ជាខេត្តតំបន់ភ្នំភូមិភាគខាងជើង ខេត្ត ទ្វៀនក្វាង ត្រូវបានធម្មជាតិប្រទានអោយទេសភាពដ៏ស្រស់បំព្រង អត្តសញ្ញាណវប្បធម៌ពិពិធភាពដោយមានជនជាតិចំនួន ២២ រស់នៅរួមជាមួយគ្នា។ ក្នុងគោលបំណងទាញយកផលសក្តានុពលប្រកបដោយប្រសិទ្ធភាពអំពីទេសចរណ៍តាមទិដៅចីរភាព ពាំនាំទេសចរណ៍ក្លាយទៅជាផ្នែកសេដ្ឋកិច្ចដ៏សំខាន់ដូចគោលដៅមហាសន្និបាតបក្ខភាគខេត្តលើកទី ១៧ អាណត្តិ ២០២០ - ២០២៥ ដាក់ចេញ ខេត្ត ទ្វៀនក្វាង បាននិងកំពុងរៀបចំដាក់ដំណើរការប្រកបដោយសង្គតិភាពជាច្រើនដំណោះស្រាយ ពិពិធកម្មគ្រប់ទម្រង់ទេសចរណ៍។ល។
ខេត្ត ទ្វៀនក្វាង បានកសាងផលិតផលទេសចរណ៍ដ៏វិសេសវិសាលចំនួន ៥ រួមមានទេសចរណ៍រំលឹករឿងអនុស្សាវរីយ៍កាលពីមុន (មណ្ឌកេរដំណែលជាតិពិសេស តឹនត្រាវ កេរដំណែលជាតិពិសេស គឹមប៊ិញ) ទេសចរណ៍សម្រាកលម្ហែកាយ (ជ្រោះទឹករ៉ែ មីឡឹម) ទេសចរណ៍ខាងព្រលឹងវិញ្ញាណ (ប្រាសាទ វត្តអារាមនៅទីក្រុង ទ្វៀនក្វាង) ទេសចរណ៍អេកូឡូស៊ី (ណាហាង ឡឹមប៊ិញ) ទេសចរណ៍ពិធីបុណ្យ (ពិធីបុណ្យក្រុង ទ្វៀន ពិធីបុណ្យលោតភ្លើង)។
ភ្ញៀវទេសចរឆ្លងកាត់បទពិសោធន៍ចែវក្បូន - ស្តាប់ចម្រៀង ថែន នៅលើបឹង ណានឿ នៅឃុំ តឹនត្រាវ ស្រុក សឺនយឿង
ទន្ទឹមនឹងនោះ ខេត្តដាក់ឱ្យដំណើរការនូវផលិតផលទេសចរណ៍ថ្មីៗ មួយចំនួនដូចជា៖ ចែវក្បូន - ច្រៀងចម្រៀង ថែន នៅលើបឹង ណានឿ ឆ្លងកាត់បទពិសោធន៍ ហោះបាឡុង រុករកស្វែងយល់រូងភ្នំជាដើម។ ដើម្បីតំណភា្ជប់និងអភិវឌ្ឍទេសចរណ៍ខេត្តថែមទាំងផ្តោតការយកចិត្តទុកដាក់ជាសំខាន់ទៅលើការវិនិយោគធ្វើឲ្យល្អប្រសើរជាងមុន សាងសង់គម្រោងចរាចរណ៍ថ្មីជាច្រើនដូចជា៖ ផ្លូវល្បឿនលឿន ទ្វៀនក្វាង - ភូ ថ ផ្លូវតំណភា្ជប់វិថី បាក់កាន - បឹង បាបែ។ល។
ភ្ញៀវទេសចរឆ្លងកាត់បទពិសោធន៍ពីរបៀបធ្វើនំបក្សីលលកទ្រាំងរបស់ជនជាតិ កាវឡាន
ភ្ញៀវទេសចរចូលចិត្តយ៉ាងខ្លាំងនឹងល្បែងប្រពៃណីនៅក្នុងពិធីបុណ្យសម្រស់ ណាហាង
ដោយមានការវិនិយោគព្រមៗ គ្នា ទេសចរណ៍ស្រុកទេស ទ្វៀន កំពុងវឌ្ឍនភាពពីមួយថ្ងៃទៅមួយថ្ងៃ។ ក្នុងត្រីមាសទី ១ ឆ្នាំ ២០២៣ ខេត្ត ទ្វៀនក្វាង ទទួលស្វាគមន៍ភ្ញៀវទេសចរជាង ៨៨០.០០០ លើកនាក់ ប្រាក់ចំណូលសរុបជាង ១.០០០ ពាន់លានដុង កើនឡើងចំនួន ១៤៤,៥% ភាគរយធៀបជាមួយនឹងរយៈពេលដូចគ្នាក្នុងឆ្នាំ ២០២២។ ឆ្នាំ ២០២៣ ខេត្ត ទ្វៀនក្វាង ខិតខំប្រឹងប្រែងទាក់ទាញភ្ញៀវជាង ២,៥ លានលើកនាក់ ប្រាក់ចំណូលសម្រេចបានចំនួន ៣.០០០ ពាន់លានដុង៕
អត្ថបទនិងរូបថត៖ វូ ក្វាងដាន
បញ្ចូលទិន្នន័យដោយ៖ អៀនថាញ់
