នារី ខ្មែរ លើកកម្រិតផលិតផលពិសេសប្រចាំតំបន់ បៃនូយ

ដើម្បីលើកកម្ពស់គុណភាពទឹកត្នោត អ្នកស្រី ចៅ ង៉ុកយីវ បានខិតខំប្រឹងប្រែងស្វះស្វែង សិក្សាស្រាវជ្រាវ ព្រមទាំងវិនិយោគម៉ាស៊ីន ឧបករណ៍ផលិតកម្មបន្ថែម បង្កើតចេញនូវផលិតផលថ្មីគឺទឹកត្នោតម្សៅ Palmania ផលិតផលថ្មីនេះរក្សាបានក្លិនឈ្ងុយ រសជាតិឆ្ងាញ់ពិសេស ពេញលេញហើយផ្ទុកសារធាតុរ៉ែ វីតាមីនធម្មជាតិជាច្រើន មាននៅក្នុងទឹកត្នោត។ នេះជាផលិតផលមួយក្នុងចំណោម ផលិតផលលើកតម្កើងតម្លៃរបស់ដើមត្នោត ប្រចាំតំបន់ ខេត្ត អានយ៉ាង។

គោរពតាមគោលការណ៍ផលិតស្អាត  ផលិតផលទឹកត្នោត Palmania ត្រូវបានខេត្ត អានយ៉ាង ផ្តល់វិញ្ញាបនបត្របញ្ជាក់ OCOP (កម្មវិធីឃុំមួយផលិតផលមួយ)  ផ្កាយ ៤ លំដាប់ ខេត្ត សម្រេចបានពានរង្វាន់ក្នុងប្រទេសនិងអន្តរជាតិ ជាច្រើន។ បច្ចុប្បន្ននេះ ក្រោយរយៈ ពេលផលិតជិត ៧ ឆ្នាំ មក ក្រុមហ៊ុនភាគហ៊ុន  Palmania  របស់អ្នកស្រី ចៅ ង៉ុកយីវ កំពុងធ្វើអាជីវកម្មផលិតផលចម្បងចំនួន ៣ រួមមាន៖ ទឹកត្នោតប្រភេទខាប់ប្រពៃណី ទឹកត្នោតប្រភេទម្សៅ និងទឹកត្នោតប្រភេទគ្រាប់ ផ្គត់ផ្គង់ទឹកត្នោតទៅ កាន់ទីផ្សារ ជាង ១០ តោនក្នុងមួយឆ្នាំៗ បើកចេញទិសដៅប្រកប របររកស៊ីយូរអង្វែង រួមចំណែកបង្កើតការងារធ្វើ លើក កម្ពស់ប្រាក់ចំណូលជូនកូនក្មួយបងប្អូនជនជាតិ ខ្មែរ នៅមូលដ្ឋានរាប់សិបនាក់៕

អត្ថបទនិងរូបថត៖ ឡេ អៀនថាញ់
បញ្ចូលទិន្នន័យដោយ៖ សឺន ហេង