ស្ថិតក្នុងតំបន់ផ្នែកខាងក្រោមនៃទន្លេ ហូវ ខេត្ត សុកត្រាំង ជួបប្រសព្វទាក់ទងគ្នាទៅវិញទៅមករវាងជនជាតិទាំងបី គិញ ខ្មែរ និង ចិន ដោយមានបេតិកភណ្ឌវប្បធម៌ ពិធីបុណ្យ សំណង់ស្ថាបត្យកម្ម កូនកោះសម្បូរស្តុកស្តម្ភរួមជាមួយនឹងប្រព័ន្ធអេកូឡូស៊ី ព្រៃរនាមជាប់មាត់សមុទ្រ... នេះគឺជាសក្តានុពលដ៏ចម្បងដើម្បីខេត្ត សុកត្រាំង ពង្រីកតម្លៃវប្បធម៌ប្រពៃណីផ្សារភ្ជាប់ជាមួយនឹងការអភិវឌ្ឍទេសចរណ៍...
ការប្រណាំងទូក ង - វិញ្ញាសាកីឡាប្រពៃណីរបស់បងប្អូនជនជាតិ ខ្មែរ ត្រូវបានរៀបចំ ឡើងក្នុងឱកាសពិធីបុណ្យ អកអំបុក តែងតែទាក់ទាញ ភ្ញៀវទេសចរក្នុងនិងបរទេសមក ទស្សនានិងលើកទឹកចិត្តយ៉ាងច្រើនកុះករ
ប៉ុន្មានឆ្នាំកន្លងទៅ ខេត្ត សុកត្រាំង តែងតែអនុវត្តល្អការងារអភិរក្ស ថែរក្សា និងពង្រីកអត្តសញ្ញាណវប្បធម៌ប្រពៃណីផ្សារភ្ជាប់ជាមួយនឹងការអភិវឌ្ឍទេសចរណ៍។ តួយ៉ាងគឺជាការរៀបចំប្រកបដោយជោគជ័យ ពិធីបុណ្យធំៗ ដូចជា៖ ពិធីបុណ្យសែន សមុទ្រ (ជ្រោយរំចេក) វិញចូវ ពិធីបុណ្យ ង៉ិញអុង ពិធីបុណ្យបណ្តែតប្រទីប ពិធីបុណ្យសំពះព្រះខែ... និងជាពិសេសគឺពិធីបុណ្យ អកអំបុក - ប្រណាំងទូក ង។
ខេត្តបានវិនិយោគហេដ្ឋារចនាសម្ព័ន្ធទេសចរណ៍អោយល្អប្រសើរជាងមុន លើកកម្ពស់កម្រិតបណ្តាព្រឹត្តិការណ៍ពិធីបុណ្យពិសេសដាច់ដោយឡែក ពន្លឿនការវិនិយោគបណ្តាគម្រោងទេសចរណ៍ ជួយឱ្យទេសចរណ៍ សុកត្រាំង មានគោលដៅទាំងឡាយ និងស្លាកស្នាមដ៏វិសេសវិសាលដាច់ដោយឡែក។
ការសម្តែងបង្ហាញរបរដាល់អំបុករបស់បងប្អូនជនជាតិ ខ្មែរ នៅខេត្ត សុកត្រាំង នៅទិវាបុណ្យវប្បធម៌ កីឡា និងទេសចរណ៍បងប្អូនជនជាតិ ខ្មែរ ភាគខាងត្បូង
បច្ចុប្បន្ន ខេត្ត សុកត្រាំង មានកេរដំណែលថ្នាក់ជាតិចំនួន ៨ កេរដំណែល ថ្នាក់ខេត្តចំនួន ៤៣ និងបេតិកភណ្ឌវប្បធម៌អរូបីចំនួន ៨។ នៅឆ្នាំ ២០២២ អង្គការ Guinness វៀតណាម បានទទួលស្គាល់ឯតទគ្គៈ Guinness "ពិធីបុណ្យ អកអំបុក - ប្រណាំងទូក ង សុកត្រាំង មានចំនួនទូក ង និងអត្តពលិកច្រើនជាងគេបំផុត" នៅ វៀតណាម ចាប់ពីឆ្នាំ ២០០៥ ដល់បច្ចុប្បន្ន។
បណ្តាខ្សែទេសចរណ៍ សុកត្រាំង ក៏ត្រូវបានតំណភា្ជប់ពិពិធភាព រួមចំណែកបើកទូលាយលំហទេសចរណ៍ក្នុងនិងក្រៅខេត្ត បណ្តាដំណើរដូចជា កឹនថើ- សុកត្រាំង - កូនដាវ (បារៀ - វុងតាវ) កឹនថើ - កូវឡាវយុង (ខេត្ត សុកត្រាំង) - កូនដាវ ឬក៏ទីក្រុង ហូ ជីមិញ - ទៀនយ៉ាង - កឹនថើ - សុកត្រាំង - បាកលៀវ - កាម៉ៅ ដោយមានបណ្តាគោលដៅបង្កប់នូវអត្តសញ្ញាណវប្បធម៌តំបន់ដែនដី មនុស្សម្នា ភូមិភាគខាងត្បូង ល្បងពិសោធន៍លំហស្រុកស្រែចម្ការ បឹងទន្លេ វាលទំនាបទន្លេ គឺវឡុង បានក្លាយជាបណ្តាផលិតផលទេសចរណ៍លេចធ្លោរបស់ខេត្ត សុកត្រាំង ហើយព្រមទាំងមូលដ្ឋានផ្សេងៗ ក្នុងតំបន់។
បងប្អូនជនជាតិ ខ្មែរ អនុវត្តពិធីកិច្ចដង្ហែមហាសង្រ្កាន្ត និងក្បួនដង្ហែទទួលទេវតា ប្រទក្សិណព្រះវិហារ ចូលឆ្នាំថ្មីប្រពៃណីនៅវត្តសិរីសុខុមសង្គមមានជ័យ ស្រឡូង ឬហៅវត្ត ចែនកៀវ នៅឃុំ ដាយតឹម ស្រុក មីស្វៀន
លោក ត្រឹន មិញលី នាយកមន្ទីរវប្បធម៌ កីឡានិងទេសចរណ៍ខេត្ត សុកត្រាំង បានឲ្យដឹងថា អនុវត្តសេចក្តីសម្រេចចិត្តនៃ មហាសន្និបាតបក្សខេត្ត សុកត្រាំង លើកទី ១៤ អាណត្តិ ២០២០ - ២០២៥ ខេត្ត សុកត្រាំង បានកំពុងហើយនឹងបន្តដំណើរការអនុវត្តប្រកបដោយប្រសិទ្ធភាពនូវគោលនយោបាយ ឧបត្ថម្ភការអភិវឌ្ឍទេសចរណ៍ ផ្តោតលើការទាញយកសក្តានុពល ទេសចរណ៍វប្បធម៌ ពិធីបុណ្យ កេរដំណែលប្រវត្តិសាស្ត្រ ទេសចរណ៍ អេកូឡូស៊ី...
មិនត្រឹមតែអាជីវកម្មទាំងឡាយវិនិយោគលើការអភិវឌ្ឍផលិតផល ទេសចរណ៍ប៉ុណ្ណោះទេ ហើយក៏បណ្តាកេរដំណែលប្រវត្តិសាស្ត្រ វត្តអារាម គោលដៅទាក់ទាញភ្ញៀវទេសចរត្រូវបានភ្ញៀវទេសចរចាប់អារម្មណ៍ក៏គង់នឹងបានឧបត្ថម្ភថវិកាដើម្បីតុបតែងទេសភាពបរិស្ថាន វិនិយោគទៅលើផលិតផលទេសចរណ៍ថ្មីៗ ថែមទៀត... ភាពជាក់ស្តែងបញ្ជាក់ឲ្យឃើញថា ការអភិរក្សនិងពង្រីកបណ្តាតម្លៃវប្បធម៌ប្រពៃណី ប្រជាប្រិយ រយៈពេលកន្លងទៅត្រូវបានខេត្តផ្តោតសំខាន់ យកចិត្តទុកដាក់ដឹកនាំរៀបចំដោយមានខ្លឹមសារ សកម្មភាពដ៏សម្បូរបែប ទាក់ទាញជាច្រើន បង្កប់នូវអត្តសញ្ញាណជនជាតិក្នុងគោលបំណងទាក់ទាញភ្ញៀវទេសចរ អញ្ជើញមកចូលរួមពីមួយថ្ងៃទៅមួយថ្ងៃកាន់តែច្រើនឡើងៗ។
ខេត្ត សុកត្រាំង ផ្តោតសំខាន់កសាងក្រុមសម្តែងវប្បធម៌សិល្បៈដើម្បីទាក់ទាញ រក្សាភ្ញៀវទេសចរផង ព្រមទាំងរួមចំណែកសាយភាយបណ្តាតម្លៃវប្បធម៌ប្រពៃណីនៃ តំបន់ដែនដីផង
ខេត្ត សុកត្រាំង ផ្តោតសំខាន់លើការកសាងបណ្តាក្រុមសម្តែងវប្បធម៌ សិល្បៈពិសេសដាច់ដោយឡែកដូចជា៖ ឌើនកាតាយទឺ សិល្បៈល្ខោនយូកេ សិល្បៈរបាំ សម្តែងភ្លេងពិណ្យពាទ្យ សម្តែងប្រជាប្រិយរាំចង្វាក់រាំវង់របស់ជនជាតិ ខ្មែរ ភ្លេងទ័រឡូវកូវ របស់ជនជាតិ ចិន… ដើម្បីទាក់ទាញ រក្សាភ្ញៀវទេសចរព្រមទាំង រួមចំណែករីកសាយភាយបណ្តាតម្លៃវប្បធម៌ ប្រពៃណីដល់ភ្ញៀវទេសចរក្នុងនិងបរទេស។
ទន្ទឹមនឹងនោះ ខេត្តផ្តោតលើការអភិវឌ្ឍផលិតផល ទេសចរណ៍សំខាន់ៗ ចំនួន ១០ ផលិតផលបន្ថែមចំនួន ៦ និងចំណុចឈប់សម្រាកចំនួន ៣ អាចរាប់ឈ្មោះដូចជា៖ ផលិតផលទេសចរណ៍វប្បធម៌ខាងព្រលឹងវិញ្ញាណទីក្រុង សុកត្រាំង ទេសចរណ៍វប្បធម៌ ពិធីបុណ្យ - ភោជនាហារទីក្រុង សុកត្រាំង ទេសចរណ៍ ស្រុកស្រែចម្ការបឹងទន្លេ កូនកោះ មីភឿក ស្រុក កែសាច់ ទេសចរណ៍អេកូឡូស៊ីសមុទ្រ កូវឡាវយុង និងបឹង បែ ស្រុក វិញចូវ...៕
អត្ថបទ៖ ធូហឿង រូបថត៖ អានហៀវ
បញ្ចូលទិន្នន័យដោយ៖ លឺ ធីអៀនថាញ់
