គោលដៅរក្សាទុកការចងចាំទាំងឡាយដ៏អង់អាចក្លាហាន

ហៀនហាញ់ - អាន ថាញ់ដាត

30/12/2024 08:54

រតនវត្ថុ- យន្តហោះ MiG-21 លេខ 5121 ចូលរួមយុទ្ធនាការ "ហាណូយ - ឌៀនបៀនភូ នៅលើអាកាស"

សារមន្ទីរប្រវត្តិសាស្ត្រយោធា វៀតណាម គឺជាគោលដៅពិសេសមួយសម្រាប់អ្នកណាចង់ស្វែងយល់អំពី ប្រវត្តិសាស្ត្រយោធា និងស្មារតីស្នេហាជាតិរបស់ប្រជាជាតិ វៀតណាម។ ដោយមានវត្ថុតឹកតាងដ៏មានតម្លៃរាប់ម៉ឺនត្រូវបានរក្សាទុក កន្លែងនេះគឺជាឃ្លាំងប្រវត្តិសាស្ត្រដ៏រស់រវើក បង្ហាញការចងចាំទាំងឡាយដ៏អង់អាចក្លាហានឡើងវិញក្នុងបុព្វហេតុការពារប្រទេសជាតិ។

សារមន្ទីរប្រវត្តិសាស្ត្រយោធា វៀតណាម គឺជាសារមន្ទីរលំដាប់ជាតិមួយ ក្នុងចំណោមសារមន្ទីរលំដាប់ជាតិចំនួន ៦ ហើយជាសារមន្ទីរនាំមុខគេនៃ ប្រព័ន្ធសារមន្ទីរយោធា ត្រូវបានបង្កើតឡើងនៅថ្ងៃទី ១៧ ខែ កក្កដា ឆ្នាំ ១៩៥៦ អាសយដ្ឋាននៅលេខ ៨អា ផ្លូវ ដៀនបៀនភូ ខណ្ឌ បាឌិញ (ហាណូយ)។ បច្ចុប្បន្នសារមន្ទីរកំពុងដាក់តាំងបង្ហាញ និងរក្សាវត្ថុតឹកតាងទុករាប់ម៉ឺន ក្នុងនោះមានរតនវត្ថុជាតិចំនួន ៤ រួមមាន៖ យន្តហោះ MiG -21 លេខសញ្ញា 4324 យន្តហោះ MiG-21 លេខសញ្ញា 5121 ផ្ទាំងផែនទីប្ដេជ្ញាចិត្ត យុទ្ធនាការ ហូ ជីមិញ រថក្រោះ T-54B លេខសញ្ញា 843។

ភ្ញៀវទស្សនា ស្វែងយល់ប្រវត្តិសាស្ត្រនៅសារមន្ទីរប្រវត្តិសាស្ត្រយោធា វៀតណាម

សារមន្ទីរប្រវត្តិសាស្ត្រយោធាវៀតណាមត្រូវបានវិនិយោគសាងសង់ថ្មីនៅលើមូលដ្ឋានបណ្តាសង្កាត់តីមូ និង ដាយមូ ខ័ណ្ឌ ណាម ទឺលៀម (ហាណូយ)

ឆ្នាំ ២០១៩ សារមន្ទីរប្រវត្តិសាស្ត្រយោធា វៀត ណាម ត្រូវបានក្រសួងការពារជាតិវិនិយោគសាង សង់ថ្មីលើផ្ទៃក្រឡាចំនួន ៣៨៦.៦០០ ម៉ែត្រការ៉េ នៅសង្កាត់ តីម៉ូ សង្កាត់ ដាយម៉ូ ខ័ណ្ឌ ណាមទឺលៀម (ហាណូយ)។ សារមន្ទីរមានរចនាប្លង់បែបទំនើប បង្កើតលំហូរប្រវត្តិសាស្ត្រដោយ អព្ភន្តញ្ញាណដោយ មានពណ៌សម្បុរសមស្រប អនុវត្តបច្ចេកវិទ្យាជាច្រើន បញ្ចាំងបង្ហាញក្នុងការងារដាក់តាំងបង្ហាញ ពាំនាំមកឲ្យ អ្នកទស្សនាឆ្លងកាត់ការពិសោធន៍ថ្មីទាំងស្រុង។

ប្រព័ន្ធដាក់តាំងបង្ហាញនៅជាន់ទី ១ ឧទេ្ទសនាមវត្ថុតឹកតាងរាប់ពាន់ ត្រូវបានរៀបចំយ៉ាង ទំនើប ប្រកបដោយលក្ខណៈវិទ្យាសាស្ត្រ បរិបូណ៌ ប្រើប្រាស់បច្ចេកវិទ្យាជឿនលឿន របស់សារមន្ទីរ អន្តរជាតិដូចជា តុខ្សាច់ 3D mapping អេក្រង់ឆែកមើលព័ត៌មាន media ឯកសាររូបថតអធិប្បាយ ឧទ្ទេសនាមស្វ័យប្រវត្តិ audioguide និងកូដ QR ឆែកមើលព័ត៌មានវត្ថុតឹកតាង រួមជាមួយនឹង វីដេអូឃ្លីបជាង ៦០ ឧទេ្ទសនាមអំពីយុទ្ធនាការទាំងឡាយ ការប្រយុទ្ធ និងតួអង្គប្រវត្តិសាស្ត្រ។ ឆ្លងតាមរយៈនោះ ឆ្លុះបញ្ចាំងប្រវត្តិសាស្ត្រតស៊ូប្រយុទ្ធប្រឆាំងខ្មាំងបរទេសឈ្លានពាន ដណ្តើម ឯករាជ្យរបស់ប្រជាជាតិ វៀតណាម គ្រប់ជ្រុងជ្រោយ ការកកើតឡើងនិងអភិវឌ្ឍរបស់បណ្តា កងកម្លាំងប្រដាប់អាវុធប្រជាជន ជាស្នូលគឺកងទ័ពប្រជាជន វៀតណាម នៅគ្រប់សម័យកាល បដិវត្តន៍របស់ប្រទេសជាតិ។

រតនវត្ថុជាតិ - រថក្រោះ T-54B លេខសញ្ញា 843 ត្រូវបានថែទាំជុសជុលនិងដាក់តាំងបង្ហាញនៅសារមន្ទីរប្រវត្តិសាស្ត្រយោធា វៀតណាម ជាភស្តុតាងជាក់ស្តែងកត់ត្រាស្លាកស្នាមយុទ្ធជ័យដ៏ធំធេងរបស់កងទ័ពនិងប្រជាជនយើងក្នុងយុទ្ធនាការ ហូ ជីមិញ

ដោយមានទ្រង់ទ្រាយ ៤ ជាន់លើនិង ១ ជាន់ក្រោមដី សារមន្ទីរមានផ្ទៃដីសាងសង់ចំនួន ២៣.១៩៨ ម៉ែត្រការ៉េ ផ្ទៃកម្រាលអគារគោលសរុបចំនួន ៦៤.៦៤០ ម៉ែត្រការ៉េ។ នៅខាងមុខ អគារជាវិមានជ័យជម្នះកម្ពស់ ៤៥ ម៉ែត្រដោយមានទម្រង់ផ្កាយប្រាំជ្រុងត្រូវបានរៀបតម្រួត ឡើងច្រើនស្រទាប់ តំណាងអោយឆ្នាំ ១៩៤៥ ប្រជាជាតិ វៀតណាម ដណ្តើមបានឯករាជ្យ។

វត្ថុតឹកតាងដ៏មានតម្លៃជាច្រើនត្រូវបានដាក់តាំងបង្ហាញ ឧទេ្ទសនាមដល់សាធារណជន

សារមន្ទីរប្រវត្តិសាស្ត្រយោធា វៀតណាម គឺជាសំណង់វប្បធម៌ពិសេសគំរូតួយ៉ាង ដោយមាន បណ្តាធាតុផ្សំដាក់តាំងបង្ហាញដើម្បីភ្ញៀវទស្សនាធ្វើអន្តរកម្ម និងយល់កាន់តែច្បាស់អំពីការតស៊ូ ប្រយុទ្ធដណ្តើមឯករាជ្យប្រជាជាតិរបស់ប្រជាជន វៀតណាម ឆ្លងតាមរយៈនោះ រួមចំណែកអភិរក្ស ពង្រីកធាតុខ្លឹមបេតិកភណ្ឌវប្បធម៌យោធារបស់ប្រជាជាតិ ឆ្លើយតបតម្រូវការស្រាវជ្រាវ សិក្សា ទស្សនា ទទួលផលវប្បធម៌របស់ប្រជាជនក្នុងស្រុកនិងអន្តរជាតិគ្រប់ជាន់ថ្នាក់ ស្របតាមគោលការណ៍ របស់គណៈកម្មាធិការយោធាមជ្ឈិមបក្សនិងក្រសួងការពារជាតិ៖ "សារមន្ទីរប្រវត្តិសាស្ត្រយោធា វៀតណាម គឺជារបបពហុបំណងសំយោគ មានសារៈសំខាន់យ៉ាងខ្លាំង គំរូតួយ៉ាងរបស់រដ្ឋធានី ហាណូយ និងប្រទេសជាតិ"៕

អត្ថបទ៖ ហៀនហាញ់ រូបថត៖ អាន ថាញ់ដាត
ប្រែសម្រួលនិងបញ្ចូលទិន្នន័យ៖ សឺន ហេង