ថែរក្សាភាពសុខក្សេមក្សាន្តនៅតំបន់ព្រំដែន តីនិញ

តីនិញ ជាខេត្តស្ថិតនៅតំបន់ ដុងណាមបូ (ភាគខាងកើតនៃភូមិភាគខាងត្បូង) មានខ្សែបន្ទាត់ព្រំដែនប្រវែងចំនួន ២៤០ គីឡូម៉ែត្រ ជាប់ជាមួយខេត្តចំនួន ៣ គឺខេត្ត ស្វាយរៀង ព្រៃវែង និង ត្បូងឃ្មុំ  នៃព្រះរាជាណាចក្រ កម្ពុជា។

ដោយមានលក្ខណៈពិសេសដាច់ដោយឡែកខ្សែបន្ទាត់ព្រំដែនវែង ផ្លូវលំ ច្រករបៀងតូចៗ ជាច្រើនបណ្តាល អោយស្ថានភាពរត់ពន្ធ ក្លែងបន្លំពាណិជ្ជកម្ម ចេញចូលឆ្លងដែនខុសច្បាប់នៅតំបន់ព្រំដែន តីនិញ តែងតែវិវត្តពិបាកនឹងប៉ាន់ប្រមាណបាន។

កងទ័ពការពារព្រំដែនខេត្ត តីនិញ ដើរល្បាតតំបន់វាលស្រែជាប់ព្រំដែន

ដើម្បីថែរក្សារឹងមាំសន្តិសុខ សណ្តាប់ធ្នាប់តំបន់ព្រំដែន កងទ័ពការពារព្រំដែនខេត្ត តីនិញ បានសហការជាមួយកងកម្លាំងប្រដាប់អាវុធនៃខេត្តចំនួន ៣ របស់ កម្ពុជា បំពេញល្អការងារឃោសនាអប់រំប្រជាជនឱ្យគោរពយ៉ាងម៉ឺងម៉ាត់នូវកិច្ចព្រមព្រៀង បទប្បញ្ញត្តិ ព្រមព្រៀងអំពីព្រំដែនដែលរដ្ឋាភិបាលប្រទេសទាំងពីរបានចុះហត្ថលេខាដូចជា៖ មិនឆ្លងដែនទៅវិញទៅមកដោយខុសច្បាប់ មិនលែងសត្វ គោក្របីឲ្យដើររកស៊ីពាសវាលពាសកាលបំផ្លាញដំណាំ មិនកាប់បំផ្លាញ  លួចប្លន់រុក្ខផល បរបាញ់ចាប់សត្វព្រៃខុសច្បាប់ ។ល។ ព្រមទាំង បង្កើនការយាមល្បាត ត្រួតពិនិត្យ តស៊ូប្រយុទ្ធមានប្រសិទ្ធភាពពីស្ថានភាពចេញចូលឆ្លងដែនខុសច្បាប់។

យុទ្ធជនការពារព្រំដែនកុងត្រូល កូវត្រាំង - ប៉ុស្តិ៍ការពារព្រំដែនច្រកទ្វារព្រំដែនអន្តរជាតិ ម៉ុកបាយ ត្រួតពិនិត្យបង្គោលតម្រុយ ១៧០

ឆ្នាំ ២០២២ ក្នុងការងារសហការ ប្រយុទ្ធប្រឆាំងឧក្រិដ្ឋជនគ្រប់ប្រភេទ កងកម្លាំងប្រទេសទាំងពីរបានចាប់ឃាត់ខ្លួនចំនួន ៦២ ករណី ដោយមានចំនួន ១៣៨ មុខសញ្ញាចេញចូលឆ្លងដែនខុសច្បាប់ សហការដោះស្រាយសំណុំរឿងពាក់ព័ន្ធដល់ប្រជាពលរដ្ឋ វៀតណាម ពលកម្មនៅ កម្ពុជា ជាពិសេសគឺដោះស្រាយជូនប្រជាពលរដ្ឋ វៀតណាម ពលកម្មនៅ កម្ពុជា ជាង ៥៦០ នាក់ត្រលប់មកប្រទេសវិញដោយសុវត្ថិភាព។

កងទ័ពការពារព្រំដែន តីនិញ បង្កើនការយាមល្បាត ត្រួតពិនិត្យ តស៊ូប្រយុទ្ធមានប្រសិទ្ធភាពស្ថានភាពចេញចូលឆ្លងដែនខុសច្បាប់

ក្រៅពីនេះ ក្នុងការងារខណ្ឌសីមា បោះបង្គោលព្រំដែន ប្រទេសទាំងពីរបានកសាងប្រកបដោយសុក្រឹតភាពចំនួន ១០២ បង្គោលក្នុងចំណោម ១០៩ បង្គោលគោល បង្គោលបន្ទាប់បន្សំចំនួន ៣៧០ បង្គោលចំណាំចំនួន ១០៩ និងខណ្ឌសីមាចំនួន ២២០ គីឡូម៉ែត្រ ខ្សែបន្ទាត់ព្រំដែន។ល។

អត្ថបទ៖ យ៉ាងផឿង
រូបថត៖ យ៉ាងផឿង - ថាញ់តឹន
បញ្ចូលទិន្នន័យដោយ៖ យ័ញលើយ