវិធីគោលដៅជាតិសម្រាប់អភិវឌ្ឍន៍សេដ្ឋកិច្ចសង្គមនៅតំបន់ជនជាតិភាគតិច និង តំបន់ភ្នំមានគម្រោងនិងគោលនយោបាយជាច្រើនដែលផ្តោតលើការជួយឧបត្ថម្ភដោយផ្ទាល់ដល់បងប្អូនជនជាតិភាគតិច រួមទាំងបងប្អូនជនជាតិ ខ្មែរ ដូចជា៖ ផ្ដល់ដីតាំងទីលំនៅឋាន សាងសង់លំនៅឋាន ផ្ដល់ដីបង្កបង្កើនផល ផ្លាស់ប្តូរមុខរបរ បណ្តុះបណ្តាលវិជ្ជាជីវៈ បង្កើតការងារថ្មី។ល។
កម្មវិធីនិងគម្រោងទាំងនោះបានបង្ហាញពីការយកចិត្តទុកដាក់ពីសំណាក់បក្សនិងរដ្ឋចំពោះបងប្អូនជនជាតិភាគតិចនិយាយរួមនិងបងប្អូនជនជាតិខ្មែរនិយាយដោយឡែក។ ដូច្នេះហើយ បងប្អូនជនជាតិខ្មែរនៅក្នុងខេត្ត សុកត្រាំង ពិតជាមានសេចក្តីសោមនស្សរីករាយយ៉ាងខ្លាំង ហើយនឹងបន្តខិតខំព្យាយាមលើកកម្ពស់តួនាទីនិងការទទួលខុសត្រូវរបស់ខ្លួនដោយធ្វើកិច្ចសហប្រតិបត្តិការជាមួយនឹងអាជ្ញាធរមូលដ្ឋានក្នុងការអនុវត្តរាល់វិធានការផ្សេងៗ ដែលបានដាក់ចេញឱ្យទទួលបានប្រសិទ្ធភាពខ្ពស់ សំដៅរួមចំណែកបង្កើតជាកម្លាំងចលករដើម្បីជំរុញការអភិវឌ្ឍន៍សេដ្ឋកិច្ចសង្គមនៅក្នុងភូមិសាស្ត្រខេត្តឱ្យកាន់តែមានភាពរីកចម្រើននិងប្រកបដោយចីរភាព៕
សុខ បឹងបួ