លោក ង្វៀន ស៊ីឡឹម ប្រធានមន្ទីរកសិកម្មនិងអភិវឌ្ឍន៍ជនបទខេត្ត អានយ៉ាង បានឲ្យដឹងថា៖ អានយ៉ាង ជាខេត្តមានឧត្តមភាព ដ៏ធំអំពីកសិកម្ម ដោយមានផ្ទៃដីជាង ៨០% ជាដីកសិកម្ម ប្រភពទឹកសាបខួប ប្រាំងខួបវស្សា អាកាសធាតុល្អ ចំនួន ៦៥% នៃពលករជនបទមានបទពិសោធន៍ក្នុងផលិតកម្ម កសិកម្ម ជាចម្បងគឺដំណាំស្រូវ។ ជាពិសេស ផ្នែកទំនិញស្រូវអង្ករខេត្ត អានយ៉ាង បាននិងកំពុងបង្កើតបណ្តាតំបន់ផលិតទំនិញ ប្រមូលផ្តុំទ្រង់ទ្រាយធំ ផ្តល់លេខកូដសម្រាប់តំបន់ដាំដុះ។
![សកម្មភាពស្រាវជ្រាវពូជស្រូវរបស់កម្មាភិបាលមជ្ឈមណ្ឌលស្រាវជ្រាវកសិកម្ម ឌិញថាញ់ នៅស្រុក ថ្វយសឺន (ខេត្ត អានយ៉ាង) 6A.jpg](https://imagev3.dantocmiennui.vn/w1000/Uploaded/2024/khuosvp/2024_03_07/6a-691.jpg)
ទន្ទឹមនឹងការរក្សាបានផ្ទៃដីធ្វើស្រែជាង ២០០.០០០ ហិកតា ខេត្ត អានយ៉ាង បានប្រកាសផ្សព្វផ្សាយអនុវត្តគម្រោងមេ "កសាងនិងអភិវឌ្ឍ ពាណិជ្ជសញ្ញា អង្ករខេត្ត អានយ៉ាង ដល់ឆ្នាំ ២០២៥ និងចក្ខុវិស័យដល់ឆ្នាំ ២០៣០" ក្នុងនោះ ផ្តោតលើការកសាងតំបន់ផលិតស្រូវ អង្ករនាំចេញស្ថិរភាព ប្រសិទ្ធភាពនិងនិរន្តរភាព រួមចំណែកពាំនាំអង្ករ វៀតណាម ក្លាយជាពាណិជ្ជសញ្ញានាំមុខគេលើពិភពលោកអំពីគុណភាព សុវត្ថិភាពភោជនាហារ។
![មាមីងបងប្អូនកសិករឃុំ វិញត្រាច់ ស្រុក ថ្វយសឺន (ខេត្ត អានយ៉ាង) ថែទាំស្រូវរដូវសម្រក ២០២៣ - ២០២៤ 5.jpg](https://imagev3.dantocmiennui.vn/w1000/Uploaded/2024/khuosvp/2024_03_07/5-6444.jpg)
ខេត្ត អានយ៉ាង ខិតខំដល់ឆ្នាំ ២០២៥ ប្រើបច្ចេកវិទ្យាឌីជីថលផ្តល់លេខកូដតំបន់ដាំដុះតាមស្តង់ដារនាំចេញសម្រាប់ ៧០ ដល់ ៨០% ផ្ទៃដីធ្វើស្រែគុណភាពខ្ពស់ ផ្ទៃដីធ្វើស្រែត្រូវបាន ម៉ៅប្រមូលទិញសម្រេចបានពីចំនួន ២០០.០០០ ដល់ ២៥០.០០០ ហិកតា ឆ្លាងតាមរយៈក្រុមសហការសហករណ៍។
![ការវេចខ្ចប់អង្ករនាំចេញនៅរោងចក្រនៃសហគ្រាសមួយនៅខេត្ត អានយ៉ាង 3A.jpg](https://imagev3.dantocmiennui.vn/w1000/Uploaded/2024/khuosvp/2024_03_07/3a-7184.jpg)
នាពេលថ្មីៗ នេះ ខេត្ត អានយ៉ាង បានចុះហត្ថលេខាសហប្រតិបត្តិការជាមួយក្រុមហ៊ុនភាគហ៊ុនសាជីវកម្ម ឡុកទ្រើយ រៀបចំដាក់ដំណើរការគម្រោង "មជ្ឈមណ្ឌលភ្នាក់ងារផលិតកម្មនិងចែកចាយស្រូវ អង្ករលំដាប់ថ្នាក់តំបន់នៅខេត្ត អានយ៉ាង"។
![កសិករខេត្ត អានយ៉ាង តំណភ្ជាប់ជាមួយសហគ្រាសប្រមូលផលស្រូវនៅលើវាលស្រែសម្រេចស្តង់ដារនាំចេញ 2A.jpg](https://imagev3.dantocmiennui.vn/w1000/Uploaded/2024/khuosvp/2024_03_07/2a-1138.jpg)
រៀបចំដាក់ដំណើរការលើឃុំ វិញប៊ិញ ស្រុក ចូវថាញ់ ដោយមានផ្ទៃដីសរុបចំនួន ២០០ ហិកតា ទុនវិនិយោគសរុបចំនួន ៩.០០០ ពាន់លានដុង អនុវត្តគោលការណ៍ផលិតស្វ័យប្រវត្តឆ្លាតវៃ មជ្ឈមណ្ឌលត្រូវបានរំពឹងថានឹងក្លាយទៅជាចំណុចស្នូលនៃសេដ្ឋកិច្ចកសិកម្មទំនើបតំបន់វាលទំនាបទន្លេ គឺវឡុង ឆ្លើយតបយ៉ាងពេញលេញនូវមុខងារចងសម្ពន្ធគ្នាក្នុងផលិតកម្ម កែច្នៃនិងលក់ដូរកសិផលតំបន់។
![ការដឹកជញ្ជូនអង្ករឡើងលើកប៉ាល់នាំចេញទៅកាន់ទីផ្សារ អឺរ៉ុប នៅខេត្ត អានយ៉ាង 4.jpg](https://imagev3.dantocmiennui.vn/w1000/Uploaded/2024/khuosvp/2024_03_07/4-3242.jpg)
ដើរតួនាទីតំណភា្ជប់ទីក្រុង ហូ ជីមិញ បណ្តាខេត្ត ទីក្រុងក្នុងតំបន់វាលទំនាបទន្លេ គឺវឡុង ជាមួយប្រទេស កម្ពុជា និងបណ្តាប្រទេស អាស៊ាន ខេត្ត អានយ៉ាង មានឱកាសជាច្រើនក្លាយជាមជ្ឈមណ្ឌលចងសម្ពន្ធគ្នាក្នុងផលិតកម្ម កែច្នៃ លក់ដូរកសិផលរបស់តំបន់ ពាំនាំពាណិជ្ជសញ្ញាស្រូវ អង្ករ វៀតណាម ឈានចេញទៅពិភពលោក៖ ឆ្លងតាមរយៈនោះរួមចំណែកអភិវឌ្ឍផ្នែកទំនិញស្រូវអង្ករខេត្ត អានយ៉ាង និយាយដោយឡែក ទូទាំងប្រទេសនិយាយរួមតាមទិសដៅចីរភាព៕
អត្ថបទនិងរូបថត៖ កុងម៉ាវ
បញ្ចូលទិន្នន័យដោយ៖ យ័ញលើយ