ប្រធានគណៈកម្មការជនជាតិខេត្ត សុកត្រាំង លោក លី រដ្ឋា៖ "រួមកម្លាំងកសាងស្រុកកំណើត សុកត្រាំង កាន់តែអភិវឌ្ឍពីមួយថ្ងៃទៅមួយថ្ងៃ…"

ប៉ុន្មានឆ្នាំកន្លងទៅថ្មីៗ នេះ កម្មវិធី គម្រោង គោលនយោបាយជនជាតិត្រូវបានរៀបចំដំណើរការអនុវត្តនៅលើភូមិសាស្ត្រខេត្ត សុកត្រាំង បានពង្រីកប្រសិទ្ធភាព រួមចំណែកធានាសុខុមាលភាពសង្គម សម្រេចរួចរាល់កូតាអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំ ។ល។

លោក លី រដ្ឋា - សមាជិកគណៈកម្មាធិការបក្សខេត្ត ប្រធានគណៈកម្មការជនជាតិខេត្ត សុកត្រាំង

ជុំវិញខ្លឹមសារនេះ លោក លី រដ្ឋា - សមាជិកគណៈកម្មាធិការបក្សខេត្ត ប្រធានគណៈ កម្មការជនជាតិខេត្ត សុកត្រាំង បានអញ្ជើញផ្តល់បទសម្ភាសន៍ពិសេសរបស់កា សែតរូបភាពជនជាតិនិងតំបន់ភ្នំ…

* ក្រោយរយៈពេល ៥ ឆ្នាំអនុវត្តសារាចរលេខ 19-CT/TW  របស់គណៈលេខាបក្ស លោកវាយតម្លៃយ៉ាងដូចម្តេចអំពីភារកិច្ចអភិវឌ្ឍសេដ្ឋ កិច្ច - សង្គម លើកកម្ពស់ជីវភាពបងប្អូនជនជាតិ ខ្មែរ នៅលើភូមិ សាស្ត្រខេត្ត សុកត្រាំង?
- សុកត្រាំង ជាខេត្តមានបងប្អូនជនជាតិភាគតិចរស់នៅច្រើន (ស្មើនឹងចំនួន ៣៥,៤៤% នៃចំនួនប្រជាជនខេត្ត) ក្នុងនោះ ជនជាតិ ខ្មែរ ស្មើនឹងចំនួន ៣០,១៩% រស់នៅស្មើសព្វនៅលើភូមិសាស្ត្របណ្តាស្រុក ទីរួមខេត្ត ទីក្រុង ចម្រុះលាយ ឡំជាមួយជនជាតិ គិញ ចិន។ ទូទាំងខេត្តមានឃុំចំនួន ៦៣ ស្ថិតក្នុងតំបន់ជន ជាតិភាគតិចដោយមានឃុំលំបាកលំបិនខ្លាំងចំនួន ១៧ តាមសេចក្តីសម្រេចលេខ 861/QD-TTg ចុះថ្ងៃទី ៤ ខែ មិថុនា ឆ្នាំ ២០២១ របស់នាយករដ្ឋមន្ត្រី។

សុកត្រាំង ជាខេត្តមានបងប្អូនជនជាតិភាគតិចរស់នៅច្រើន (ស្មើនឹងចំនួន ៣៥,៤៤% នៃចំនួនប្រជាជនខេត្ត) ក្នុងនោះ ជនជាតិ ខ្មែរ ស្មើនឹងចំនួន ៣០,១៩% រស់នៅស្មើសព្វនៅលើភូមិសាស្ត្របណ្តាស្រុក ទីរួមខេត្ត ទីក្រុង ចម្រុះលាយឡំជាមួយជនជាតិ គិញ ចិន

ផ្លូវគមនាគមន៍ជនបទឆ្លងកាត់ឃុំ វិញហាយ ទីរួមខេត្ត វិញចូវ (ខេត្ត សុកត្រាំង) ត្រូវបានចាក់កៅស៊ូធំទូលាយ ឆ្លើយតបតម្រូវការធ្វើដំណើរទៅមក ដឹកជញ្ជូនទំនិញរបស់បងប្អូនជនជាតិ ខ្មែរ

វាយតម្លៃអំពីស្ថានភាពសេដ្ឋកិច្ច - សង្គម ជីវភាពបងប្អូនជនជាតិ ខ្មែរ ក្នុងខេត្ត ក្រោយរយៈពេល ៥ ឆ្នាំរៀបចំដាក់ដំណើរការអនុវត្តសារាចរលេខ 19-CT/TW ចុះថ្ងៃ ទី ១០ ខែ មករា ឆ្នាំ ២០១៨ របស់គណៈលេខាបក្សអំពីបង្កើនការងារក្នុងតំបន់ជន ជាតិ ខ្មែរ ក្នុងស្ថានភាពថ្មី អាចនិយាយថាបានមានសន្ទុះលោតផ្លោះ ជីវភាពសម្ភារៈនិងស្មារតីត្រូវបានកើនឡើងឥតឈប់ឈរ អត្រាក្រុមគ្រួសារក្រីក្រថយចុះយ៉ាងខ្លាំង (ជាង ៤,៥% ក្នុងមួយឆ្នាំ)។ បងប្អូនជនជាតិ ខ្មែរ ខិតខំឈោងឈានឡើងឥតឈប់ឈរ គោរពតាមគោលការណ៍ គោលនយោបាយរបស់បក្សនិងរដ្ឋបានល្អ សាមគ្គី រួមកម្លាំងគ្នាកសាងស្រុកកំណើត សុកត្រាំង កាន់តែរីកចម្រើនពីមួយថ្ងៃទៅមួយថ្ងៃ។ ហេដ្ឋារចនាសម្ព័ន្ធសង្គមតំបន់មានបងប្អូនជនជាតិ ខ្មែរ ច្រើន ត្រូវបានផ្តោតទៅលើការវិនិយោគ កសាង ឆ្លើយតបតម្រូវការរបស់ប្រជាជនកាន់តែល្អឡើងពីមួយថ្ងៃទៅមួយថ្ងៃ។ នៅតាមឃុំមានបងប្អូនជនជាតិ ខ្មែរ ច្រើនសុទ្ធតែមានអនុវិទ្យាល័យ មណ្ឌលសុខភាពនិងផ្លូវរថយន្តទៅដល់ទីកណ្ដាលនៃឃុំ។ ១០០% ឃុំ សង្កាត់ ទីរួមស្រុក និង ១០០% អនុសង្កាត់ ភូមិមានបណ្តាញភ្លើងអគ្គិសនីជាតិ ១០០% ឃុំសម្រេចបានក្រមលក្ខណៈវិនិច្ឆ័យជាតិអំពីសុខភាព ១០០% ឃុំ សង្កាត់ ទីរួមស្រុកត្រូវបានគ្របដណ្ដប់រលកវិទ្យុ - ទូរទស្សន៍ ធានាបម្រើតម្រូវការប្រជុំជីវភាពខាងស្មារតីរបស់បងប្អូនជនជាតិ ខ្មែរ ។ល។

ការពិនិត្យជំងឺជូនបងប្អូនជនជាតិ ខ្មែរ នៅមណ្ឌលសុខភាពសង្កាត់ ១០ ទីក្រុង សុកត្រាំង (ខេត្ត សុកត្រាំង)

អំពីការងារអប់រំ - បណ្តុះបណ្តាល គុណភាព ប្រសិទ្ធភាពនៅកន្លែងមានបងប្អូនជនជាតិ ខ្មែរ រស់នៅត្រូវបានកើនឡើង ប្រព័ន្ធសាលាអន្តេវាសិកជនជាតិ ត្រូវបាន យកចិត្តទុកដាក់វិនិយោគ។ ការងារថែទាំសុខភាពបងប្អូនជនជាតិ ខ្មែរ បន្តត្រូវបានផ្តោតការយកចិត្តទុកដាក់ជាសំខាន់ទៅលើការអនុវត្ត។ អត្តសញ្ញាណវប្បធម៌ ប្រពៃណីដ៏ល្អប្រសើររបស់បងប្អូនជនជាតិ ខ្មែរ ត្រូវបានថែរក្សានិងពង្រីក។ ប្រព័ន្ធនយោបាយត្រូវបានពង្រឹងពង្រីក។ ស្ថានភាពសន្តិសុខនយោបាយ សណ្តាប់ធ្នាប់ សុវត្ថិភាពសង្គមបន្តស្ថិរភាព។ ការងារកសាងបក្ស មហាជននិងបណ្ដុះបណ្ដាលកម្មាភិបាលនៅតំបន់បងប្អូនជនជាតិ ខ្មែរ ត្រូវបានយកចិត្តទុកដាក់ដោយមានចំនួនបក្ខជនសុទ្ធតែកើនឡើងជារៀងរាល់ឆ្នាំ។ មូលដ្ឋានបក្ស អង្គការមហាជននិងអង្គការនយោបាយត្រូវបានពង្រឹង បង្កើនទាំងចំនួននិងគុណភាព ក្លាយជាកត្តាសំខាន់កាន់តែខ្លាំងឡើងពីមួយថ្ងៃទៅមួយថ្ងៃក្នុងបុព្វហេតុកសាងនិងការពារមាតុភូមិ។

* អំពីកម្មវិធី គម្រោង គោលនយោបាយជនជាតិ ជាពិសេសកម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់ជនជាតិភាគតិចនិងតំបន់ភ្នំនៅលើភូមិសាស្ត្រខេត្ត សុកត្រាំង តើលោកមានមតិអ្វីដែរ?
- កម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំ គឺជាកម្មវិធីដ៏ធំរបស់បក្ស រដ្ឋអំពីការងារជនជាតិនិងគោលនយោបាយជនជាតិផ្សារភ្ជាប់ជាមួយនឹងដំណោះស្រាយបញ្ហាសង្គម កាត់បន្ថយភាពក្រីក្រយ៉ាងឆាប់រហ័ស ប្រកបដោយចីរភាព។ ឆ្លងកាត់រយៈពេល ២ ឆ្នាំរៀបចំដំណើរការអនុវត្តកម្មវិធី រហូតមកទល់ពេលនេះ មានចំនួន ១៥/៣៥ គោលដៅ កូតាសម្រេចបាននិងលើសពីផែនការរយៈពេលមធ្យមដំណាក់កាល ២០២១ - ២០២៥។ គ្រោងទុកជាមុនថាដល់ឆ្នាំ ២០២៥ អនុវត្តសម្រេចបានបណ្តាកូតា ផែនការដែលបានដាក់ចេញ ។ល។

ការងារអប់រំ - បណ្តុះបណ្តាលកូនក្មួយបងប្អូនជនជាតិភាគតិចនៅលើភូមិសាស្រ្តខេត្ត សុកត្រាំង ត្រូវបានយកចិត្តទុកដាក់ វិនិយោគ

កម្មវិធីគោលដៅជាតិអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំបានរួមបញ្ចូល បូកបញ្ចូលកម្មវិធី គម្រោងគោលនយោបាយជនជាតិពីមុននេះ រួមមានគម្រោងចំនួន ១០ អនុគម្រោងចំនួន ១៤ កម្មវត្ថុសមាសភាគចំនួន ៣៦ ដោយមានសកម្មភាពចំនួន ១៨០ ក្នុងនោះមានកម្មវត្ថុសមាសភាគជាច្រើនផ្តោតលើការឧបត្ថម្ភដោយផ្ទាល់ជូនបងប្អូនជនជាតិភាគតិច (ភាគច្រើនជាបងប្អូនជនជាតិ ខ្មែរ) ដូចជា៖ ឧបត្ថម្ភដីលំនៅឋាន ផ្ទះលំនៅ ដីបង្កបង្កើនផល ទឹកប្រើប្រាស់ ផ្លាស់ប្តូរមុខរបរ បណ្តុះបណ្តាលវិជ្ជាជីវៈ ដោះស្រាយការងារធ្វើជាដើម។ បងប្អូនជនជាតិ ខ្មែរ រំភើបរីករាយណាស់ តែងតែខិតខំប្រឹងប្រែងពង្រីកតួនាទី ទំនួលខុសត្រូវជាមួយអាជ្ញាធរមូលដ្ឋានរៀបចំដាក់ដំណើរការប្រកបដោយប្រសិទ្ធភាពបណ្តាដំណោះស្រាយអនុវត្តបណ្តាគោលដៅកម្មវិធីបានដាក់ចេញ រួមចំណែកបង្កើតកម្លាំងចលករជំរុញការអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនៅលើភូមិសាស្ត្រខេត្ត។

យុវនារី ខ្មែរ ក្នុងឈុតសម្លៀកបំពាក់ប្រពៃណីដើរប្រទក្សិណដង្ហែផ្កាភ្ញីផ្លែឈើថ្វាយទេព្តាក្នុងឱកាសបុណ្យចូលឆ្នាំថ្មីប្រពៃណីនៅវត្ត ស្រឡូង (ចែនកៀវ) នៅឃុំ ដាយតឹម ស្រុក មីស្វៀន (ខេត្ត សុកត្រាំង)

កម្មវិធី គម្រោង គោលនយោបាយជនជាតិត្រូវបានរៀបចំដំណើរការអនុវត្តនៅលើភូមិសាស្ត្រខេត្ត សុកត្រាំង បានពង្រីកប្រសិទ្ធភាព រួមចំណែកធានាសុខុមាលភាពសង្គម សម្រេចរួចរាល់កូតាអភិវឌ្ឍសេដ្ឋកិច្ច - សង្គមតំបន់បងប្អូនជនជាតិភាគតិចនិងតំបន់ភ្នំ ។ល។

ផ្អែកលើមូលដ្ឋានប្រភពទុនត្រូវបានប្រគល់អោយ ខេត្ត សុកត្រាំង បាននិងកំពុងរៀបចំដំណើរការអនុវត្តគម្រោងចំនួន ៩ នៃកម្មវិធី។ ខេត្តដាក់ដំណើរការឧបត្ថម្ភដល់ដីលំនៅឋាន ផ្ទះលំនៅ ផ្លាស់ប្តូរមុខរបរ ទឹកប្រើប្រាស់ កសាងបំពេញបន្ថែម ធ្វើឲ្យល្អប្រសើរមូលដ្ឋានសម្ភារ សិក្ខូបករណ៍ គ្រឿងបរិក្ខាបង្រៀនសិក្សារៀនសូត្រ ទិញឧបករណ៍ស្ថានីយ៍វិទ្យុនិងទូរទស្សន៍ រៀបចំសកម្មភាពហ្វឹកហ្វឺនលើកកម្ពស់សមត្ថភាពអនុវត្តកម្មវិធី បណ្តុះបណ្តាលវិជ្ជាជីវៈលុបបំបាត់អនក្ខរកម្ម បំប៉នចំណេះដឹងជនជាតិ បណ្តាសកម្មភាពឧបត្ថម្ភអភិរក្សពង្រីកតម្លៃវប្បធម៌ប្រពៃណីបងប្អូនជនជាតិភាគតិច រៀបចំសកម្មភាពហ្វឹកហ្វឺន ឃោសនាផ្សព្វផ្សាយអំពីការរៀបអាពាហ៍ពិពាហ៍រវាងបុរសនិងនារីដែលមិនទាន់ដល់នីតិភាព អាពាហ៍ ពិពាហ៍រវាងញាតិលោហិត អំពីការថែទាំសុខភាពបន្តពូជ សមភាពយេនឌ័រនិងបង្ការ ប្រឆាំងអំពើហិង្សាលើកុមារជាដើម៕

* សូមថ្លែងអំណរគុណលោក!

ផលិតដោយ៖ ទន់ភី - អានហៀវ
ប្រែសម្រួលនិងបញ្ចូលទិន្នន័យដោយ៖ យ័ញលើយ