ក្រោយរយៈពេលជាង ៣ ឆ្នាំដាក់ដំណើរការអនុវត្តសេចក្តីសន្និដ្ឋានលេខ 9 - KL/TU ទេសចរណ៍ខេត្ត សឺនឡា ទទួលបានលទ្ធផលវិជ្ជមានជាច្រើន។ ភ្ញៀវទេសចរមកកាន់ខេត្ត សឺនឡា សម្រេចបានជាង ១២ លានលើកនាក់ ផលចំណូលសម្រេចបានចំនួន ១២.៦០០ ពាន់លានដុងកំណើនយ៉ាងឆាប់រហ័ស ស្ថិរភាពនៅក្នុងកម្រិតចំនួន ១៣% ក្នុងមួយឆ្នាំ ចូលរួមវិភាគទានប្រហែល ៦% ផលិតផលសរុបនៅលើភូមិសាស្ត្រខេត្ត។
គម្រោងទេសចរណ៍ មណ្ឌលទេសចរណ៍មានទ្រង់ទ្រាយ គុណភាពនិងវិធីសាស្រ្តធ្វើអាជីវកម្មទំនើប ស្របតាមស្តង់ដារអន្តរជាតិជាច្រើនត្រូវបានបង្កបង្កើតឡើងនិងដាក់ឱ្យដំណើរការ។
ក្នុងនោះ សម្រេចរួចរាល់មុន ១ ឆ្នាំ ចំពោះគោលដៅធំចំនួន ២ ត្រូវបានកំណត់ក្នុងសេចក្តីសម្រេចចិត្តនៃមហាសន្និបាតបក្ខភាគខេត្តលើកទី ១៥ អាណត្តិ ២០២០ - ២០២៥ ជាមណ្ឌលទេសចរណ៍ជាតិ ម៉ុកចូវ ត្រូវបានទទួលស្គាល់និងតំបន់ផ្ទៃបឹងស្តុកទឹកវារីអគ្គិសនី សឺនឡា ត្រូវបាននាយករដ្ឋមន្ត្រីនៃរដ្ឋាភិបាលដាក់បញ្ចូលផែនការប្រព័ន្ធទេសចរណ៍ជាតិសម័យកាលឆ្នាំ ២០២១ - ២០៣០ ចក្ខុវិស័យដល់ ឆ្នាំ ២០៤៥។
ទន្ទឹមនឹងនោះ មណ្ឌលទេសចរណ៍ជាតិ ម៉ុកចូវ ៣ ឆ្នាំជាបន្តបន្ទាប់បានចាត់តាំង World Traval Awards ជ្រើសរើសជា "គោលដៅទេសចរណ៍ធម្មជាតិតំបន់នាំមុខគេនៅអាស៊ី" និង ២ ឆ្នាំជាបន្តបន្ទាប់បានជ្រើសរើសជា "គោលដៅទេសចរណ៍ធម្មជាតិក្នុងតំបន់នាំមុខគេលើពិភពលោក"។
នៅក្នុងកិច្ចប្រជុំ លេខាគណៈកម្មាធិការបក្សខេត្ត ប្រធានគណៈកម្មាធិការប្រជាជនខេត្ត សឺនឡា លោក ហ្វាង គ្វកខាញ់ បានស្នើឱ្យគណៈកម្មាធិការបក្សនៃស្ថាប័ន គណៈអភិបាលបក្ស គណៈកម្មាធិការបក្សស្រុក គណៈកម្មាធិការបក្សទីក្រុង គណៈកម្មាធិការបក្សក្រោមឱវាទបន្តបញ្ជ្រាបការយល់ដឹងអនុវត្តសេចក្តីសន្និដ្ឋានលេខ 94-KL/TU កសាងភារកិច្ច ដំណោះស្រាយសមស្របនឹងមូលដ្ឋាន ស្ថាប័ន អង្គភាពដើម្បីអភិវឌ្ឍទេសចរណ៍តាមទិសដៅផ្តោតចំណុចស្នូល គោលដៅសំខាន់ដោយមានទិសស្លោក "ផលិតផលដ៏វិសេសវិសាល - សេវាកម្មប្រកបដោយលក្ខណៈអាជីព - នីតិវិធីងាយស្រួល យ៉ាងធម្មតា - តម្លៃប្រកួតប្រជែង - បរិស្ថានអនាម័យស្អាត ស្រស់ - គោលដៅទេសចរណ៍សុវត្ថិភាព ស៊ីវិល័យ ស្និទ្ធស្នាល"។
អង្គភាព មូលដ្ឋានទាំងឡាយជំរុញមាំកំណែទម្រង់រដ្ឋបាល កែលម្អបរិស្ថានវិនិយោគ លើកកម្ពស់លទ្ធភាពប្រកួតប្រជែង ពង្រីកឧត្តមភាពដើម្បីអភិវឌ្ឍផលិតផលទេសចរណ៍ដ៏សម្បូរបែប ល្អឯក ទាក់ទាញ បង្កើនការជំរុញផ្សព្វផ្សាយពាណិជ្ជសញ្ញា រូបភាពទេសចរណ៍ សឺនឡា អនុវត្តចលនាប្រលងប្រណាំង "សឺនឡា អភិវឌ្ឍទេសចរណ៍ប្រកបដោយចីរភាពនិងសមាហរណកម្ម" ដំណាក់កាល ២០២៣ - ២០២៥ មានប្រសិទ្ធភាព សកម្មរៀបចំដាក់ដំណើរការបណ្តាគម្រោង គម្រោងមេដែលត្រូវបានអនុម័ត ស្រាវជ្រាវ រៀបចំគម្រោងប្លង់មេ រួមកសាងមណ្ឌលទេសចរណ៍ជាតិតំបន់ផ្ទៃបឹងស្តុកទឹកវារីអគ្គិសនី សឺនឡា តាមសេចក្តីសម្រេចចិត្តរបស់នាយករដ្ឋមន្ត្រីនៃរដ្ឋាភិបាល។
ដើម្បីវិនិយោគសម្រាប់អភិវឌ្ឍទេសចរណ៍ ខេត្ត សឺនឡា បានប្រមូលផ្តុំប្រភពទុនវិនិយោគសាធារណៈទាំងឡាយអភិវឌ្ឍទេសចរណ៍និងហេដ្ឋារចនាសម្ព័ន្ធដូចជា៖ ផ្លូវគមនាគមន៍អ័ក្សផ្លូវធំ គមនាគមន៍ផ្ទៃក្នុង បណ្តាញអគ្គិសនី សួនច្បារ ទីលានជាដើម។
ដំណាក់កាលពីឆ្នាំ ២០២១ - ២០២៥ ខេត្ត សឺនឡា ចាត់ចែងជិត ១.១៥០ ពាន់លានដុងសម្រាប់គម្រោងទេសចរណ៍ចំនួន ១៤ និងជិត ១.១០០ ពាន់លានដុងសម្រាប់គម្រោងបើកការដ្ឋានថ្មីចំនួន ១៣៕
អត្ថបទ៖ ក្វាងក្វៀត
រូបថត៖ ក្វាងក្វៀត - ហ៊ឺវក្វៀត - ផ្សាយដោយទីភ្នាក់ងារព័ត៌មានវៀតណាម
បញ្ចូលទិន្នន័យ៖ យ័ញលើយ
