ពិធីបុណ្យស្ទឹងទន្លេលើកដំបូងនៅទីក្រុង ហូជីមិញ៖ ទន្លេ សាយហ្គន ពោរពេញដោយភាពរស់រវើក

ពិធីបុណ្យ ស្ទឹងទន្លេនៅទីក្រុង ហូ ជីមិញ ត្រូវបានរៀបចំឡើងជាលើកដំបូងឈានទៅដល់គោលដៅ ផ្សព្វផ្សាយរូបភាព តំបន់ដី មនុស្សម្នា អត្តសញ្ញាណវប្បធម៌ សកម្មភាពទេសចរណ៍ និងមុខម្ហូបពិសេសដាច់ដោយឡែករបស់ទីក្រុង។ មានបណ្តាសកម្មភាពវប្បធម៌ សិល្បៈ កីឡា ល្បងបទពិសោធន៍ទេសចរណ៍តាមដងទន្លេបានប្រព្រឹត្តឡើងនៅទីក្រុង ហូជីមិញ ចាប់ពីថ្ងៃទី ៤ ដល់ថ្ងៃទី ៦ ខែ សីហា ឆ្នាំ ២០២៣។

ចំណុចលេចធ្លោនៃព្រឹត្តិការណ៍នេះគឺកម្មវិធីសិល្បៈនៃពិធីបុណ្យទន្លេទីក្រុង ហូជីមិញ លើកដំបូងឆ្នាំ ២០២៣ ដោយមានប្រធានបទ "សាយហ្គន - និទានរឿងដងទន្លេ"។

នេះគឺជាកម្មវិធីទស្សនីយនៃជីវិតពិតលើកដំបូងរបស់ទីក្រុង ហូជីមិញ ហើយក៏ជាកម្មវិធីបង្ហាញទស្សនីយ នៃជីវិតពិតសម្រែងឡើងវិញនូវការកកើតឡើងដោយឯកឯងមនុស្សឆ្លងតាមរយៈដំណាក់កាលអភិវឌ្ឍន៍នៃ យ៉ាឌិញ -សាយហ្កន-ហូជីមិញ ក្នុងនោះដងទន្លេគឺជា ”សាក្សី " វីរភាព។

កម្មវិធីនេះមិនត្រឹមតែផ្សាព្វផ្សាយនូវលក្ខណៈប្រវត្តិសាស្ត្រ លក្ខណៈពិសេសដាច់ដោយឡែកវប្បធម៌របស់ទីក្រុងប៉ុណ្ណោះទេ ថែមទាំងទាញយកតម្លៃពីធនធានទន្លេ សមុទ្រ រួមវិភាគទានដល់ទីតាំងពាណិជ្ជសញ្ញាទីក្រុង ហូជីមិញ ជាទីក្រុងទឹកទន្លេសម្បូរទៅដោយអត្តសញ្ញាណវប្បធម៌។

នៅពិធីបើក ប្រធានគណៈកម្មាធិការប្រជាជនទីក្រុង លោក ផាន វ៉ាន់ម៉ាយ បានឲ្យដឹងថា ប្រវត្តិសាស្រ្តនៃការកកើតឡើងនិងអភិវឌ្ឍន៍ក្នុងរយៈពេល ៣០០ ឆ្នាំកន្លងមកនៃទីក្រុង សាយហ្គន-ជើលើន-យ៉ាឌិញ-ហូជីមិញ មានស្លាកស្នាមដ៏សំខាន់នៃដងទន្លេទាំងឡាយ។ នៅតាមដងទន្លេ ព្រែក ប្រឡាយ កំពង់ផែ-ចំណត់ ផ្សារក្រុង ភូមិរបរ សេវាកម្មនៅលើកំពង់ផែក្រោមទូកត្រូវបានកកើតឡើង អភិវឌ្ឍន៍ប្រកបដោយភាពអ៊ូអរ ធ្វើអោយទៅជាលក្ខណៈពិសេសដោយឡែកនៃទីក្រុងជាប់មាត់ទន្លេ មិនត្រឹមតែផ្សារភ្ជាប់ជាមួយនឹងដីល្បាប់ប៉ុណ្ណោះទេ ថែមទាំងមានភាពសុខដុមរមនារវាងវប្បធម៌ និងសេដ្ឋកិច្ច រវាងប្រពៃណីនិងភាពទំនើប រវាងអត្តសញ្ញាណនិងការរួមបញ្ចូលផងដែរ។

ដងទន្លេទាំងឡាយហូរចូលមកកាន់ទីក្រុង បង្ហាញពីប្រវត្តិសាស្ត្រនៃទីក្រុង សាយហ្កន-ហូជីមិញ។ តាមដងទន្លេគឺជាទីតាំងប្រវត្តិសាស្ត្របដិវត្តន៍ រួមមានៈ កំពង់ផែ ញ៉ារ៉ុង រោងចក្របោះកប៉ាល់ បាសន តំបន់សង្គ្រាម ព្រៃលិចទឹក រឹងសាក...

ជាពិសេស “លើកំពង់ក្រោមមានទូក” មិនត្រឹមតែជាសកម្មភាពចាំបាច់បន្តលើកកំពស់អភិវឌ្ឍន៍ សេដ្ឋកិច្ចទីក្រុង ហូជីមិញ ប៉ុណ្ណោះទេ ថែមទាំងជារបៀបរស់នៅ វប្បធម៌ កេរដំណែលដ៏មានតម្លៃ ត្រូវបានអភិរក្ស និងផ្សព្វផ្សាយផងដែរ។

ក្នុងពិធីបុណ្យ ប្រជាជននិងភ្ញៀវទេសចរអាចមានបទពិសោធន៍ពីបណ្តាកម្មវិធីទេសចរណ៍ផ្លូវទឹក លំហ " លើកំពង់ក្រោមមានទូក" នៅប្រឡាយ ញ៉ឺវឡុក - ធីងា (ខណ្ឌលេខ ១) កំពង់ផែ បិញដុង - ខណ្ឌលេខ ៨ ជីវភាពរស់នៅរបស់សហគមន៍អ្នកស្រុក សាយហ្កន - ជឺលើន - យ៉ាឌិញ - ទីក្រុងហូជីមិញឆ្លងកាត់គ្រប់សម័យកាលនិងសកម្មភាពទិញ-លក់កសិផល ផលិតផលពិសេសដាច់ដោយឡែករបស់តំបន់នានា។

ក្រៅពីនេះ ប្រជាជន ភ្ញៀវទេសចរក៏អាចភ្ជាប់ខ្លួនទៅក្នុងបរិយាកាសដ៏រំភើបជក់ចិត្តនៃសកម្មភាព កីឡាក្នុងទឹក និងលំហវប្បធម៌ សិល្បៈ និងល្បែងប្រជាប្រិយផងដែរ។

ពិធីបុណ្យទឹកទន្លេលើកដំបូងត្រូវបានរៀបចំឡើងដោយមន្ទីរទេសចរណ៍ទីក្រុងហូជីមិញ រួមចំណែកអភិរក្ស និងផ្សព្វផ្សាយតម្លៃវប្បធម៌-ប្រវត្តិសាស្ត្រ កសាងផលិតផល ព្រឹត្តិការណ៍ពិសេសៗដាច់ដោយឡែក។

ជំរុញយ៉ាងខ្លាំងក្លាការទាញយកតម្លៃសេដ្ឋកិច្ច ទេសចរណ៍ពីប្រព័ន្ធធនធានទន្លេ សមុទ្រនៅលើភូមិសាស្រ្តទីក្រុង ឆ្ពោះទៅទីតាំងពាណិជ្ជសញ្ញានៃក្រុងទឹកទន្លេសម្បូរទៅដោយអត្តសញ្ញាណវប្បធម៌៕

អត្ថបទនិងរូបថត៖ អាន ហៀវ
ប្រែសម្រួលដោយ៖ យ័ញ លើយ - សឺន ហេង